1 Timoteo 2:3 - Qullan Arunaka DC

³ Ukax askipuniwa, Qhispiyir Diosarus wal kusisiyaraki,

Aymar Bibliia 1986

³ Aqham lurañaw sumajja, Khespiyiri Diosarusti acajj cusisiyiwa.

Qullan Arunaca

³ Aqham lurañaw sumajja, Khespiyiri Diosarusti acajj cusisiyiwa.

1 Timoteo 2:3 Jak'a apnaqawi uñst'ayäwi

Isaías 45:21

Parlapxam, arsusipxarakim, munapxsta ukapachax jumanakpura jiskt'asipxam: ¿Khitis nayratpacha taqi akanak arsünxa? ¿Khitis nayra urunakatpach yatiyänxa? ¿Janit naya Tatitu ukanak lurktxa? Janiw yaqha Diosax nayat sipan utjkiti. Nayat sipan yaqha atipjiri, qhispiyiri Diosax janiw utjkiti.

Lucas 1:47

chuymaxasti Qhispiyir Diosaxan kusisi.

Romanos 14:18

Cristor ukham luqtirixa, Diosaruw kusisiyi, jaqinakansa askit uñt'atarakiwa.

Filipenses 1:11

Jesucriston yanapapampix askinakpun lurapxäta, ukhamat mayninakan Diosar yupaychas jach'añchapxañapataki.

Filipenses 4:18

Epafrodito jilatampi apayanipkista uk taqpach katuqxta, jichhasti jilarkiriw utjitu. Kuntix apayanipkista ukax mä suma q'apkir inciensökaspas ukhamawa, uksti Diosax kusisiñampiw katuqi.

Colosenses 1:10

Ukhamat Tatitunkirjam sum sarnaqapxañamataki, taqi kunan jupar kusisiyasa, suma luräwinak uñacht'ayasa, Diosan yatiñapan jiltasa.

1 Tesalonicenses 4:1

Jichhasti jilatanaka, aksti Tatit Jesusan sutipxaruw achikt'apxsma, iwxt'apxaraksma: nanakat yatiqapkista ukarjamay Diosar kusisiyañatak jakapxam, kamisatix niy jakapkta, ukat juk'amp sum jakapxarakim.

1 Timoteo 1:1

Munat Timoteo: Jumaruw aruntansma. Naya Pablox, Jesucriston apostolupätwa, Qhispiyir Diosampi, jiwasan suyt'äwisa Tatit Jesucristompiw aka qillqat jumar yatiyir khithanipxitu. Timoteo, nayatakix jumax iyawsäwin chiqpach wawaxätawa. Ukat Dios Awkisaru, Tatit Jesucristosarux mayta jumar munañapataki, taqi kunan yanapañapataki, samarañapsa churañapataki.

1 Timoteo 4:10

Ukatakiw jisk'achatäkasas irnaqañatak ch'amachastan, jakkir Diosarus katuyasiraktan, jupasti taqinin Qhispiyiripawa, ukat juk'ampi jupar iyawsapki ukanakan Qhispiyiripawa.

1 Timoteo 5:4

Ukampis mä ijma warmitix wawanïskchi, jan ukax, allchhinïskchi ukaxa, jupanakaw nayraqatax suman uñjas yanapañ yatiqapxañapa, kunja munasiñampitix awkinakapax munaskän uka pachpa munasiñampi, ukham lurañasti Diosarux wal kusisiyi.

2 Timoteo 1:9

Diosaw qhispiyistu, ukatsti qullan markap sayt'ayañatakiw jawsistu, ukasti janiw jiwasan kuna aski luratas laykükiti, jan ukasti jupan amtäwip laykuwa, Diosasti aka uraqix janïra utjkän ukkhatpach munasistäna, ukkhatpacharak Jesucristompix mayachatäxtan.

Hebreos 13:16

Jumanakasti mayninakar aski lurañsa, kunatix utjapktam uk mayninakampi jaljasiñsa jan armasipxamti; uka luräwinakaw Diosarux kusisiyi.

1 Pedro 2:20

Maynitix jan wal luratanakapat t'aqhisiyatächi, ukatsti llamp'u chuymampi t'aqhischi ukaxa, janiw kuna asksa lurkiti. Ukampis, maynitix aski luratapat llamp'u chuymamp t'aqhischi ukaruxa, Tatitux jach'a waxt'äwip churani.

1 Pedro 2:5

Ukatpï Diosax jakkir qalanak tukuyapxätamxa, uka qalanakampix ajay templo sayt'ayani, jumanakarux qullana sacerdotenak tukuyani, Jesucristo tuqi ajayun suma luqtäwinakam Tatitur churañataki.