1 Samuel 31:6 - Qullan Arunaka DC

⁶ Ukhamaw uka urux Saúl reyix kimsa yuqanakapampi, yanapiripampi, taqi khitinakatix jupampïpkän ukanakampix jiwarapxäna.

Aymar Bibliia 1986

⁶ Uqhamawa uca urojj Saúl reyejj quimsa yokanacapampi, yanapiripampi, uqhamarac take qhitinacatejj jupampïpcäna ucanacajj jiwarapjjäna.

Qullan Arunaca

⁶ Uqhamawa uca urojj Saúl reyejj quimsa yokanacapampi, yanapiripampi, uqhamarac take qhitinacatejj jupampïpcäna ucanacajj jiwarapjjäna.

1 Samuel 31:6 Jak'a apnaqawi uñst'ayäwi

2 Samuel 1:1

Saúl reyin jiwxatapatsti, Davidax amalecitanakar atipjasin Siclag chiqaruw kuttxäna, ukansti pä uruw qhiparäna.

2 Samuel 1:12

ukatsti walpun jachapxäna, wararipxarakïna, Saúl reyimpina, Jonatán yuqapampin jiwatap layku, ukhamaraki Tatitun ejercitopan atipjat uñjasitap laykusa, jayp'ukamaw ayuno lurapxäna.

1 Crónicas 10:6

Ukhamaw khä urux Saúl reyimpi, kimsa yuqapampi, utapankir wila masinakapampix jiwarapxäna.

Jueces 9:54

Abimélec chachasti ukspachaw yanapiriparux jawsäna, ukatsti sänwa: “Espadam apsusim ukat jiwayita, janiw nayat ‘Mä warmikiw jiwayi’ sapxañap munkti” sasa. Uka yanapiripasti iyawsasaw espadapampi chhuqhuntäna, ukhamaw Abimélec chachax jiwxäna.

1 Samuel 11:15

Ukat taqi jaqinakaw Guilgal chiqar sarapxäna, ukansti Saúl waynaruw Tatit nayraqatan reyit utt'ayapxäna. Ukatsti sumankthapiñ wilañchanak Tatitur luqtapxäna, Saúl waynampi, israelita jaqinakampisti walpun kusisipxäna.

1 Samuel 12:17

Jichhax trigo apthapiñ urunakawa, janiw jallu pachäkiti, ukampis nayaw Tatiturux mayï, jallun q'ixu q'ixunakamp chik purxatayañapataki, ukhamat Tatitux jumanakar uñacht'ayapxätam, mä reyi mayitanakamampix jan wal lurapxatama” —sasa.

1 Samuel 12:25

Ukampisa jumanakatix jan wali lurañakpun amtasipkät ukaxa, jumanakasa, reyimasa tukjatäpxätawa —sasa.

1 Samuel 26:10

Nayax Tatitun sutipxaruw juramentompi arsta, pachpa Tatituw jakañap apaqani, jiwañapäki ukkhasa, jan ukax nuwasïwin jiwañapäki ukkhasa.

1 Samuel 28:19

Ukhamarus jumampiru, israelitanakampirux filisteonakaruw katuyapxätam, qharürux jumampi, wawanakamampix nayampi chikäxapxätawa. Tatitux israelitanakan campamentopsa filisteonakaruw katuyarakini —sasa.

1 Samuel 31:5

Yanapiripasti Saúl reyir jiwata uñjasinxa, jupax uka kipkarakiw espadapxar liwxattasax jiwayasïna.

1 Samuel 31:7

Israelitanakasti, khitinakatix qhirwat khurkatan jakapkäna, ukhamarak Jordán jawirat inti jalsu tuqin jakapkäna ukanakax israelita soldado tamanakan jaltxapxatapata, Saúl reyis yuqanakapamppach jiwarat uñjasinsti, jupanakax markanakap jaytasaw jaltxapxarakïna. Ukat filisteonakax uka markanakar purisax utjantasipxäna.