1 Timoteo 1:16 - Qullan Arunaka DC

¹⁶ Ukat Diosax nayat khuyapayasitäna, Jesucriston naya tuqi munasiñap uñacht'ayañapataki. Ukhamat nayax nayraqat iyawsta, nayar uñtas mayninakan jupar iyawsasin wiñay jakañanïpxañapataki.

Aymar Bibliia 1986

¹⁶ Ucatwa Diosajj nayatjja qhuyapayasitänjja, Jesucristojj nayjjaru take munasiñapa uñacht'ayañapataqui. Uqhamatwa nayajj nayrakat iyawstjja, nayar uñtasina mayninacajj jupar iyawsapjjañapataqui, uqhamat wiñay jacañanïpjjañapataqui.

Qullan Arunaca

¹⁶ Ucatwa Diosajj nayatjja qhuyapayasitänjja, Jesucristojj nayjjaru take munasiñapa uñacht'ayañapataqui. Uqhamatwa nayajj nayrakat iyawstjja, nayar uñtasina mayninacajj jupar iyawsapjjañapataqui, uqhamat wiñay jacañanïpjjañapataqui.

1 Timoteo 1:16 Jak'a apnaqawi uñst'ayäwi

2 Crónicas 33:19

Jupan mayisitapampi, ist'ayasitapampi, jucha luratanakapasa, jan wali sarnaqatanakapasa, qullu patanakan yaqha diosanakatak yupaychañ utanak lurayatapasa, kawkharutix Astarté diosaru, yaqha diosanaksa uchkäna, Diosapatak janïr jisk'ar tukkasa ukkha, taqi ukanakax profetanakapan sarnaqäwipan qillqatawa.

Salmos 25:11

Tatay, juchanakaxax waljapuniwa; sutiman jach'ätap laykuy pampacht'ita.

Éxodo 34:8

Moisesasti mäkiw killt'asïna parap uraqir puriyañkama, ukatsti Tatituruw yupaycharakïna:

Isaías 1:18

Tatitusti siwa: “Jutapxam, uka jan wali luratanakamat parlapxañäni. Juchanakamax wila samir uñtatäkchinisa, nayax khunjam janq'uruw tukuyä; ch'iyar wila isir uñtatäkchinisa, nayax janq'u t'arwar uñtat tukuyä.

Isaías 43:25

“Ukampis naya, Diosamätax laykuxa, juchanakam pampachsmawa, janirakiw mayampsa ukanak amtaskxäti.

Isaías 55:7

Qhuru jaqix sarnaqäwip apanukpan, ñanqha amtañan jaqisti uka amtañanakap apanukpan; ukatsti Tatitun ukar kuttanxapxam, jupasti jumanakat khuyapayasipxätamwa; Diosasar makhatxapxam, jupasti juchanak pampachañatakix jank'akiwa.

Números 23:3

Ukxarusti Balaamax Balac reyir sänwa: —Jumax wilañcha luqtat jak'an qhiparam. Nayasti Tatitun jutañap suyañaxawa, kuntix lurañaxäki uk sarakitani —sasa. Ukapachasti Balaamax mä ch'usawja pata chiqaruw saräna.

Lucas 15:10

Nayasti sapxsmawa: Diosan angelanakap taypin ukhamarakiw kusisiñax utjani, mä juchararan kutikipstanitapata.”

Lucas 23:43

Jesusax juparux sarakïnwa: —Chiqpachaw sisma, jichhürpachaw nayampi chika kusisiñ chiqankäta —sasa.

Lucas 7:47

Ukat nayax sisma, walja juchanakapat pampachatäsin nayarux wal munasitu; ukampis khititix juk'ak pampachatäki ukax juk'akirak munasiñap uñacht'ayi —sasa.

Juan 20:31

Ukampis kunanakatix akan qillqatäki ukanakax Jesusan Cristötapa, Diosan Yuqapätap iyawsapxañamatak qillqatawa, jupar iyawsasinsti, wiñay jakañ katuqapxañamataki.

Juan 3:36

Khititix Yuqar iyawski ukax wiñay jakañaniwa; khititix Yuqar jan iyawski ukasti janiw wiñay jakañanïkaniti, jan ukasti Diosan axsarkañ mutuyäwip katuqani.

Juan 5:24

“Qhanak sapxsma, khititix nayan arsutaxar ist'ki, khithankitu ukarus iyawskaraki ukax, wiñay jakañaniwa; janiw juchañchatäkaniti, jan ukasti jiwañat jakañaruw sarakipxi.

Juan 6:37

Taqi khitinaktix Awkix katuykitu ukanakax nayaruw juti; khititix nayar jutki ukarusti janiw anqar jaqunukuñaxax wakiskiti.

Juan 6:40

Awkixan munañapasti akawa: Taqi khititix Diosan Yuqapar uñt'ki, jupar iyawskaraki ukax wiñay jakañanïñapawa; nayasti tukuy urun jupanakar jiwatat jaktayä —sasa.

Juan 6:54

Khititix nayan janchix manq'ki, wilaxsa umkaraki ukax wiñay jakañaniwa; juparusti nayaw qhipa urun jiwatat jaktayä.

Hechos 13:39

Ukat jupar iyawsirinakax jupa tuqi pampachäwi jikxatapxi, Moisesan kamachipax janiw juchanakamat pampachäwi jikxatayapkiristamti.

Romanos 15:4

Taqi kunatix nayratpach Qillqatäkän ukanakax jiwasanakaruw yatichistu, uka Qillqatanakan jikxatapxtan; llamp'u kankaña, chuymachasiña, suyt'äwin ch'amañchasiña.

Romanos 6:23

Juchan waxt'äwipax jiwañakiwa, Diosan waxt'äwipasti wiñay jakañawa, Jesucristo Tatitusana.

1 Corintios 7:25

Jan jaqichasit warminakatakisti, janiw Tatitun wakiskir arupax utjkituti; ukampis nayan amuyuxat sista, Tatitun khuyapayasiñapan nayax askïkta ukarjama.

2 Corintios 4:1

Ukat nanakax jan qarjasipkti, Diosaw khuyapayasiñapan aka luräwi katuyapxitu.

Efesios 1:12

Jupasti jiwasanakan nayrïrïñas muni, Criston suyt'äwi tuqi jakañasataki, ukhamat taqpachani muspharkañ ch'amapat jach'añchañasataki.

Efesios 1:6

Diosan muspharkañ khuyapayasiñapat jach'añchañasataki, uka pachpa khuyapayasiñapampiw munat Wawap tuqi askinak waxt'istu.

Efesios 2:7

Aksti jutir urunakan jupan munasiñapa, khuyapayasiñap uñacht'ayañatakiw luri, jiwasatak Cristo Jesús layku utjatapata.

2 Tesalonicenses 1:10

kunapachatix Tatitux khä urun qullan markap taypin jach'añchayasir jutkani, Cristonkirinakas jupat muspharapkarakini ukapacha; jumanakasti kawkïr arunaktix churapksma ukarux iyawsapxtawa.

1 Timoteo 1:13

Nayrax jan wali arunakampiw jupa tuqi arusis jisk'achäyäta, qhuru chuymampiw arknaqäyäta. Ukampis Diosaw nayat khuyapayasitu, nayax janïraw ukapachax jupar arkkäyätti, kuntix lurkäyät uksa janirakiw yatkäyätti.

Hebreos 7:25

Ukat jupa tuqi Diosar jak'achasirinakarux wiñayatak qhispiyaspa, jupanakatak Diosar mayiñatakix jupax wiñayatakiw jaki.

1 Pedro 3:20

Uka ajayunakasti nayrax jan ist'asir tukupkäna ukanakänwa, kunapachatix Noé chachax arca lurkän ukkhaxa, Diosax jupanakaruw suyt'askäna jupar jaysapxañapataki. Uka arcansti kimsaqallqunikiw umamp mutuyatäñat qhispipxäna.

2 Pedro 3:15

Amuyasipxam, Jesucristo Tatitusax suma chuymapampiw uñjaskistu, ukax jiwasan qhispiyasiñasatakiwa. Ukhamarak Pablo jilatasas Tatitun amuyt'ayataparjamaw jumanakar ukxat qillqt'anipxtam.

2 Pedro 3:9

Tatitux janiw arunakapar phuqhañ armt'askiti, kunjämtix mayninakax jan phuqhasitap amuyapki ukhama, jan ukasti, jupax llamp'u chuymampiw suyt'asipktam; Diosax janiw khitin jiwañapsa munkiti, jan ukasti, taqinin jupan ukar kutkatxañap muni.