1 Samuel 30:4 - Qullan Arunaka DC

⁴ ukatsti wali jach'at jachapxäna, thayjtañkamaw wararipxarakïna.

Aymar Bibliia 1986

⁴ Ucat wali jach'at jachapjjäna, wararipjjaraquïna thayjtañcama.

Qullan Arunaca

⁴ Ucat wali jach'at jachapjjäna, wararipjjaraquïna thayjtañcama.

1 Samuel 30:4 Jak'a apnaqawi uñst'ayäwi

Esdras 10:1

Esdras sacerdotex killt'ataw Tatitun utapan markan juchanakap jacht'asis arsuskäna, ukchañkamasti walja chachanaka, warminaka, wawanakaw tantachasïna, wali jacht'asisarakiw jupar muyuntapxäna.

Números 14:1

Ukatsti israelitanakax warariñ qalltapxäna, uka arumasti jacht'asisaw qhantatipxarakïna.

Números 14:39

Moisesax kuntix Tatitux israelitanakar siskatayna taqi ukanak yatiykän ukapachasti, taqpachaniw walpun llakt'asipxäna.

Jueces 2:4

Angelax parlañ tukuykän ukkhaxa, israelitanakax taqiniw wali jach'at wararis jachapxäna.

Jueces 21:2

Ukatsti Betel markan tantachasipxäna, ukatsti Tatit nayraqatan arumkamaw jacht'asis ayqupxäna:

1 Samuel 11:4

Khithanakasti kawkhantix Saúl waynax jakkäna uka Guibeá chiqaruw puripxäna; jaqinakarusti kunatix luraskatayna ukanak yatiyapxäna. Uka arunak ist'asasti taqiniw wal jachapxäna.

1 Samuel 30:3

Kunapachatix Davidampi jaqinakapampix markaru puripkän ukkhaxa, markarux nakhantat uñjapxäna, ukhamaraki warminakarusa, wawanakarus katuntat apasxapxatayna,

1 Samuel 4:13

Kunapachatix uka soldadox purkän ukkhasti, Elí sacerdotex punku jak'an mä qunuñan qunt'ataw thakhi uñch'ukiskäna, jupasti Diosan arcapat wali llakt'atäskänwa. Uka jaqisti markar mantasin kunatix luraskatayna uk yatiyäna; ukanak ist'asinsti markachirinakax ukspachaw uxtapxäna.