1 Samuel 31:8 - Qullan Arunaka DC

⁸ Qhipürusti, kunapachatix filisteonakax jiwatanakan yänakap aparir sarapkatayna ukkhaxa, Guilboa qullunsti Saúl reyimpiru, kimsa yuqanakapampir jiwarata jaqusiskir jikxatapxäna.

Aymar Bibliia 1986

⁸ Khepürusti, cunapachatejj filisteonacajj jiwatanacat yänacapa apariri sarapcatayna ucapachasti, Saúl reyimpiru, quimsa yokanacapampiruw Gilboa kollun jiwarata jicjjatapjjäna.

Qullan Arunaca

⁸ Khepürusti, cunapachatejj filisteonacajj jiwatanacat yänacapa apariri sarapcatayna ucapachasti, Saúl reyimpiru, quimsa yokanacapampiruw Gilboa kollun jiwarata jicjjatapjjäna.

1 Samuel 31:8 Jak'a apnaqawi uñst'ayäwi

2 Samuel 1:20

Gat chiqan jan khitirus yatiyapxamti, janirak Ascalón marka thakhinakansa parlapxamti, filistea warminakan jan kusisipxañapataki, Tatitur jan uñt'ir warminakan kusisiñat jan sink'usipkañapataki.

2 Samuel 1:21

“¡Guilboa qullunaka, jan jumanakar jallusa, sullasa purxatkpati, janirak trigosa waxt'a churañatak achpati! Atipjirinakan jark'aqasiñanakapax ukan takisit uñjasi. Saúl reyin jark'aqasiñapan k'ajatapas ukan tukusiwayxi.

1 Crónicas 10:8

Qhipürusti, kunapachatix filisteonakax jiwatanakan yänakap apaqir sarapkän ukkhaxa, Saúl reyiru, yuqanakapampirux Guilboa qullun jiwarat jikxatapxäna.

2 Crónicas 20:25

Ukatsti Josafat reyimpi jaqinakapampix kunanaktix uñisirinakapax jaytawayapkatayna ukanak apthapiriw jalapxäna, jupanakasti walja uywanaka, nuwasiñ yänaka, isinaka, jila alani yänak jikxatapxäna, ukanaksti taqpach katuntasipxäna. Walja yänakapuniw utjäna, janiw jupanakax aptirjamäpkänti; waljätapatsti kimsa uruw uka yänak apthapipxäna.

1 Samuel 28:4

Filisteonakax tantacht'asisin Sunem uka chiqar utjnuqtiriw sarapxäna. Saúl reyisti taqi israelitanakaruw tantacht'arakïna, Guilboa siski uka chiqaruw purintapxäna.

1 Samuel 31:7

Israelitanakasti, khitinakatix qhirwat khurkatan jakapkäna, ukhamarak Jordán jawirat inti jalsu tuqin jakapkäna ukanakax israelita soldado tamanakan jaltxapxatapata, Saúl reyis yuqanakapamppach jiwarat uñjasinsti, jupanakax markanakap jaytasaw jaltxapxarakïna. Ukat filisteonakax uka markanakar purisax utjantasipxäna.

1 Samuel 31:9

Ukatsti p'iqip apaqapxäna, nuwasiñ yänakapsa aparapxarakïnwa, ukatsti taqi filisteo uraqpacharuw khithanak khithapxäna, taqi markpacharu diosanakapan utapan yatiyapxañapataki.