1 Samuel 6:14 - Qullan Arunaka DC

¹⁴ Kunapachatix uka carretax Bet-semes chiqan Josué chachan uraqipar purkän ukkhasti, ukkharuw sayt'äna. Ukansti mä jach'a qalaw utjäna, ukatsti jaqinakax uka carretan lawanakapat phäña wakt'ayasax Tatituruw uka vacanak nakt'ayas luqtapxäna.

Aymar Bibliia 1986

¹⁴ Cunapachatejj uca carretajj Bet-semes chekan Josuean orakeparu purjjän ucqhasti, ucqharuw sayt'äna. Ucansti mä jach'a kalaw utjäna, ucatsti jakenacajj uca carretan lawanacapjja phäñataqui wact'ayasinwa uca vacanacjja Tatituru sacrificiot loktjjapjjäna.

Qullan Arunaca

¹⁴ Cunapachatejj uca carretajj Bet-semes chekan Josuean orakeparu purjjän ucqhasti, ucqharuw sayt'äna. Ucansti mä jach'a kalaw utjäna, ucatsti jakenacajj uca carretan lawanacapjja phäñataqui wact'ayasinwa uca vacanacjja Tatituru sacrificiot loktjjapjjäna.

1 Samuel 6:14 Jak'a apnaqawi uñst'ayäwi

2 Samuel 24:18

Uka pachpa uruw Gad profetax Davidan ukar saräna, ukat jupar sarakïna: “Makhatam, ukatsti Tatitutak mä altar sayt'ayam, kawkhantix Arauna jebuseo jaqix trigo jawq'askän ukawjaru” sasa.

2 Samuel 24:22

Arauna jaqisti sarakïnwa: —Reyixay, aka uraqi katusiskakim, ukatsti munkta ukhamarjam nakt'at waxt'äwinak Tatitur luqtarakim. Akansti urqu vacanakax wilañcha luqtañatakix utjiwa, jawq'añanakampi, yukunakampix phäñatakïniwa.

2 Samuel 24:25

ukawjaruw jupax Tatitutak mä altar sayt'ayäna, ukatsti nakt'at waxt'äwinaka, sumankañ wilañchanak luqtarakïna. Tatitusti Davidan marka layku mayisitanakap ist'änwa, Israel markar t'aqhisiykän uka jach'a ususti chhaqtawayxänwa.

1 Reyes 19:21

Eliseosti Eliasat saraqawayäna, ukatsti kuttanisinxa, pä urqu vacanak katusin khariräna, ukatxa yuku lawanakampiw aychxa kankaräna, ukat jaqinakar manq'arayäna. Ukatsti Eliasan qhipap sarxäna, ukürutpach jupax Eliasan yanapiripäxäna.

Éxodo 20:24

Laq'at nayatak mä altar lurarapipxita, uka altar patan jumanakan ovejanakamatsa, vacanakamatsa sumankañ nakt'at wilañchanak luqtapxitäta. Nayasti jutasin jumanakar aski waxt'äwinakamp phuqt'apxäma, kawkhanakantix nayan sutixan amtatäñap munkä ukkhanakana.

Jueces 21:4

Qhipürusti israelitanakax willjtat sartasisin mä altar lurapxäna, ukatsti Tatituruw nakt'at waxt'äwinaka, sumankthapiñ wilañchanak luqtapxäna.

Jueces 6:26

qullu patansti, Tatitu Diosamatak mä altar sayt'ayam. Ukatsti uka urqu vaca katusin wilañchäkaspa ukham luqtita, tinkuykäta uka quqamp nakhantayasa —sasa.

1 Samuel 11:5

Ukhamäkipansti Saúl waynax urqu vacanak ant'ataw pampat kutt'asinkäna, ukat jiskt'äna: —¿Kunas jaqinakar kamachi? ¿Kunatsa jachapxi? —sasa. Jaqinakasti kuntix Jabés markat khithanitanakax sapkatayna ukanak yatiyapxäna.

1 Samuel 20:29

jilapaw jupan markapar sarañapatak mayitayna. Davidasti wila masinakamp chikaw machaq phaxsi phunchhäwi uruyañ urun Belén markan mara waxt'äwi luqtani. Ukatakiw nayax saramay sista, ukat juma munañan reyimpi chikax manq'irix jan jutkiti —sasa.

1 Samuel 6:13

Bet-semes chiqan utjasirinakasti trigo apthapisipkäna, kunapachatix Tatitun arust'äwi arcap uñjapkän ukkhaxa, wal kusisipxäna.

1 Samuel 6:18

qurit lurat achakunakasti filisteonakan phisqa jilïripan markanakapax qawqhäkäntix ukkharakïnwa, pirqanakamp muyuntat markanakasa, jan pirqamp muyuntat jisk'a markanakas jakthapitänwa. Kawkïr jach'a qala patxarutix Tatitun arust'äwi arcap uchapkäna ukax jichürkamaw Josué chachan uraqipankaski Bet-semes sat chiqana.