2 Corintios 1:18 - Qullan Arunaka DC

¹⁸ Ukampis Diosax yatiskiwa, nanakax janiw jumanakar “jïsa, janiwa” sasax parlapksmati.

Aymar Bibliia 1986

¹⁸ Ucampis Diosajj yatisquiwa, janiw nanacajj: “Jïsa, janiwa” sasajj parlapcsmati.

Qullan Arunaca

¹⁸ Ucampis Diosajj yatisquiwa, janiw nanacajj: “Jïsa, janiwa” sasajj parlapcsmati.

2 Corintios 1:18 Jak'a apnaqawi uñst'ayäwi

Juan 7:28

Ukanak ist'asinsti, Jesusax Tatitun utapan yatichkasin jach'at arsüna: —¡Jumanakax uñt'apxistawa, kawkit jutataxsa yatipxaraktawa! Ukampis janiw nayan munañaxat jutkti, jan ukasti, khititix chiqäki ukan khithanitaw jutta, juparusti jumanakax janiw uñt'apktati.

Juan 8:26

Ukampis jumanakan jan wali luratanakamat sañaxaw utjaskitu; khititix khithankitu ukax chiq arsu, nayasti kuntix jupat ist'kta ukarak akapachar sista.

1 Corintios 1:9

Diosax arsutanakap phuqhapuniwa, jupaw jumanakarux jawsapxtam, Jesucristo Tatitusa Yuqapampi mayachat jakañataki.

2 Corintios 1:23

Janis amtataxarjam Corintor sarksta ukasa, jumanakat khuyapayasisaw jan jutkti, uksti Diosaw yatiski.

2 Corintios 11:31

Jesucristo Tatitun Dios Awkipaxa, wiñayatak yupaychatäñapax wakisiwa, jupax nayan chiqa arsutax yatiwa.

2 Corintios 2:17

Janiw nanakax Diosan yatiyäwi arunakap aljas sarnaqapkti, kunjämtix waljaninakax lurapki ukhama; jan ukasti, taqi chuymaw Diosan nayraqatapan yatiyapxta, Cristompi mayakïtanakax layku.

2 Corintios 6:8

Yaqhip urunakax jach'ar aptatäpxtwa, yaqhip urunakasti ñanqhachatäpxtwa; yaqhip urux nanakat sum parlapxi, yaqhip urusti jan walirak nanakat parlapxi. Chiqap parlapkta ukasa, k'ari jaqinakarjamaw uñjapxitu.

1 Juan 5:20

Diosan Yuqapan jutatapsa yatiraktanwa, ukatsti chiqpach Diosar uñt'añatakix amuyt'ap churistu. Uka chiqpach Jesucristo Yuqapampix mayakiw jakapxtan, jupaw chiqpach Diosaxa, wiñay jakañasa.

Apocalipsis 3:14

“Laodicea iglesiankir angelar qillqasin apayam: ‘Khititix chiqapäki, kunsa chiqapapun arski, khititix Diosan luratanakapat nayrïrïki ukax akham siwa:

Apocalipsis 3:7

“Filadelfia iglesiankir angelarux qillqasin apayarakim: ‘Khititix qullanäki chiqapäkaraki, David reyin jist'arañapsa katxäski, jist'aratapar jan khitis jist'antirïki, jist'antatapar jan khitis jist'arirïki ukax akham siwa: