1 Timoteo 4:3 - Qullan Arunaka DC

³ Uka jaqinakax chacha warmi jaqichasiñat jark'apxi, Diosan uchat manq'anakat tuwasipxi, uka manq'anakasti Diosar iyawsirinakana, chiqa uñt'irinakan yuspagarañ chuymampi manq'añapatak uchatawa.

Aymar Bibliia 1986

³ Aca jakenacajj sapjjewa: “Janiw casarasiñasäquiti” sasa, uqhamarac yakhep mank'anac mank'añsa jarc'apjjaraquiwa. Diosawa mank'añanacjja luri iyawsirinacana uqhamarac cheka uñt'irinacan mank'añapataqui, Jupar yuspagarasina.

Qullan Arunaca

³ Aca jakenacajj sapjjewa: “Janiw casarasiñasäquiti” sasa, uqhamarac yakhep mank'anac mank'añsa jarc'apjjaraquiwa. Diosawa mank'añanacjja luri iyawsirinacana uqhamarac cheka uñt'irinacan mank'añapataqui, Jupar yuspagarasina.

1 Timoteo 4:3 Jak'a apnaqawi uñst'ayäwi

Génesis 9:3

Taqi animalanakampi, ch'uxña alinakampix jumanakan manq'añamatakïniwa. Nayaw ukanak churapxsma.

Eclesiastés 5:18

18 (17) Nayax akhamak amuyta: jakäwin askipax manqt'asiña, umt'asiña, aka uraqin mä juk'a urunak Diosax churkistu ukan jan inakt'as irnaqatasat kusist'aña ukakiwa, ukampis ukaw jiwasanakar wakt'istu.

Daniel (hebreo) 11:37

Aka reyisti janiw nayra awkinakapan diosanakaparux yäqkaniti, janirakiw warminakan yupaychata diosanakarusa, kawkïr diosarus yäqkaniti, jupax taqi uka diosanakatsa jilt'atätap amuyasini.

Mateo 14:19

Ukxarusti Jesusax jaqinakan ch'ijir qunurañapatakiw mayïna. Ukatsti phisqa t'ant'ampi pä chawllampi katusin alaxpach uñtasaw Diosar yuspagaräna. T'ant'a pachjasinsti yatiqirinakaparuw churäna taqi jaqinakar lakintapxañapataki.

Mateo 15:11

Kunatix jaqin purakapar mantki ukax janiw jaqirux q'añuchkiti. Jan ukasti, kuna arunakatix jaqin lakapat mistki ukaw jaqirux q'añuchi —sasa.

Mateo 15:36

ukatsti paqallq t'ant'ampi, chawllanakamp apxarusin Diosaruw yuspagaräna, t'ant'anak pachinuqasinsti yatiqirinakaparuw churäna, jupanakasti jaqinakaruw lakintarakïna.

Lucas 24:30

Kunapachatix manq'añatak qunt'asipkän ukkhasti, t'ant'a irtasin Diosaruw yuspagaräna, pachjasinsti jupanakaruw churäna.

Juan 6:23

Ukchañkamasti, yaqha botenakaw Tiberias markat purinïna, kawkhantix Jesusax t'ant'a manq'ayañatak Tatitur yuspagarkäna uka chiqaru.

Hechos 27:35

Uk sasinsti, Pablox mä t'ant'a irtasin taqinin nayraqatapan Diosar yuspagaräna. Pachjasinsti manq'añ qalltarakïna.

Romanos 14:17

Diosan qhapaq markapanxa, kun manq'añasa, kun umañasa, janiw wakiskirïkiti, jan ukasti, Qullan Ajay tuqi chiqa kankañan sarnaqaña, sumankaña, kusisiña ukaw wakiskirixa.

Romanos 14:3

Ukampis taqi kun manq'irix janiw jan taqi kun manq'irirux jisk'achañapäkiti; taqi kun jan manq'iris janirakiw taqi kun manq'irirux jisk'achañapäkiti; Diosasti juparux katuqxiwa.

Romanos 14:6

Maynitix mä uru yaqhachchixa, Tatitur jach'achañatakiw yaqhachi. Khititix taqi kunsa manq'ki ukasti, Tatitur jach'achañatakiw manq'i; ukatsti Diosaruw yuspagari; khititix taqi kunsa jan manq'ki ukaxa, Tatitur jach'achañatakiw jan manq'kiti, ukatsti Diosaruw yuspagararaki.

1 Corintios 6:13

Sapxarakiwa: “Manq'ax purakatakiwa, purakasti manq'atakirakiwa” sasa. Ukax chiqakïskiwa, ukampis Diosaw paypach tukjani. Ukatsipana, janchix janiw wachuq jucha lurañatakïkiti, jan ukasti, Tatitutakiwa, Tatitusti janchitakirakiwa.

1 Corintios 7:28

Jaqichasisasti janiw juch lurktati; mä tawaqun jaqichasitapas janirakiw juchäkiti. Ukampis jaqichasirinakatakix janchi kankañapan llakisiñanakaw utjani, nayasti ukanakar jan purisipkañam munirista.

1 Corintios 8:8

Chiqpachansa kuntix manq'ktan ukax janiw Diosat jayarst'aykistuti; janiw manq'asati askïkañänixa, janirakiw jan manq'asas jan askïkañänitixa.

Colosenses 2:16

Ukhamasti janiy khitis manq'apxatamata, umapxatamatsa jumanakar jisk'achpati, janirak jisk'achpati jach'a urunak jan yäqatamatsa, machaq phaxsinak jan yäqatamatsa, samarañ urunak jan yäqatamatsa.

Colosenses 3:17

Kuntix lurapkäta, arsupkäta ukkhasti, Tatit Jesusan sutipar lurapxam, Jesucristo tuqi Dios Awkir yuspagarasa.

1 Timoteo 2:4

jupasti taqinin qhispiyatäñap muni, kunatix chiqäki uk uñt'apxañap munaraki.

1 Timoteo 4:4

Taqi kuntix Diosax uchawayki ukax askipuniwa, ukanaksti Diosar yuspagarasin manq'añasawa,

1 Timoteo 5:14

Ukat nayax tawaqu ijma warminakan jaqichasiñap munta, wawanakanïñapa, utap sum uñjirïñap munta, ukhamat uñisirinakapan jupanakar jan p'inqachaskañapataki.

Hebreos 13:4

Chacha warmi jaqichasit sarnaqäwirux taqinipun waqaychapxam, chachasa, warmisa jan yaqhanakampix wachuqan sarnaqapxamti; wachuq juchan sarnaqirirux Diosaw taripani.

Hebreos 13:9

Jumanakasti janiy yaqha jan uñt'at yatichäwinakampix apayasipxamti. Diosan munasiñapampi chuymar ch'amañchañax juk'amp sumawa, manq'añanakxat kunayman arsutanakar phuqhañat sipana, uka arsutanakax janiw kunapachas askïkänti.

1 Samuel 9:13

Markar purisinsti, jank'akiw juparux thaqtapxäta, qullan chiqawjar janïr manq'ir sarkipana. Jupan puriniñapkamasti jaqinakax janïraw manq'apkaniti, jupaw wilañcha luqtatarux qullanañchañapa, uka qhipat jawsayata jaqinakax manq'asipkani. ¡Jank'ak sarapxam, jikxatasipkätawa! —sasa.