1 Samuel 31:1 - Qullan Arunaka DC

¹ Ukatsti filisteonakax israelitanakaruw tukjapxäna. Israelitanakasti jupanakan nayraqatapat jaltxapxäna, Guilboa qullunsti jiwaratanakax waljanipunïnwa.

Aymar Bibliia 1986

¹ Filisteonacasti israelitanacarojj nuwantanipjjaraquïnwa. Israelitanacasti jupanacan nayrakatapatjja jaltjjapjjänwa, Gilboa kollun atipjatäjjatap laycu.

Qullan Arunaca

¹ Filisteonacasti israelitanacarojj nuwantanipjjaraquïnwa. Israelitanacasti jupanacan nayrakatapatjja jaltjjapjjänwa, Gilboa kollun atipjatäjjatap laycu.

1 Samuel 31:1 Jak'a apnaqawi uñst'ayäwi

2 Samuel 1:21

“¡Guilboa qullunaka, jan jumanakar jallusa, sullasa purxatkpati, janirak trigosa waxt'a churañatak achpati! Atipjirinakan jark'aqasiñanakapax ukan takisit uñjasi. Saúl reyin jark'aqasiñapan k'ajatapas ukan tukusiwayxi.

2 Samuel 1:6

Uka soldadosti sarakïnwa: —Nayax Guilboa qullunkaskäyätwa, ukhamaruw Saúl reyir pachpa lanzapxar liwxattir uñjta, uñisirinakan nuwasiñ carronakapasa, caballeriapas niya jikxatañatakjamaw jak'achasirakïna.

2 Samuel 4:4

Saúl reyin Jonatán yuqapax mä wawanikïnwa, Mefi-bóset sata, jupasti paypach kayut suchünwa. Kunapachatix Mefi-bosetax phisqa maranïkän ukkhaxa, Jezreel chiqat mä yatiyäwiw purinïna, Saúl reyimpina, Jonatanampin jiwatapata; uk ist'asaw wawa uywir warmix Mefi-bóset wawar ichxaruwayasin jaltxäna, ukampis ukham jank'ak jaltxasaw wawax tinküna, ukat ukham suchuptäna.

1 Samuel 12:25

Ukampisa jumanakatix jan wali lurañakpun amtasipkät ukaxa, jumanakasa, reyimasa tukjatäpxätawa —sasa.

1 Samuel 28:1

Uka urunakansti, filisteonakax Israel markampi nuwasiñatakiw soldadonakap tantachapxäna, ukat Aquís reyix Davidar säna: —Jumax sum yattaxa. Jumampi jaqinakamampix nayampi chikaw nuwasir mistupxañapa —sasa.

1 Samuel 28:15

Ukat Samuelux säna: —¿Kunatakis nayar jawsayista? —sasa. Saúl reyisti sänwa: —Nayax wali llakt'ataw jikxatasta, filisteonakaw nayatakix walipun sayt'xi, Diosasti jaytanukxituwa. Janirakiw mayisitaxarux profetanak tuqsa, samka tuqsa ist'kituti. Ukat jichhax kuntix lurañaxäki uk sañamataki jawsaysma —sasa.

1 Samuel 28:19

Ukhamarus jumampiru, israelitanakampirux filisteonakaruw katuyapxätam, qharürux jumampi, wawanakamampix nayampi chikäxapxätawa. Tatitux israelitanakan campamentopsa filisteonakaruw katuyarakini —sasa.

1 Samuel 28:4

Filisteonakax tantacht'asisin Sunem uka chiqar utjnuqtiriw sarapxäna. Saúl reyisti taqi israelitanakaruw tantacht'arakïna, Guilboa siski uka chiqaruw purintapxäna.

1 Samuel 29:1

Filisteonakasti Afec sat chiqaruw jaqinakap tantacht'äna, ukchañkamasti israelitanakax Jezreel chiqankir uma jalsu jak'aruw utjnuqtapxäna.