1 Timoteo 1:9 - Qullan Arunaka DC

⁹ Janiw kuna kamachis aski luririnakatakix uskutäkiti. Kamachix, Diosar saykatirinakatak uskutawa, jan ist'irinakataki, jan wali luririnakataki, juchaninakataki, Diosan arsutanakapar jan jaysirinakataki, awkipar taykapar jiwayirinakataki, jaqi jiwayirinakatak uskutawa,

Aymar Bibliia 1986

⁹ Janiw cuna leyisa asqui luririnacataquejj uscutäquiti. Leyejja Dios contra sayt'irinacataqui uscutawa, jan ist'irinacataqui, jan wali luririnacataqui, juchaninacataqui, Diosarus ni arsutanacaparus jan jaysirinacataqui, awquiparu taycaparu jiwayirinacataqui, uqhamarac jake jiwayirinacataqui,

Qullan Arunaca

⁹ Janiw cuna leyisa asqui luririnacataquejj uscutäquiti. Leyejja Dios contra sayt'irinacataqui uscutawa, jan ist'irinacataqui, jan wali luririnacataqui, juchaninacataqui, Diosarus ni arsutanacaparus jan jaysirinacataqui, awquiparu taycaparu jiwayirinacataqui, uqhamarac jake jiwayirinacataqui,

1 Timoteo 1:9 Jak'a apnaqawi uñst'ayäwi

2 Samuel 16:11

Ukxarusti Davidax Abisai jaqimpiru, taqi yanapirinakapampiruw sarakïna: —Nayan pachpa wawaxaw jiwayañsa munitu, ¡ukat juk'amp Benjamín ayllunkir jaqix jiwayañ munpachïtu! ¡Jupax ñanqhachaskakitpan sapxam, Tatituw juparux ukham luram sispacha!

2 Reyes 19:37

Ukampis mä uruxa, kunapachatix Senaquerib reyix Nisroc sat diosapan templopan yupaychaskän ukkhawa, Adramélec, Sarézer sat yuqanakapax sarasin jupar jiwayapxäna, jiwayasinsti Ararat sat chiqaruw jaltxapxäna. Uka qhipatsti Esarhadón sat yuqapaw jupa lantix marka apnaqxäna.

2 Crónicas 32:21

Tatitusti mä angelaruw khithanïna, ukaw asiriankir reyin taqpach soldadonakaparu, ejercitopan jilïrinakapar tukjäna. Senaquerib reyisti p'inqapuniw uraqipar kutt'awayxäna. Ukatsti diosapan utapar mantkäna ukkhaxa, jupan pachpa yuqanakapaw ukan jupar jiwayapxäna.

Éxodo 20:13

“Janiw jiwayätati.

Éxodo 21:14

Ukampis khititix masipamp jachjayasisin jan wali amtañamp jiwayani ukarux jiwayatäñapatak juchañchatäniwa, altaraxarus imantasiskpan ukasa.

Proverbios 20:20

Awkiparu, taykapar ñanqhachir jaqix, wali axsarkañ ch'amakan jiwani.

Proverbios 28:17

Jaqi jiwayatapat arknaqat jaqix, jiwañkamaw imantasiñatak jalnaqaskani, ¡janiw khitis jupar arxatkaniti!

Proverbios 28:24

Awkipar taykapar lunthatir jaqix; jan wali jaqinakan masipawa, jupasti siwa: “janiw ukax juchäkiti” sasa.

Proverbios 30:11

Yaqhip jaqinakax awkiparux ñanqhachapxiwa; janirakiw taykaparus waqaychapkiti.

Proverbios 30:17

Awkipar jisk'achir jaqiru, ch'ama qarit taykapar jan jaysir jaqirux, nayranakap allqamarinakan apsupxañapax wakisiwa, siwiq'aranakan jakkirpach manq'antapxañapax wakisiwa.

Jeremías 23:11

Tatitux siwa: “Profetanakasa, sacerdotenakasa juchararkamakiwa, pachpa utaxan jan walinak lurasipkir jikxatta.

Ezequiel 21:25

25 (30) Jumarusti, Israel markan reyipa, jaqi jiwayir ñanqha rey, qhipa mutuyäwi katuqañam urux jumatak niyaw purinxi.

Levítico 20:9

“Khititix awkiparu, taykaparu ñanqhachani ukax jiwayatäñatak juchañchatäniwa.

Mateo 10:21

“Jilanakasti jilanakaparuw jiwayañatak katuntayani, awkinakasti wawanakaparuw katuntayani; wawanakasti awkinakaparuw kutkatasini, ukatsti jiwayapxarakiniwa.

Romanos 1:30

Mayninakat jan walinak parlapxi, Diosan uñisirinakapäpxiwa, jan yäqasirinaka, taqi kunan jilankirinaka, jach'a jach'a tukurinaka; jan walinak sartayapxi, awkiparus taykaparus janiw jaysapkiti,

Romanos 4:13

Diosax Abrahamampiru, wawanakapampiruw arsüna, akapach churañataki, ukampis aka arsüwix janiw kamachir phuqhatap laykükänti, jan ukasti, iyawsatap laykuw Diosax askit katuqäna.

Romanos 5:20

Kamachisti, juchan juk'amp ch'amanïñapatakiw uñstäna; ukampis kunapachatix juchax juk'amp uñstxän ukkhasti, Diosax khuyapayasiñapan juk'ampirakïnwa.

Romanos 6:14

Ukhamat juchax jumanakxar jan munañanïkxaniti, janiw kamachin apnaqatäxapxtati, jan ukasti, Diosan khuyapayasiñapankxapxtawa.

Gálatas 3:19

Ukhamasti, ¿kunatakirak kamachisti askïspasti? Abrahamar arsutap qhipatxa, Diosax kamachi arunak churistu, jan wali lurapkäyätansa uk jiwasanakar uñacht'ayañataki. Ukampis uka kamachix Diosan arsutap katuqkatayna uka Abrahaman saraqirip jutañapkamakiw askïnxa. Diosax angelanak tuqiw kamachinak Moisesar churäna, ukat jiwasanakar uka kamachinak churañapataki.

Gálatas 5:18

Ukampis Tatitun Ajayupatix jumanakar irpapxstamxa, janiw kamachir chinkatat jakxapxätati.

Gálatas 5:21

yaqhankir munapayañanaka, jaqi jiwayañanaka, machañanaka, jiljas manq'añanaka; ukanakar uñtat yaqha lurañanakampi. Iwxt'apxsmawa, niy satäpxaraktawa, ukanak luririnakax, janiw Diosan markapan katuqatäpkaniti.

Gálatas 5:23

alt'at chuyma, janchin munañapar atipjañ chuyma. Ukanakar juchañchir kamachisti janiw utjkiti.

Deuteronomio 27:16

“ ‘Ñanqhachatäpan awkiparu, taykapar jisk'achañ chuymampi uñjir jaqixa.’ Uka arsutarusti taqpach markaw sani: ‘Ukhamäpan’ sasa.

2 Tesalonicenses 2:8

Ukatsti uka ñanqha jaqiw uñstanini, juparusti Tatit Jesusax lakapampi phust'asakiw tukjani, ukatsti kunapachatix k'ajkir jutäwipampi jutkan ukkhax jisk'aruw tukuyani.

1 Timoteo 4:7

Pisi amuyun luqhi jaqin arunakaparux jan yäqamti. Jan ukasti, Jesucriston chiqpach yatiqiripäñamatak ch'amachasim.

1 Timoteo 6:20

Timoteo, jumar katuyatäk uk sumpun uñjam. Ch'usa jan kunatak aski arunak janipun ist'amti, janirak jiwasan yatichäwisar jisk'achapki ukanakarus yäqamti;

2 Timoteo 2:16

Ñanqha arunak arsuñanak apanukum, uka parlirinakax jan wali luräwinakaruw jalantapxi,

2 Timoteo 3:2

Jaqinakax mich'aw tukupxani, qullqi munirinaka, jach'a jach'a tukurinaka, kunsa jilamp munirinaka. Diosat jan wal parlirinaka, awkir taykar qallasirinaka, sallqanaka, Diosar arkañarus jan yäqirinaka.

Tito 1:10

Ukampis uka chiqa yatichäwinakar jan iyawsirinakax waljaniw utjapxi, khitinakatix judaísmo saräwit jutapxi ukanaka, jupanakasti jan amuyt'asaw arsupxi ukat jaqinakar sallqjapxi.

Tito 1:16

Jupanakax: “Tatiturux uñt'apxtwa” sapxiwa. Ukatsti luräwinakapampix janiw ukham uñacht'ayapkiti, jupanakax uñisirinakäpxiwa, jan yäqasiñan qhuru jaqinakäpxiwa, janirakiw kuna sumsa lurirjamäpkiti.

Tito 1:6

Mä jilïri irpirix jan khitinsa kuns kamskaya jakañapawa. Mä sapa warminikïñapawa. Wawanakapax Tatitur iyawsirïñapawa, janirakiw jan walitsa, jan wali sarnaqiritsa uñt'ayasipxañapäkiti.

Tito 3:3

Nayrapachasti jiwasanakax ukham jan amuyt'anïpxäyätanwa, Tatitur jan jaysiri, chhaqtata, kunayman jan wali munañanakan t'aqhisiyatapäyätanwa. Ñanqha lurañanakana, munapayañanakana, uñisita, jiwaskam uñisis jakaskarakïyätan.

Hebreos 11:31

Rahab sat jan wal sarnaqir warmix iyawsäwi laykuw jan ist'asir jaqinakamp chikax jan jiwkataynati, Israelankir uñaqa jaqinakar suma chuymampi katuqatap layku.

Hebreos 12:16

Jumanakat jan khitis wachuq juchan sarnaqkpati, kunatix qullanäki ukarux janirak jisk'achpati; Esaú chachasti ukham luräna, mä juk'a manq'a laykukiw jilïr kankañap aljasïna.

1 Pedro 2:7

Jumanakax Tatituruw iyawsapxta, ukat uka qalax aski qalar tuku; ukampis jan iyawsirinakatakix, kunatix Tatitun arupan siski ukaw phuqhasiski: “Uta luririnakan apanukut qalaxa, mä jach'a wakiskir qalaw tukuwayxi.”

1 Pedro 3:20

Uka ajayunakasti nayrax jan ist'asir tukupkäna ukanakänwa, kunapachatix Noé chachax arca lurkän ukkhaxa, Diosax jupanakaruw suyt'askäna jupar jaysapxañapataki. Uka arcansti kimsaqallqunikiw umamp mutuyatäñat qhispipxäna.

1 Pedro 4:18

Aski jaqitix ch'ama tukuñamp qhispiyaschixa, ¿kunjämarakïn jucharar jaqitakisti?

Judas 1:15

taqinir taripañataki, jan wali luririnakar juchañchañataki, khitinakatix ñanqha arunak jupatak arsupkatayna uka jucha luririnakar juchañchañataki” sasa.

Apocalipsis 21:8

Ukampis axsaririnaka, jan iyawsirinaka, uñisisirinaka, jaqi jiwayirinaka, wachuqa juchan sarnaqirinaka, layqasirinaka, idolonakar yupaychirinaka, k'arisirinakampisti, azufrempi nakhir nina qutar jaquntataw uñjasipxani, ukasti payïri jiwawa” sasa.

Apocalipsis 22:15

Ukat sipana, anqaruw qhiparapxani jan wali sarnaqirinaka, layqasirinaka, wachuqa juchan sarnaqirinaka, jaqi jiwayirinaka, idolonakar yupaychirinaka, taqi sallqjirinaka, jan wali luras sarnaqirinakasa.