1 Samuel 7:14 - Qullan Arunaka DC

¹⁴ Kawkïri markanaktix filisteonakax israelitanakar aparapkatayna ukanakax, wasitat Israel markar kutkatayatäxäna, Ecrón chiqata, Gat chiqakama. Ukhamat israelitanakax uraqinakap filisteonakan amparapat kutsuyasxapxäna, ukatsti israelitanakampi amorreonakampix sumankañan jakasipxäna.

Aymar Bibliia 1986

¹⁴ Cawquïri marcanactejj filisteonacajj israelitanacat aparapcatayna ucanacasti Ecrón sisqui uca chekat kalltasina Gat sisqui ucacamajja wasitatwa israelitanacancjjäna. Uqhamatwa israelitanacajj filisteonacan amparanacapat orakenacapjja cutsuyasjjapjjäna, israelitanacampi, amorreonacampi sumancañaw utjaraquïna.

Qullan Arunaca

¹⁴ Cawquïri marcanactejj filisteonacajj israelitanacat aparapcatayna ucanacasti Ecrón sisqui uca chekat kalltasina Gat sisqui ucacamajja wasitatwa israelitanacancjjäna. Uqhamatwa israelitanacajj filisteonacan amparanacapat orakenacapjja cutsuyasjjapjjäna, israelitanacampi, amorreonacampi sumancañaw utjaraquïna.

1 Samuel 7:14 Jak'a apnaqawi uñst'ayäwi

1 Crónicas 18:1

Uka qhipatsti, Davidax filisteonakaruw atipt'äna, jupanakarux munañaparuw apnaqäna, ukatsti Gat marksa, jisk'a markanakapamppach aparäna.

Salmos 106:34

Tatitun aruparjamax janiw markanakar t'unjapkänti, t'unjapxañapäkän uka markanakarux janiw tukjapkänti.

Números 13:29

Négueb wasar tuqinxa amalecita jaqinakaw jakapxi, qullu tuqinakansti hitita jaqinaka, jebuseo jaqinaka, amorreo jaqinakaw jakapxi, ukatsti quta irananakana, Jordán jawir jak'anxa, cananeo jaqinakaw jakapxaraki —sasa.

Deuteronomio 7:16

Jumanakasti kawkïri markanaktix Tatit Diosamax amparanakamar katuyapkätam uka markanakarux t'unjapxätawa; jan jumanakax jupanakat khuyapayasipxamti, diosanakaparus jan yupaychapxamti, ukham lurapxätaxa, aynacht'añaruw puripxasma.

Deuteronomio 7:2

Kunapachatix Tatit Diosamax uka markanak jumanakar katuyapkätam, ukatsti jupanakar atipjapxarakïta ukkhasti, janiw jumanakax jupanakat khuyapayasipxätati, janirakiw kuna suma arust'äwirus jupanakampi mantapxätati; q'alpun uka markanak t'unjapxäta.

Josué 10:5

Ukhamasti Jerusalén, Hebrón, Jarmut, Laquis, Eglón uka phisqa markanakan amorreo reyinakapax mayacht'asipxänwa, ukatsti ejercitonakapampiw sarantapxäna, Gabaón markar muyuntas katuntañataki.

Josué 15:11

Uka chiqatsti Ecrón amsta qullunakanjam saraskakïna, Sicrón tuqir muytanisina, Jabneel chiqakama, Baalá qullu sarakipasa, ukat Mar Mediterráneo jach'a qutar puriñkama.

Jueces 4:17

Sísara chachasti kayukiw Jael warmin chhujllapar jaltxäna, jupax Héber quenita chachan warmipänwa, ukapachax Hasor markan Jabín reyipampi, Héber quenita jaqin utapankirinakapampix sumankañaw utjäna,