1 Samuel 31:3 - Qullan Arunaka DC

³ Ukatsti Saúl reyir nuwantañatakiw ch'amachasipxäna; mich'i antutt'ir jaqinakapax mich'inakap jupxar puriyapkän ukkhasti, jupax wal axsaräna.

Aymar Bibliia 1986

³ Ucatsti Saúl reyircamaquiraquiw take ch'amanacap cutiquipstayanipjjäna; cunjämatejj flecha antutt'iri jakenacapajj flechanacjja cawqhanccäntejj jupanacajj ucacama puriyapjjän ucapachasti jupanacajj wali ajjsarapjjaraquïna.

Qullan Arunaca

³ Ucatsti Saúl reyircamaquiraquiw take ch'amanacap cutiquipstayanipjjäna; cunjämatejj flecha antutt'iri jakenacapajj flechanacjja cawqhanccäntejj jupanacajj ucacama puriyapjjän ucapachasti jupanacajj wali ajjsarapjjaraquïna.

1 Samuel 31:3 Jak'a apnaqawi uñst'ayäwi

Génesis 49:23

Jan wali ñanqha jaqinakax nuwantapxtamwa, mich'inakampiw jumar antutt'anipxtam,

2 Samuel 1:4

Davidax jiskt'askakïnwa: —¿Kamacharakisti? ¡Yatiyitaya! —sasa. Uka soldadosti sarakïnwa: —Israelit ejercitox nuwasïwit jaltxi. Jupanakat waljaniw jiwarapxaraki. ¡Saúl reyimpi, Jonatán yuqapampis jiwapxarakiwa! —sasa.

2 Samuel 1:6

Uka soldadosti sarakïnwa: —Nayax Guilboa qullunkaskäyätwa, ukhamaruw Saúl reyir pachpa lanzapxar liwxattir uñjta, uñisirinakan nuwasiñ carronakapasa, caballeriapas niya jikxatañatakjamaw jak'achasirakïna.

2 Samuel 21:12

Saúl reyimpina, Jonatán yuqapampin ch'akhanakap aptiriw saräna, uka ch'akhanakasti Galaad uraqinkir Jabés markan utjasir jaqinakan amparapankänwa. Uka jaqinakasti Saúl reyin amayap Bet-sán plazat lunthatawayapxatayna, uka plazaruw filisteo jaqinakax kunürutix Guilboa chiqan Saúl reyir atipjapkäna ukürux amayanak warkkatapxatayna. Ukampis Jabés markankir jaqinakax, uka amayanak lunthatawayasin, markapan imt'xapxäna.

1 Reyes 22:34

Ukampis mä soldadow inach'usar mä mich'i antutt'asin, Israelan Ahab reyipar wakt'ayäna, jark'aqasiñ isipan ch'ukupat mantayasa. Ukat reyix carro apnaqiripar säna: —Qhipar kutt'xam, aka nuwasiñ taypit apsxita, sinti jan wali chhuxriñchjatätwa —sasa.

Amós 2:14

Qawqhsa jaltasipkätawa, janiw atipapkätati; wali ch'aman jaqirusa ch'amax pist'aniwa, ch'amamp atipt'irïki uka jaqis qhispkaniti.