1 Timoteo 4:1 - Qullan Arunaka DC

¹ Qullan Ajayux qhanpach arsu: Qhipa urunakan yaqhipanakax iyawsäwit kutiqxapxaniwa, k'ari yatichäwir ist'asa, ñanqha ajayunakan yatichäwipar iyawsasa.

Aymar Bibliia 1986

¹ Kollan Ajayojj khanacwa sasquejja, khepa urunacajj yakhepanacajj iyawsäwitjja cutekjjapjjaniwa, sallkjeri ajayunacar arcasina, uqhamarac ñankhanacat jutir yatichäwinacaru arcasina.

Qullan Arunaca

¹ Kollan Ajayojj khanacwa sasquejja, khepa urunacajj yakhepanacajj iyawsäwitjja cutekjjapjjaniwa, sallkjeri ajayunacar arcasina, uqhamarac ñankhanacat jutir yatichäwinacaru arcasina.

1 Timoteo 4:1 Jak'a apnaqawi uñst'ayäwi

Génesis 3:13

Ukat Tatit Diosax warmir jiskt'arakïna: —¿Kunatsa jumax uk lurta? —sasa. Warmisti sarakïnwa: —Katariw nayarux sallqjitu, ukat nayax manq'antta —sasa.

1 Reyes 13:18

Ukampis awki profetax saskakïnwa: —Nayax jumjam profetarakïtwa, mä angelaw Tatitun arupar jaysasin parlitu nayax utaxar irpasina manq'ampi, umampi jumar churañaxataki —sasa. Judá uraqinkir profetax janiw uka awki profetan k'arisitap yatkänti,

Isaías 2:2

Qhipa urunakan kawkhankkitix Tatitun utapax uka qullux suma sayt'ayatäniwa. Uka qullusti alayarux wali jach'äniwa, taqi qullunakat sipansa wali jach'arakïniwa. Ukarux taqi markanakaw jutapxani;

Jeremías 23:26

¿Kunapachkamas uka profetanakax jupanakan amtatanakaparjam k'ari arunak yatiyasipkakini?

Jeremías 48:47

Ukampisa tukuyarusti, nayaw Moab markan saräwipxa sumar tukuyxä; naya, Tatituw uk arsta.” Ukaw Moab markataki arsuta Tatitun mutuyäwipaxa.

Jeremías 49:39

Ukampisa, akat qhiparux Elam markan sarnaqäwip sumaruw tukuyarakï. Naya, Tatituw uk arsta.”

Ezequiel 38:16

ukatsti Israel markaxaruw nuwantäta. Gog, jumasti uka markarux mä ch'iyar qinayäkasmas ukhamaw chhaqtayäta. Uka qhipa urunakansti nayax markaxar nuwantañamatakiw jumar irpanïma, ukhamat juma tuqi yaqha markanakax yatipxani, nayarus uñt'apxarakitani kunapachatix nayax jupanakaru q'uma kankañax uñacht'aykä ukapacha’ sasa.

Daniel (hebreo) 10:14

Jichhasti nayax, kunanakatix markaman akat qhiparu utjkani ukanakat qhanañchiriw jutta, unañchäwi uñjatamax uka urunakat yatiyi’ sasa.

Oseas 3:5

Uka qhipatsti israelitanakax kuttanxapxaniwa, Tatit Diosaparuw thaqhapxani, David reyiparuw thaqhapxarakini. Uka qhipa urunakansti, askinak katuqapxatapatxa, alt'at chuymampiw Tatitur jak'achasipxani.

Miqueas 4:1

Qhipa urunakanxa, kawkhankkitix Tatitun utapax uka qullux suma sayt'ayatäniwa. Uka qullusti taqi qullunakat sipansa wali jach'äniwa. Taqi markanakaw ukarux jutapxani,

Números 24:14

Jichhax markaxar kuttawayxä, ukampis janïr sarkasin, kuntix akat qhipar Israel markax markamar lurkan uk arsuwayä —sasa.

Mateo 18:7

¡Kunja jan walis akapachatakix jaqinakan juchar puriñ utjatapaxa! Juchar puriñax utjapuniniwa, ukampis ¡kunakïkani juchar puriyir jaqitakixa!

Lucas 17:1

Jesusax yatiqirinakaparux sänwa: “Kunanakas jaqir juch lurayirix utjapuniwa, ukampis ¡kunakïkani mayninakar juchar puriyir jaqitakixa!

Juan 16:13

Kunapachatix Qullan Ajayux jutkan ukkhasti, jupaw taqi kunatix chiqäki uk yatichapxätam; janiw jupa pachpat parlkaniti, jan ukasti kuntix ist'ki uk sani, ukatsti kunanakatix qhipa urunakan luraskani uk yatiyarakini.

Hechos 13:2

Mä urusti, jupanakax Tatituruw yupaychasipkäna, ayuno lurasipkän ukchañkamaw Qullan Ajayux jupanakar säna: “Bernabeampiru, Saulompir yaqhacharapipxita. Nayaw jupanakar mä suma irnaqäwitak ajllista” sasa.

Hechos 17:18

Yaqhipanakax epicúreo, ukhamarak estoico sat yatiñan jaqinakänwa, jupanakasti Pablompiw jiskhintasipxäna. Mayninakax sapxänwa: —¿Kunxatarak aka jaqist parlisti? —sasa. Yaqhipanakasti sapxarakïnwa: —Yaqha markankir jan uñt'at diosanakat parlir jaqjamakiwa —sasa. Jupanakax Jesusan suma yatiyäwipampita, jiwatat jaktatapampit Pablon arsutap laykuw ukham sapxäna.

Hechos 20:23

Kawki markankkasinsa Qullan Ajayux situwa: ‘Carcelampi walja t'aqhisiñanakampiw suyasktam’ sasa.

Hechos 21:11

Jupasti nanakaruw jak'achasini, ukatsti Pablon cinturonap katusin kayunakapampi, amparanakapamp ñach'antasi. Ukat saraki: —Qullan Ajayux akham siwa: “Jerusalenanxa, judionakax aka cinturonanirux akham ñach'antapxani, ukatsti Roma apnaqir jilïrinakaruw katuyapxani” —sasa.

Hechos 28:25

Jupanakkamasti janiw mä amtañar purirjamäpkänti, ukat sarxañ qalltapxäna. Pablosti jupanakar sänwa: —Qullan Ajayux chiqap säna, jumanakan nayra awkinakamar Isaías profeta tuqi parlkän ukapachaxa, akham sasa:

1 Corintios 10:20

Nayax sistwa, Diosar jan uñt'irinakax supayanakaruw wilañcha luqtasipki, janiw Diosar luqtapkiti, nayax janiw jumanakan uka ñanqha supayanakamp chikachasipxañam munkti.

1 Corintios 11:19

¡Jumanak taypin t'aqanuqtañanak utjañapax wakisiwa, ukhamat yatiñataki khitis chiqpach Cristor arkirix uka!

1 Corintios 12:11

Taqi akanaksti, mä pachpa Ajayukiw ch'amapampi luri, jupasti kunjämarutix munki ukhamaruw sapa maynir lakinuqi.

1 Corintios 2:10

Taqi akanaksti Diosax Qullan Ajay tuqikiw uñacht'ayistu. Uka Ajayusti taqi kun uñakipi, Diosan jan amuyt'kay amtatanakapamppach uñakipi.

2 Corintios 11:3

Ukampis axsarañaxaw utjitu, kunjämatix katarix Eva warmir k'arinakapampi sallqantänxa, ukhamach jumanakan chuymanakam sallqantarakispa uk amuyta, ukhamäspa ukasti Cristor q'uma chuymampi arkañat saraqtayapxiristam.

Deuteronomio 32:29

Jupanakatix yatiñanïpxaspaxa, amuyt'apxaspawa; kunäkanitix ukanaksa yatipxarakispawa.

Deuteronomio 4:30

Kunapachatix jumanakax taqi uka t'aqhisiñanakana, llakisiñanakan uñjasisina, Tatitur kuttapxäta, iyawsapxarakïta ukkhaxa,

Colosenses 2:18

Jan khitis llamp'u chuymanjam tukus jumanakar juchañchpati, khitinakatix angelanakar yupaychapki ukanakaxa, jupanakasti unañchäwinak uñjapxta sapxiwa, ukampis ukax k'arikamakiwa, jan wali amuyunakapatsti jach'a jach'aw tukupxi.

2 Timoteo 3:13

ukampis salqjir jan wali jaqinakax jan walit juk'amp jan waliruw puripxani, sallqjasina, ukhamarak sallqjayasisina.

2 Timoteo 4:4

Chiqa arunak ist'añ janiw munapkaniti, k'ari arunakarukiw ist'apxani.

Santiago 3:15

Uka yatiñ kankañax janiw Diosat jutkiti, jan ukasti akapach yatiñ kankañakiwa, jaqin amuyt'apakiwa, pachpa supayat juti.

1 Pedro 1:20

Cristow ukham phuqhañapatak ajllitäna, aka uraqix janïra utjkän ukkhatpach ajllitänwa, ukampis aka qhipa urunakan jumanakatak askiw uñstxi.

2 Pedro 2:1

Ukampis Israel marka taypin k'ari profetanakax utjarakïnwa; ukhamarakiw jumanak taypin k'ari yatichirinakax utjani. Jupanakasti jan wali amtäwinakap jamasanakan yatichapxani, qhispiyir Tatituparus jan uñt'iriw tukupxani; ukham yatichapxatapatsti, mäkhi t'unjatäpxaniwa.

2 Pedro 3:3

Nayraqatax ak amuyt'asipxam: Qhipa urunakan jan wali jaqinakaw sartapxani, jan wali amtataparjamaw sarnaqapxani, jumanakat phiskasisasti,

1 Juan 2:18

Wawanaka, qhipa urunakankxtanwa. Jumanakax “Anticristow jutani” sir ist'apxäyätaxa; ukhamasti jichhax walja anticristonakaw uñstxi, ukhamat yatipxtan qhipa urunakätapa.

1 Juan 4:6

Ukampis jiwasanakax Diosankirïpxtanwa. Khititix Diosar uñt'ki ukax ist'istuwa; jan Diosankirïki ukasti janiw ist'kistuti. Ukham tuqikiw chiqa ajayunirux uñt'sna, khititix k'ari ajayunïki ukarus uñt'araksna.

Judas 1:18

sapkäyätam ukanakat amtasipxam: “Qhipa urunakanxa, Tatitut larusir jaqinakaw utjani, jupanakasti jan wali amtäwinakaparjamaw jakapxani” sasa.

Judas 1:4

Yaqhip jaqinakax sallqjañanakampiw jumanak taypir mantanipxi, jupanakarusti Qillqatanakax juchañchañatak nayratpach uñacht'ayäna. Uka ñanqha lurir jaqinakasti Tatitun khuyapayasiñap maysaruw uñtayapxi jan wali luräwinakapan jakañataki, ukatsti jiwasan mä sapa Tatit Jesucristo Uywirisarux jan uñt'iriw tukupxi.

Apocalipsis 13:14

Nayrïr axsarkañ animalan churata munañanïñ kankañampiw aka axsarkañ jach'a animalax muspharkañanak luratap tuqi uraqin jakir jaqinakar sallqantäna. Ukatsti nayrïr jach'a axsarkañ animalar uñtat lursuyarakïna, kawkïritix espadampi chhuxriñchjatäsin jakaskatayna ukar uñtata.

Apocalipsis 16:14

Ukanakasti ñanqhanakan ajayunakapänwa, muspharkañanak lurapxarakïna. Akapach taqpach reyinakar tantachiriw mistupxäna, taqi ch'aman Diosan jach'a urupan nuwasiñataki.

Apocalipsis 18:2

Wali jach'at art'asirakïna: “¡Aynacht'xiwa, jach'a Babiloniax t'unjatawa! ¡Supayanakan utjäwiparuw tukuwayi, kunayman ñanqha ajayunakan putuparuw tukuwayi, kunayman q'añu jamach'inakan tapaparuw tukuwayi, q'añu qhuru uñisit animalanakan tapaparuw tukuwayxaraki!

Apocalipsis 18:23

Janipuniw juman mä micha qhanas qhankxaniti, jaqichasïwinakan kusisiñ uxutanakapas janirakiw ist'askxaniti. Alakipa lurir jaqinakamax aka uraqpachan wali munañan jaqinakäpxänwa, jumasti layqasitanakamampiw taqpach markanakar sallqanttaxa.”

Apocalipsis 19:20

Uka jach'a axsarkañ animalasti k'ari profetamp chika katuntatäxänwa, uka k'ari profetasti muspharkañanak lurirïtayna uka axsarkañ animal nayraqatana. Uka muspharkañ luräwinak tuqiw, uka k'ari profetax sallqjatayna khitinakarutix jach'a axsarkañ animalan chimpupampi chimpuyasipkatayna, ukatsti ukan uñtasit lursutapar yupaychapkatayna ukanakaru. Ukatsti k'ari profetasa, uka axsarkañ animalasa azufrempi aqaskir nina qutar jakkirpacha jaquntataw uñjasipxäna.

Apocalipsis 2:11

¡Khititix jinchunïki ukax, ist'pan kuntix Tatitun Ajayupax iglesianakar siski uka! Jan walt'añanakar atipjiristi, janiw payïri jiwäkis ukan, kuna t'aqhisiñsa katuqkaniti’ sasa.

Apocalipsis 2:17

¡Khititix jinchunïki ukax, ist'pan kuntix Tatitun Ajayupax iglesianakar siski uka! Jan walt'añanakar atipjirinakarusti, maná sat imantat t'ant'at manq'ayä; ukatsti mä janq'u qala churarakï, uka qalansti mä machaq sutiw qillqt'ata, uka sutsti janiw khitis yatkiti, uka qala katuqirikiw yati.’ sasa.

Apocalipsis 2:29

¡Khititix jinchunïki ukax, ist'pan kuntix Tatitun Ajayupax iglesianakar siski uka!’ sasa.

Apocalipsis 2:7

¡Khititix jinchunïki ukax, ist'pan kuntix Tatitun Ajayupax iglesianakar siski uka! Jan walt'añanakar atipjirirusti, Diosan suma markapan utjki uka jakañ churir quqan achupat manq'ayä’ sasa.

Apocalipsis 20:10

Sallqjir supayasti nina azufre qutar jaquntataw uñjasini, kawkirutix k'ari profetampi uka jach'a axsarkañ animalampix jaquntat uñjasipkarakïn ukaru. Ukan uruy aruma taqpachan t'aqhisipxani, wiñayan wiñayapataki.

Apocalipsis 20:8

ukatsti pusi tuqinpach utjir markanakar sallqjiriw mistuni, Gog, Magog sat markanakar sallqjiri, ukatsti nuwasiñatakiw uka markanakan ejercitonakapar tantachthapini, ukanakasti quta iranan utjir ch'allar uñtatäniwa.

Apocalipsis 3:13

¡Khititix jinchunïki ukax, ist'pan kuntix Tatitun Ajayupax iglesianakar siski uka!’ sasa.

Apocalipsis 3:22

¡Khititix jinchunïki ukax, ist'pan kuntix Tatitun Ajayupax iglesianakar siski uka!’” sasa.

Apocalipsis 3:6

¡Khititix jinchunïki ukax, ist'pan kuntix Tatitun Ajayupax iglesianakar siski uka!’ sasa.

Apocalipsis 9:20

Uka t'aqhisïwinakampi jan jiwarir jaqinakasti, jichhax janirakiw jan wali luratanakap apanukupkänti, kunayman ajayunakar yupaychañsa janirakiw apanukupkänti; qurita, qullqita, bronceta, qalata, lawat lurat diosanakarus yupaychasipkakïnwa, jan uñjiri, jan ist'iri, jan sarnaqiri diosanakaru.