1 Timoteo 1:4 - Qullan Arunaka DC

⁴ janirak nayra jaqinakan jan tukuskir parlanakapar ist'apxpati. Ukanakax ch'axwañanakarukiw puriyi, ukatsti janiw Diosan amtäwip yatiñatakix yanapkiti, Diosan amtäwip yatiñatakix jupar iyawsañasaw wakisi.

Aymar Bibliia 1986

⁴ janirac nayra jan tucusquir parlanacar ist'asipcañapataquisa. Acanacajj inamaya ch'ajjwañanacaruquiw api, ucatsti Diosajj cuna ewjjanactejj iyawsäwi laycu phokhañasataqui churquistu ucarojj janiw yanapquistuti.

Qullan Arunaca

⁴ janirac nayra jan tucusquir parlanacar ist'asipcañapataquisa. Acanacajj inamaya ch'ajjwañanacaruquiw api, ucatsti Diosajj cuna ewjjanactejj iyawsäwi laycu phokhañasataqui churquistu ucarojj janiw yanapquistuti.

1 Timoteo 1:4 Jak'a apnaqawi uñst'ayäwi

2 Corintios 1:12

Nanakax taqi jaqinak nayraqatana, juk'ampis jumanak nayraqatana, suma, ukhamarak q'uma chuyman sarnaqapxataxat kusisipxta. Uksti, janiw nanakan yatiñ kankañaxampi lurapkti, jan ukasti, Diosan yanapapampiw lurapxta, ukat munasiñapat jupar yuspagarapxta.

Efesios 3:2

Niy yatipxpachätawa, Diosax khuyapayasiñapan kuntix amtki uk jumanakar qhanañchañatak khithankitu ukxa.

1 Timoteo 3:16

Janiw pächasiñax utjkiti kawkïr chiqa kankañatix iyawsäwisan uñstki ukan jach'ätapata: Cristox jaqir tukt'asaw akapachar jutäna, Ajayütap laykuw atipjawayäna, angelanakan uñjatänwa. Arunakapax markanakar yatiyatänwa, aka uraqpachan juparux iyawsawayapxi, alaxpachansti suma katuqatarakiwa.

1 Timoteo 4:7

Pisi amuyun luqhi jaqin arunakaparux jan yäqamti. Jan ukasti, Jesucriston chiqpach yatiqiripäñamatak ch'amachasim.

1 Timoteo 6:11

Ukampis Timoteo, Diosan luqtiripjamaxa, taqi jan walinakat jithiqtam. Diosar ist'iri, Jesucriston chiqpach yatiqiripar tukum. Diosarux alkatasipunim, iglesiankir jilatanakarus munasirakim. Kunapachatix jan walinakar saykatkät ukkhasti, llamp'u chuymanïñamawa, taqinimpis sumankañamarakiwa.

1 Timoteo 6:20

Timoteo, jumar katuyatäk uk sumpun uñjam. Ch'usa jan kunatak aski arunak janipun ist'amti, janirak jiwasan yatichäwisar jisk'achapki ukanakarus yäqamti;

2 Timoteo 2:14

Tatitun nayraqatapan jan ch'axwapxañapatak iwxt'as amtayam. Ch'axwañax janiw kunatakis askïkiti, jan ukasti khitinakatix ist'apki ukanakar mayjt'ayirikiwa.

2 Timoteo 2:22

Waynanakan jan wali amtäwinakapat jithiqtam, ukatsti aski kankaña, iyawsaña, munasiña, sumankañ thaqham, khitinakatix Tatitur q'uma chuymamp mayipki ukanakamp chika.

2 Timoteo 2:23

Luqhi ch'axwanakarux jan yäqamti, ukanakax jan kunatak askiwa, nuwasiñanakar puriyirikiwa.

2 Timoteo 4:4

Chiqa arunak ist'añ janiw munapkaniti, k'ari arunakarukiw ist'apxani.

Tito 1:1

Naya Pablox Tatitun luqtiripätwa, Jesucriston apostolupa, jupan khithataraki, khitinakarutix Tatitux ajlliski jupanakar iyawsañar irpaniñaxataki, Tatitun chiqa yatichäwinakap uñt'apxañapataki,

Tito 1:14

Judionakan jan wali parlataparux jan yäqapxpanti, janirak chiqapat saraqir jaqin arunakaparus ist'apxpanti.

Tito 3:9

Ukampis jan wali jiskhisiñanakat jithiqtam, nayra arunaka, ch'axwanaka, Moisesan kamachipxat ch'axwañanaksa jan munamti. Ukanakax inamayawa, jan kunatak askirakiwa.

Hebreos 13:9

Jumanakasti janiy yaqha jan uñt'at yatichäwinakampix apayasipxamti. Diosan munasiñapampi chuymar ch'amañchañax juk'amp sumawa, manq'añanakxat kunayman arsutanakar phuqhañat sipana, uka arsutanakax janiw kunapachas askïkänti.

2 Pedro 1:16

Kuna yatichäwinaktix jumanakar Jesucristo Tatitusan ch'amapxata, jutäwipxat yatichapksma ukanakax janiw jaqinakan aliq säwi arunakakïkänti, jan ukasti nanakaw nayranakaxamp Tatitun qhapaq kankañap uñjapxta.