1 Samuel 9:16 - Qullan Arunaka DC

¹⁶ “Qharürux Benjamín uraqit mä jaqiruw khithanïma, jumasti juparuw Israel markaxa apnaqañapatak utt'ayäta. Jupaw filisteonakan amparapat qhispiyani, nayax t'aqhisitanakap uñjasin markaxat khuyapt'ayastwa, arnaqasitanakapax nayakamaw purini” sasa.

Aymar Bibliia 1986

¹⁶ “Arumanthi alwajj aca quipca horasaruw Benjamín toket jutiri mä jakeruw qhitanïma, juparuw yakhachäta Israel marcajja apnakañapataqui. Jupaw filisteonacan amparapat khespiyani, marcajjatsti qhuyapt'ayasiractwa, t'akhesitanacapasti naya nayräjjaruw puriniraqui” sasa.

Qullan Arunaca

¹⁶ “Arumanthi alwajj aca quipca horasaruw Benjamín toket jutiri mä jakeruw qhitanïma, juparuw yakhachäta Israel marcajja apnakañapataqui. Jupaw filisteonacan amparapat khespiyani, marcajjatsti qhuyapt'ayasiractwa, t'akhesitanacapasti naya nayräjjaruw puriniraqui” sasa.

1 Samuel 9:16 Jak'a apnaqawi uñst'ayäwi

2 Samuel 3:18

¡Uka urux purinxiwa! Amtasipxam, kuntix Tatitux Davidar arskäna uka, Israel markaparux jupa tuqiw filisteonakata, taqi uñisirinakapan amparapat qhispiyani” sasa.

2 Reyes 20:5

“Kutt'am, ukatsti markaxan jilïripa Ezequías reyir akham sanim: David nayra awkiman Tatit Diosapax akham siwa: ‘Nayax mayisitam ist'smawa, jachatamsa uñjaraksmawa. Jichhasti jumarux k'umaraptayämawa, ukatxa akat kimsa urut Tatitun utaparux sarxäta.

Salmos 102:1

1 (2) Tatay, mayisitaxarux ist'akimaya, ¡arnaqasitaxax jak'amkam purinikpanaya!

Salmos 106:44

Ukampis Tatitux ayqupxatap uñtanïna, arnaqasitanakaparuw ist'äna;

Salmos 25:18

Llakinakaxaru, ch'ama tukutanakaxar uñtanim, taqi juchanakaxat pampacht'arakita.

Proverbios 16:9

Jaqix chuymapan sarnaqañapat lup'iski, ukampis Tatituw sarnaqäwip irpaski.

Jeremías 32:8

Ukatsti kunjämtix Tatitux siskitu, ukhamarjamapuniw Hanamel primo jilaxax, reyin utapan carcelax utjkäna uka anqäxapar jutasina, kuna uraqipatix Anatot chiqan utjki uka uraqi alasiñaxatakiw parlxayitu, uka uraqisti Benjamín ayllun uraqipankiwa, uka uraqi alasiñasti nayaruw wakt'itäna jupan jak'a wila masipätax layku. Uka amtäwin Tatitun munañapätap amuyasinsti,

1 Samuel 10:1

Ukhamasti Samuel profetax aceiten wayucha katusinxa, Saúl waynan p'iqipxaruw warxatäna, jamp'att'asinsti sarakïnwa: —Tatituw jichhürux Israel markan apnaqiripat jumar ajllistam. Jumaw jupanakar apnaqäta, uñisirinakapan amparapatsa qhispiyarakïta. Tatitun jumaru Israel markap apnaqañamatak ajllisitapax akhamat yatisini:

1 Samuel 14:20

Ukspachaw Saúl reyix taqpach soldadonakapampi tantacht'asisin filisteonakampi nuwasiñ qalltapxäna. Filisteonakasti ukham jan walt'añan jikxatasisax jupanakkamakiw jiwarayasipxäna.

1 Samuel 14:23

Nuwasiñasti Bet-avén siski ukkhakamaw purïna, uka urusti Tatitux Israel markarux qhispiyarakïnwa.

1 Samuel 15:1

Mä uruw Samuelux Saúl reyir säna: —Tatitux Israel markapan reyipäñamatak utt'ayiriw khithanitu. Ukhamasti, kuntix Tatitux sañ munktam uk ist'am.

1 Samuel 16:1

Tatitusti Samuelurux sänwa: —¿Kunapachkamarak Saúl reyit llakisïtasti? Janiw nayax jupan Israel markan reyikïskañap munkxti. Jichhax uka waxraru aceitempi phuqhantam, ukatsti Belenankir Jesé chachan utapar sarañam munta, nayasti maynïr wawaparuw reyïñapatak ajllista —sasa.

1 Samuel 16:3

Ukatsti Jesé chacharux uka wilañcha luqtäwirux jawsayarakim, ukat kunatix lurañamäki uk nayaw saskäma. Khitirutix nayax ajlliskä ukaru reyitak yaqhacharakim —sasa.