1 Timoteo 2:2 - Qullan Arunaka DC

² Marka apnaqirinakatak Diosat mayiñamarakiwa, ukkhakiw samarañana, jan llakini, Diosar katuyata, taqinirus suman uñjas jakasiñäni.

Aymar Bibliia 1986

² Diosat mayiñasaraquiw marca apnakerinacataquisa, uqhamarac take autoridadanacataquisa, uqhamat samarañana jan llaquini jacasiñasataqui, Diosar catuyata, uqhamarac takerus suman uñjasaraqui.

Qullan Arunaca

² Diosat mayiñasaraquiw marca apnakerinacataquisa, uqhamarac take autoridadanacataquisa, uqhamat samarañana jan llaquini jacasiñasataqui, Diosar catuyata, uqhamarac takerus suman uñjasaraqui.

1 Timoteo 2:2 Jak'a apnaqawi uñst'ayäwi

2 Samuel 20:19

Nanakan markaxax janiw nuwasiñ munir markäkiti, ukhamarus Israel uraqin chiqap markawa, markanak taypinsti ¡mä jach'a markarakiwa! Ukampis jumax tukjañ munasktaxa. ¿Kunatarak jumasti Tatitunkki ukanak t'unjañ muntasti? —sasa.

Esdras 6:10

Uka waxt'äwinakax alaxpachankir Diosan chuymapar purt'kirïñapawa, ukhamaraki nayan jakäwixatakisa, wawanakaxatakis mayipxpan.

Nehemías 1:11

Dios Tatay, achikt'assmawa, mayisitax ist'itaya, jumar yupaychañ munir luqtirinakaman achikt'asitanakapsa ist'amaya. Jumakiy reyir suma chuym churam nayar katuqañapataki, ukhamat amtäwixan sum phuqhasiñapataki” sasa.

Salmos 72:1

Diosaxay, aski kankañam reyir churam, chiqapar uñjañam reyin yuqapar churam,

Proverbios 24:21

Munat wawaxay, Diosampitaki, reyimpitakix axsartañ chuymanïma; uñisirinakamampix jan mayachasimti,

Jeremías 29:7

Kawkïr markarutix nayax apayapksma uka markan askipatak irnaqapxam, uka markatak nayat mayipxarakita, Babilonia markatix juk'ampi jach'aptanixa, jumanakax uka kipkarakiw jach'aptapxäta.

Lucas 1:6

Jupanakax Diosan nayraqatapan aski jaqïpxänwa, Tatitun arsutaparjama, kamachiparjam phuqhasaw jan khitinsa juchañchat sarnaqapxäna.

Lucas 2:25

Khä urunakansti Jerusalén markan mä chachaw utjäna Simeón sata. Jupax Dios chuyma aski jaqïnwa, Israel markan qhispiyasiñap suyt'askäna. Qullan Ajayusti jupampïnwa,

Hechos 10:22

Jupanakasti ukxaruw sapxäna: —Cornelio capitanaw khithanipxitu. Jupax aski jaqiwa, Diosar axsartas sarnaqir jaqirakiwa, judío jaqinak taypin sumat uñt'ata, taqinin munatawa. Diosan mä angelapaw jupar uñstasin satayna: “Utamar Pedro irpayanim, jupax siskätam uk sum ist'äta” sasa.

Hechos 24:16

Ukat nayax Diosan nayraqatapansa, jaqinakan nayraqatapansa, q'uma chuyman jakasiñpun ch'amachasta.

Romanos 12:18

Kawkhakamatix wakiski ukkhakamax taqinimpis suman jakasiñatak ch'amachasipxam.

Filipenses 4:8

Tukuyañatakisti, jilatanaka, kunatix chiqäki, kunatix maynir aski uñjañäki, kunatix sumäki, kunatix q'umäki, kunatix munkañäki, kunatix aytat luräwinakäki, taqi ukanakatay lup'ipxam. Taqi kunatix sumäki, jach'ar aptañäki ukanakatay lup'ipxam.

1 Tesalonicenses 4:11

Sumankañan jakasiñatak ch'amachasipxam, jumanakan lurañanakam phuqhasa, amparanakamampi irnaqasa, kunjämtix iwxt'apksma ukhama,

Hebreos 12:14

Taqinimpis sumankañan jakasipxam, q'uma jakañan sarnaqasa; jan ukampisti janiw khitis Tatiturux uñjkaspati.