1 Samuel 7:12 - Qullan Arunaka DC

¹² Ukatsti Samuelux mä qal ittasin Mispá, Sen uka pä marka taypiruw uskt'äna, ukatsti Eben-ézer sasaw sutichäna, sarakïnwa: “Tatitux jichhakamaw yanapt'askistu” sasa.

Aymar Bibliia 1986

¹² Ucatsti Samuelojj mä kala ittasin Mizpa, uqhamarac Sen sisqui uca taypiruw ayruntäna, Eben-ezer sasaw suticharaquïna: “Jichhacamaw Tatitojj yanapasquistu” sasa.

Qullan Arunaca

¹² Ucatsti Samuelojj mä kala ittasin Mizpa, uqhamarac Sen sisqui uca taypiruw ayruntäna, Eben-ezer sasaw suticharaquïna: “Jichhacamaw Tatitojj yanapasquistu” sasa.

1 Samuel 7:12 Jak'a apnaqawi uñst'ayäwi

Génesis 22:14

Uka chiqarusti Abrahamax akham sutichäna: “Tatitux kunatix wakiski ukxa churasiriwa” sasa. Ukat jichhakamaw ukawjax sutichatäski: “Tatitux qullupan kunatix wakiski ukxa churasiriwa” sasa.

Génesis 35:14

Jacobusti uka chiqan qalat mä pilarar uñtat sayt'ayäna, kawkhantix Diosax jupar parlxaykatayna ukkharu, ukatsti aceitempi, vinompi warxatasaw Tatitur luqtxäna.

Salmos 71:17

Diosaxay, wayna kankañaxatpach yatichasista, nayasti jichhakamas muspharkañ luratanakamat yatiyaskaktwa.

Salmos 71:6

Taykaxan purakapankkäyät ukkhatpach jumarux alkatäyäsma. ¡Jumaw nayarux qhan uñjayista! ¡Nayasti jumarux yupaychapunïmawa!

Éxodo 17:15

Moisesasti mä altar ukawja chiqar luräna, ukarusti “Tatituw nayan wiphalaxaxa” sasaw sutichäna,

Isaías 19:19

Egiptonsti uka urunxa Tatitur luqtat mä altaraw utjani, qurpanakap jak'ansti Tatitutakix mä qalarakiw sayt'ayatäni.

Hechos 26:22

Ukampis Diosan yanapapampix jichhakamaw juparux jan pächasis arkaskta, Diosan arunakap jisk'arus jach'arus, taqinir yatiyasa. Janiw kunapachas yaqha arunak parlkti, jan ukasti, kunanaktix profetanakax yatiyapkäna, Moisesas yatiykarakïna qhipa urunakan phuqhasiñapäki ukanakxat yatiyarakta:

2 Corintios 1:10

Diosaw qhispiyapxitu, akat qhiparus axsarkañ jiwañat qhispiyasipkakitaniwa,

Josué 4:9

Ukhamarusa, Josué chachax yaqha tunka payan qalanak ucharakïna, kawkha chiqarutix arust'äwi arca apir sacerdotenakax sayt'asipkän uka chiqaru. Uka qalanakasti jichhürkamaw ukankaski.

1 Samuel 14:35

Saúl reyisti Tatitutakix mä altar luräna, uka altarasti Tatitur yupaychañatak Saúl reyin sayt'ayat nayrïr altarawa.

1 Samuel 4:1

Samuelusti uka arunak Israel markpacharuw yatiyäna. Khä urunakansti filisteonakax israelitanakampi nuwasiñatakiw tantacht'asipxäna, ukat israelitanakax uka filisteonakamp nuwasir misttanipxäna, jupanakasti Eben-ézer sat chiqaruw utjnuqtapxäna. Filisteonakasti, Afec sat chiqaruw utjnuqtapxarakïna,

1 Samuel 5:1

Filisteonakax Diosan arcapa katuntasisinxa, Eben-ézer chiqat Asdod chiqaruw apapxäna;

1 Samuel 7:11

Israelitanakasti, Mispá chiqat jank'akiw filisteonakar arktañatak mistuwayapxäna, ukatsti Bet-car uka aynachkamaw arkantapxäna.