1 Samuel 30:8 - Qullan Arunaka DC

⁸ Davidasti Tatituruw jiskt'asïna: —¿Uka lunthat tama jaqinakarux arktiristti? ¿Arktasin jupanakarux jikxatiristti? —sasa. Tatitusti sänwa: —Arktaskakim, jikxatätawa, uka katuntat jaqinakarus kuttayanxarakïtawa —sasa.

Aymar Bibliia 1986

⁸ Davidasti Tatituruw jisct'asiraquïna: —¿Uca lunthata jakenacarojj arctañajjati? ¿Jupanacarojj jicjjatiristti? —sasa. Tatitusti saraquïnwa: —Arctascaquim, jicjjatätawa, ucatsti preso apata jakenacsa aparanjjaraquïtawa —sasa.

Qullan Arunaca

⁸ Davidasti Tatituruw jisct'asiraquïna: —¿Uca lunthata jakenacarojj arctañajjati? ¿Jupanacarojj jicjjatiristti? —sasa. Tatitusti saraquïnwa: —Arctascaquim, jicjjatätawa, ucatsti preso apata jakenacsa aparanjjaraquïtawa —sasa.

1 Samuel 30:8 Jak'a apnaqawi uñst'ayäwi

Génesis 14:16

ukatsti taqi kuntix apapkatayna ukanak aparanipxäna. Ukhamat Abram chachax Lot sobrinoparux qhispiyanïna, ukatsti taqi kunatix sobrinopankki ukanak kuttayanxäna. Ukhamarak warminakarusa, yaqha jaqinakarus qhispiyanxäna.

2 Samuel 5:19

Ukat Davidax Tatitur yanap mayisin jiskt'asirakïna: —¿Filisteo jaqinakar katuntiristti? ¿Jupanakar atipjayitätati? —sasa. Tatitusti ukxaruw sarakïna: —Jïsa, katuntaskakim, nayaw jupanakar atipjañamatak yanapäma —sasa.

2 Samuel 5:23

Davidasti wasitat Tatitur jiskt'asïna, Tatitusti juparux sarakïnwa: —Janis jupanakar nayräxat nuwantkam, jan ukasti, jupanakar muyuntam, bálsamo quqanakäkis uka chiqar purisin qhipäxat jupanakar katuntäta.

Salmos 50:15

Llakitäkät ukkhax nayar jawsita; nayasti qhispiyämawa, jumax jach'aruw aptarakitäta” sasa.

Salmos 91:15

Nayar art'asitan ukapachaxa, mayisitaparux jaysäwa. Jupamp chikaw t'aqhisiñankä, llakisiñat irpsü, jach'aruw aptä;

Éxodo 15:9

Uñisirinakaxax amuyataynawa: ‘¡Jikxatañkam jupanakar arktañäni! ¡Jupanakar tukjañäniwa! ¡Jupanakat aparkañäni ukanaksti, kusisitaw lakinuqasiñäni! Espada apsusï, amparaxaw jupanakar tukjani’ sasa.

Números 27:21

Josué chachax Eleazar sacerdoten nayraqataparuw uñstañapa, Eleazarasti Urim tuqiw sutipxar nayar jiskt'itani. Josué chachaw israelitanakar apnaqani taqi kuna lurañanakapansa —sasa.

Jueces 20:18

Israelitanakasti Betel markaruw sarapxäna, ukawjan Diosarux jiskt'asipxäna, kawkïr ayllusa Benjamín ayllunkirinakar nayraqat katuntaspa uk yatiñataki. Tatitusti Judá ayllunkiri nayraqat sarañapa yatiyäna.

Jueces 8:4

Gedeonampi, kimsa patak jaqinakapampix Jordán jawirar purisinxa makhatawayapxänwa, jupanakax uñisirinakapar arknaqkäwix wali qariratäpkchïn ukasa.

1 Samuel 10:22

ukat Tatiturux wasitat jiskt'apxäna, Saúl waynax ukankaskpachati janicha uk yatiñataki. Tatitusti Saúl waynan q'ipinak manqhan imantatäskatap uñacht'ayäna.

1 Samuel 14:37

Ukat Saúl reyix Tatitur jiskt'äna: —¿Filisteonakar arktañaxax wakisiti? ¿Jupanakarusti israelitanakan amparapar katuyätati? —sasa. Ukampis Tatitux janiw uka urux jupar jayskänti.

1 Samuel 23:2

jupax Tatituruw jiskt'asïna, akham sasa: —Tatay, ¿nayax filisteonakampi nuwasir sariristti? —sasa. Tatitusti sarakïnwa: —Jïsa, saraskakim, Queilá markarusti qhispiyarakim —sasa.

1 Samuel 23:4

Ukhamasti Davidax wasitat Tatiturux jiskt'asïna, Tatitusti sarakïnwa: —Jumax Queilá markarux saraskakim, nayaw filisteonakarux amparamar katuyäma —sasa.

1 Samuel 28:6

Ukatsti Tatituruw jiskt'asïna, ukampis Tatitux janiw juparux samkanak tuqisa, Urim tuqisa, profetanaka tuqis jayskänti.

1 Samuel 30:18

Davidasti kuntix amalecitanakax lunthatjapkatayna taqi ukanak kutirayasxäna, pani warmipsa kutirayasxarakïnwa.

1 Samuel 30:19

Taqi kunanaktix amalecitanakax lunthatapkatayna ukanakat janiw mä juk'as chhaqhatäkänti, janirakiw mä wawasa, jach'a jaqis chhaqhatäkänti, Davidasti taqpach kutirayasxäna.