1 Samuel 31:4 - Qullan Arunaka DC

⁴ Ukat Saúl reyix yanapiripar säna: —Espadam apsusim ukatsti jiwayxita, janiw Diosar jan uñt'ir jaqinakan nayar jiwayañap munkti, janirakiw nayat larusiñapsa munkti —sasa. Yanapiripasti jupar axsarasax janiw ukham lurañ munkänti. Ukat Saúl reyix jupapachaw espadap katusin uka patxar liwxattäna.

Aymar Bibliia 1986

⁴ Ucatwa Saúl reyejj yanapiriparojj säna: “Espadam apsusim ucatsti ucampi jiwayita, uqhamat aca Dios jan uñt'ir jakenacajj jutasin nayaru jiwayapjjañapataqui, ucatsti nayar jiwayasin cusisipjjañapataqui” sasa. Ucampisa yanapiripajj janiw lurañ muncänti, wali ajjsarañapajj utjatap laycu. Uqhamasti Saúl reyejj jupapachaw espadap catusina uca pataru liwjjattäna.

Qullan Arunaca

⁴ Ucatwa Saúl reyejj yanapiriparojj säna: “Espadam apsusim ucatsti ucampi jiwayita, uqhamat aca Dios jan uñt'ir jakenacajj jutasin nayaru jiwayapjjañapataqui, ucatsti nayar jiwayasin cusisipjjañapataqui” sasa. Ucampisa yanapiripajj janiw lurañ muncänti, wali ajjsarañapajj utjatap laycu. Uqhamasti Saúl reyejj jupapachaw espadap catusina uca pataru liwjjattäna.

1 Samuel 31:4 Jak'a apnaqawi uñst'ayäwi

2 Samuel 1:1

Saúl reyin jiwxatapatsti, Davidax amalecitanakar atipjasin Siclag chiqaruw kuttxäna, ukansti pä uruw qhiparäna.

2 Samuel 1:14

Davidasti jach'at arsüna: —¿Kunjämarak jumasti Tatitun ajllit reyir jiwayañatak amparam ayttasti? —sasa.

2 Samuel 1:20

Gat chiqan jan khitirus yatiyapxamti, janirak Ascalón marka thakhinakansa parlapxamti, filistea warminakan jan kusisipxañapataki, Tatitur jan uñt'ir warminakan kusisiñat jan sink'usipkañapataki.

2 Samuel 1:6

Uka soldadosti sarakïnwa: —Nayax Guilboa qullunkaskäyätwa, ukhamaruw Saúl reyir pachpa lanzapxar liwxattir uñjta, uñisirinakan nuwasiñ carronakapasa, caballeriapas niya jikxatañatakjamaw jak'achasirakïna.

2 Samuel 17:23

Ahitófel jaqisti jupan amtataparjam jan lurapxatap uñjasax, asnop wakicht'asisin yurïwi markapan utjir utaparuw sarxäna; ukatsti wila masinakapan jan walt'añanakap taqi kun sumar askicht'xasinsti, jaychkatasïnwa. Ukhamaw jupax jiwxäna, ukatsti awkipan amay imäwipar imt'atäxänwa.

2 Samuel 21:12

Saúl reyimpina, Jonatán yuqapampin ch'akhanakap aptiriw saräna, uka ch'akhanakasti Galaad uraqinkir Jabés markan utjasir jaqinakan amparapankänwa. Uka jaqinakasti Saúl reyin amayap Bet-sán plazat lunthatawayapxatayna, uka plazaruw filisteo jaqinakax kunürutix Guilboa chiqan Saúl reyir atipjapkäna ukürux amayanak warkkatapxatayna. Ukampis Jabés markankir jaqinakax, uka amayanak lunthatawayasin, markapan imt'xapxäna.

1 Reyes 16:18

Zimrí chachasti markar katuntat uñjasinxa, reyin jach'a utapana imantasiña manqhir mantasin ninamp nakhantayäna, jupasti uka manqhin jiwarakïna.

1 Reyes 16:27

Omrí reyin sarnaqäwinakapasa, taqi luratanakapasa, atipjäwinakapasa, Israelankir reyinakan luräwinakapa qillqatankiwa.

1 Crónicas 10:4

Ukhamasti Saúl reyix yanapiriparuw säna: “Espadam apsusim, ukamp jiwayita, aka jucharar jaqinakan nayat jan larusiskañapataki” sasa. Ukampis yanapiripax janiw jiwayañ munkänti, wal axsaräna. Ukhamasti Saúl reyix espadap katusaw espadapxar liwxattäna.

Jueces 14:3

Ukampis awkip taykapax sänwa: —¿Kunatarak jumasti uka filisteo jucharar jaqinak taypiru warmi thaqhir sartasti? ¿Janit warmix wila masinakas taypina, jan ukax israelitanak taypin utjkisti? —sasa. Sansonasti sänwa: —Uka tawaquruw walpun munta, nayan warmixäñapatak irpaqanirapipxita —sasa.

Jueces 9:54

Abimélec chachasti ukspachaw yanapiriparux jawsäna, ukatsti sänwa: “Espadam apsusim ukat jiwayita, janiw nayat ‘Mä warmikiw jiwayi’ sapxañap munkti” sasa. Uka yanapiripasti iyawsasaw espadapampi chhuqhuntäna, ukhamaw Abimélec chachax jiwxäna.

1 Samuel 14:6

Jonatanasti yanapiriparuw säna: —Jina, mäpit jawir khurkatar makhatañäni, kawkhankkitix Tatitur jan uñt'ir soldadonakax ukkharu. Inampis Tatitux mä kunsa jiwasatak luraskaspa, jupatakix janiw ch'amäkiti walja jaqimpi, jan ukax juk'a jaqimpi atipt'ayañaxa —sasa. Yanapiripax sänwa:

1 Samuel 17:26

Ukat Davidax jupa jak'ankki uka jaqinakar jiskt'arakïna: —¿Reyix kunsa churaspa aka filisteo jaqiru jiwaykaspa, israelitanakarus jan jisk'achaykaspa uka jaqiruxa? Ukhamasti, ¿khitirak Diosar jan uñt'iri uka filisteo jaqisti, jakkir Diosan ejercitopar arnaqañapatakisti? —sasa.

1 Samuel 17:36

mä leonasa jan ukax mä ososa nayar katjañ munipanxa, jawq'askamaw jiwayirïta. Tatitur jan uñt'ir aka filisteo jaqirusti uka kipkwa lurä, jupan jakkir Diosan soldadonakapar arknaqatap layku.

1 Samuel 26:10

Nayax Tatitun sutipxaruw juramentompi arsta, pachpa Tatituw jakañap apaqani, jiwañapäki ukkhasa, jan ukax nuwasïwin jiwañapäki ukkhasa.

1 Samuel 31:5

Yanapiripasti Saúl reyir jiwata uñjasinxa, jupax uka kipkarakiw espadapxar liwxattasax jiwayasïna.