1 Samuel 6:5 - Qullan Arunaka DC

⁵ Uka layku, jichhax qurit uka ch'uphunak lurapxam, ukhamarak markas t'unjkis uka achakunakar uñtasitanaka, ukatsti Israelan Diosapar jach'añchapxarakim, inampis jumanakarusa, diosanakamarusa, uraqinakamarus jan mutuykxapxiristamti.

Aymar Bibliia 1986

⁵ Uca laycu jichhajj korit uca tumoranac lurapjjam, uqhamarac marcasa t'unjquis uca achacunacar uñtasitanacsa lurapjjaraquim, ucatsti Israelan Diosaparu jach'achapjjaraquim, inampisa jumanacarojj jani mutuyjjapjjeristamti, diosanacamarusa, jumanacan orakenacamarusa.

Qullan Arunaca

⁵ Uca laycu jichhajj korit uca tumoranac lurapjjam, uqhamarac marcasa t'unjquis uca achacunacar uñtasitanacsa lurapjjaraquim, ucatsti Israelan Diosaparu jach'achapjjaraquim, inampisa jumanacarojj jani mutuyjjapjjeristamti, diosanacamarusa, jumanacan orakenacamarusa.

1 Samuel 6:5 Jak'a apnaqawi uñst'ayäwi

1 Crónicas 16:28

“Taqi markankir jaqinaka, Tatitur jach'añchapxam, ch'amsa, jach'a kankañsa Tatitur luqtapxam;

1 Crónicas 16:29

Tatitun qhapaq sutip waqaychapxam; qullan uta anqäxaparux luqtanakampi mantapxam, muspharkañ qullan utapan Tatitur yupaychapxam.

Salmos 18:44

44 (45) Arux ist'asax mäkiw jaysapxitu; yaqha markankir jaqinakaw jach'achapxitu,

Salmos 32:4

amparamax uruy arumaw jatxattasin t'aqhisiyitäna. Lupin suwantir panqarjamaw wañsurakiyäta.

Salmos 39:10

10 (11) Janikiy nayarux juk'ampi t'aqhisiyistati; nuwantatanakamax q'alpun aynacht'ayitu.

Salmos 66:3

Diosarux sapxam: “Luratanakamax muspharkañapuniwa. Timanakamax jach'a ch'amam laykuw nayraqataman axsarañat tinkurapxi;

Éxodo 12:12

Uka arumasti nayax taqpach Egipto uraqi chiqaw sarakipawayä, ukatsti egipcionakan taqi jilïr tayna yuqall wawanakap jiwaräwayä, ukhamarak uywanakan nayrïr qallunakaparu, ukhamat Egipton diosanakaparux mutuyä. Naya, Tatituw uk arsta.

Éxodo 8:17

17 (13) Jupanakasti Tatitun arsutaparjamaw lurapxäna. Aaronax thujrup aytasin uraq laq'aruw jisktäna. Ukspachaw Egipto markan laq'apax jisk'a chhichhillankhanakar tuküna, ukanakasti jaqinakaru, uywanakaruw mich'intäna.

Éxodo 8:24

24 (20) Ukatsti Tatitux arsutaparjamaw luräna, mä qinayar uñtataw kunayman jach'a chhichhillankhanakax jutasin faraonan reyi utapar walpun phuqhantäna, ukhamarak yanapirinakapan utanakaparu, Egipto uraqpacharusa. Uka jach'a chhichhillankhanakasti markpach tukjawayäna.

Éxodo 8:5

5 (1) Tatitusti Moisesarux saskakïnwa: —Aaronar akham sam: “Thujrupxa jawiranakxaru, qutanakxar aytpan, ukat k'ayra jamp'atunakax uka chiqanakat misturanisin Egipto uraqir phuqhantani” —sasa.

Isaías 19:1

Egipto markataki profecía arunaka: Tatitur uñtapxam, Egiptoruw jutaski mä jaliri qinayar lat'xatata. Jupa nayraqatansti Egipton diosanakapax khathatipxiwa, Egiptonkir jaqinakasti wal axsarapxi.

Isaías 42:12

¡Tatiturusti jach'ar aptapxpan, taqi chiqan juparux yupaychapxpan!

Jeremías 13:16

Tatitu Diosamar jach'añchapxam, jupax ch'amaka janïra puriyankipana, ch'amak qullunakan jumanakan janïr liwirtkipana; kawkïr qhantix jumanakax suyapkäyäta uk jupax ch'amakar janïr tukuykipana.

Jeremías 3:13

Jucha luratamaki uñt'asim, Dios Tatitur saykatatam uñt'asirakim; yaqha diosanakan qhipap jalatama, jach'a quqanak k'uchunakan, uka diosanakarux yupaycharaktaxa, arunakaxarus janirakiw ist'ktati. Naya, Tatituw uk arsta.’ ”

Joel 2:25

“Jumanakar tukjañatak t'iju t'ijunak khithankta uka maranakatxa, nayaw kuttayxapxäma.

Jonás 3:9

inach Tatitux pampachistani, jach'a phiñasiñapsa apaqtayasini, ukhamat jan jiwarañasataki” sasa.

Malaquías 2:2

Jumanakasti nayarux jaysañanakamawa, sutixsa taqi chuymampiw jach'añchapxañama. Janitix ukham lurapkäta ukaxa nayax ñanqhachapxämawa. Taqi chuymampi jan jach'añchapxatamatxa, jumanakatak aski waxt'äwinakaxsa, ñanqhachañaruw tukuyä, sacerdote kankañ katuqapkta ukanaksa apaqapxämawa” siwa, taqi ch'aman Tatituxa.

Números 33:4

Uka pachpa uruw, egipcionakax tayna yuqall wawanakapan amayap p'amp'asipkäna, Tatituw jupanakarux jakañap apaqatayna, Egipto uraqin diosanakapar mutuyañataki.

Juan 9:24

Judionakasti wasitatampiw juykhükän uka jaqir jawsanipxi, ukatsti sapxarakiwa: —Diosan nayraqatapan chiq sapxita. Nanakax yatipxtwa uka jaqin juchararätapa —sasa.

Josué 7:19

Ukatsti Josué chachax Acán jaqirux sänwa: —Wawaxay, Israel markan Tatitu Diosapar jach'añcham, jan k'arisisaraki kuntix lurkta uk arsusim jan kunsa imt'asa —sasa.

Apocalipsis 11:13

Ukapachaw mä jach'a uraq khathatix sartäna, uka uraq khathatisti markan mä qawqha chiqanakap t'unthapïna, paqallqu waranqa jaqinakarakiw uka uraqi khathatimpix jiwaräna. Qhiparirinakasti, axsarañatsa alaxpachankir Diosaruw yupaychapxäna.

Apocalipsis 14:7

Jupax wali jach'a arumpiw art'äna: “Diosar axsartapxam, jupar yupaychapxarakim, taripañap urux purinxiwa. Alaxpacha, akapacha luririr yupaychapxam, qutanak luririru, uma jalsunak luririr yupaychapxam” sasa.

Apocalipsis 16:9

Jaqinakax llakkañaw intimpi nakhantat uñjasipxäna, ukatsti Diosan sutip ñanqhachapxäna, uka mutuyäwinak apaqañatak ch'amanïkipansa; uka jaqinakax janiw Diosar yupaychañatak kutikipstapkänti.

1 Samuel 5:11

Ecrón markankirinakax jiwañ wal axsarapxäna, ukat filisteonakan jilïrinakapar jawsayasin jupanakar sapxarakïna: “¡Uka arca akat apasipxam. Kawkhattix apanipkta ukkhar apapxam, jan ukasti taqiniw jiwarañäni!” sasa.

1 Samuel 5:9

Ukampis Tatitun arcapa uka markar puripansti, Tatitux uka markan kunayman jan walt'añanak sartayäna, jaqinakarusti taqiniruw kunayman ch'uphu usunakampi chhuxriñchjäna, jach'a jaqinakaru, ukhamarak wawanakarusa.

1 Samuel 6:8

Ukatsti Tatitun arust'äwi arcap carretxar apxatapxam, kuna yänaktix khuyapayasiñapatak qurit lurapkta ukanakxa mä cajonar uchapxam. Ukatsti uka carretarux sapak sarañapatak antutnukupxam.