1 Timoteo 4:2 - Qullan Arunaka DC

² K'ari chuyman jaqinakaruw ist'apxani, uka jaqinakax luratanakapatsa janiw p'inqasipkiti.

Aymar Bibliia 1986

² C'ari chuyman jakenacaruw ist'apjjani, ucanacan chuymanacapajj janiw cuns amuycjjeti, parintat fierrompis nacsutäcaspa uqhama.

Qullan Arunaca

² C'ari chuyman jakenacaruw ist'apjjani, ucanacan chuymanacapajj janiw cuns amuycjjeti, parintat fierrompis nacsutäcaspa uqhama.

1 Timoteo 4:2 Jak'a apnaqawi uñst'ayäwi

1 Reyes 13:18

Ukampis awki profetax saskakïnwa: —Nayax jumjam profetarakïtwa, mä angelaw Tatitun arupar jaysasin parlitu nayax utaxar irpasina manq'ampi, umampi jumar churañaxataki —sasa. Judá uraqinkir profetax janiw uka awki profetan k'arisitap yatkänti,

1 Reyes 22:22

Ajayusti sänwa: “Reyin taqpach profetanakaparux k'arinak parlayä” sasa. Ukat Tatitux sarakïna: “Ukhamatxa k'arintätawa, ukhamax saramay uk luriri” sasa.

Isaías 9:15

15 (14) P'iqix jilïri irpir jaqinakaruw uñtasi, wich'inkhasti k'ari yatichir profetanakaruw uñtasiraki.

Jeremías 23:14

Jerusalenankir profetanakarusti, axtaskañ luräwinak lurasipkir uñjta: Wachuqa juchanak lurapxi, k'arisiñanakan sarnaqapxi, jan wali jaqinakaruw yanapapxi. Sodoma, Gomorra markankirinakat sipansa juk'ampi jan wali jaqinakäpxiwa.

Jeremías 23:26

¿Kunapachkamas uka profetanakax jupanakan amtatanakaparjam k'ari arunak yatiyasipkakini?

Jeremías 23:32

Nayax kawkïr profetanakatix uka k'ari samkanakap parlasax markaxar maysar saranukuyapxi ukanakatakiw sayt'ta. Janiw nayax jupanakar khithankti, janirakiw kuna arunaksa churkaraktti, ukhamasti jupanakax janiw markaxarux yanapt'apkaspati. Naya, Tatituw uk arsta.

Jeremías 5:21

‘Jan amuyt'an t'axmar marka, aka arunak ist'am, nayranïskiwa, ukampis janiw uñjkiti, jinchunïskiwa, ukampis janiw ist'kiti.

Mateo 24:24

Ukürunakanxa walja k'ari cristonaka, k'ari profetanakaw jutani; jupanakasti sallqjañatakix kunayman unañchanaka, muspharkañanak lurapxani, pachpa Diosan ajllitanakapar kunaw pantjayapxani.

Mateo 7:15

“K'ari profetanakat amuyasipxam, jupanakasti ‘Diosat nanakax parlaxpta’ sasaw sarnaqapxi. Jupanakasti ovejanakat isthapitaw jumanakan ukar jutapxi, ukampis chuymapanxa ñanqha lunthat qamaqinakawa.

Hechos 20:30

Jumanak taypinpach yaqhipanakax sartani, k'arinak yatichasa, chiqäkaspas ukhama, iyawsirinakampi arkayasiñ munasa.

Romanos 1:28

Diosar jan uñt'añ munapxatap laykuxa, jupax jan wali amtäwinakaparuw jaytanuku, kunatix jan lurañäki uk lurapxañapataki.

Romanos 16:18

janiw jupanakax Cristo Tatitusar luqtapkiti, jan ukasti, jupanakan munañaparjamakiw luqtapxi, ukatsti suma llaphi munkañ arunakampiw juk'a amuyt'asir jaqin chuymanakap sallqjapxi.

Efesios 4:14

Janiy wawanakar uñtat sarnaqxañäniti, kawksarus jank'ak irpataki, ukatsti jan wali thakhi sarnaqir k'ari yatichirinakan yatichäwipampis sallqjataraki.

Efesios 4:19

Jan p'inqanïpxiwa, jan wali lurañaruw katuyasipxi, jan axsarasaw q'añu lurañanak lurapxi.

2 Timoteo 3:5

Jupanakax Dios chuymäkaspas ukhamaw tukupxani, ukampis luräwinakapampix Diosar chiqpach arkañ apanukupxani. Uka jaqinakampix janipun chikachasimti.

Apocalipsis 16:14

Ukanakasti ñanqhanakan ajayunakapänwa, muspharkañanak lurapxarakïna. Akapach taqpach reyinakar tantachiriw mistupxäna, taqi ch'aman Diosan jach'a urupan nuwasiñataki.