1 Samuel 30:31 - Qullan Arunaka DC

³¹ Hebrón, ukhamarak kawkhanakantix jupasa, jaqinakapasa sarnaqkatayna taqi uksankirinakaruw uka churäwinak apayäna.

Aymar Bibliia 1986

³¹ Hebrón, uqhamarac cawqhanacantejj jupasa, uqhamarac jakenacapasa sarnakcatayna take ucsanquirinacaruw apayataraquïnjja.

Qullan Arunaca

³¹ Hebrón, uqhamarac cawqhanacantejj jupasa, uqhamarac jakenacapasa sarnakcatayna take ucsanquirinacaruw apayataraquïnjja.

1 Samuel 30:31 Jak'a apnaqawi uñst'ayäwi

2 Samuel 15:10

Ukatsti jank'akirakiw mä qawqha jaqinak khithäna taqpach Israel ayllunakar akham sapxañapataki: “Kunapachatix trompeta phust'asir ist'apkäta ukapachasti Absalonan Hebrón chiqan reyit utt'ayatäxatap yatiyapxäta” sasa.

2 Samuel 2:1

Uka qhipatsti, Davidax Tatituruw jiskt'asïna, jupar sänwa: ——¿Kawkïri markanakatix Judá tuqinkki ukanakar sarañax wakisispati? —sasa. Tatitusti sarakïnwa: —Jïsa, sarañamax wakisiwa —sasa. Ukat Davidax jiskt'asïna: —¿Kawkirus saräxa? —sasa. Tatitusti ukxaruw sarakïna: —Hebrón markar saram —sasa.

2 Samuel 2:4

Uka qhipatsti Judá uraqinkir jaqinakaw ukar purintanipxarakïna, ukatsti ukan Davidarux Judá markan reyipäñapatak utt'ayapxäna. Juparusti Galaad chiqankir Jabés markankir jaqinakan Saúl reyir imt'xapxatap yatiyapxäna,

2 Samuel 4:1

Saúl reyin Is-bóset yuqapasti, Abner chachan Hebrón chiqan jiwatap yatisinxa, ch'am thayjtayasïna, taqinirakiw Israel markan axsarayasipxäna.

Números 13:22

Négueb wasaranjam mantasin Hebrón chiqakamaw puripxäna. Hebrón markax Soan sat egipcio marka utt'ayaskän ukat paqallq mara nayraw utt'ayasitayna. Uka markan Ahimán, Sesai, Talmai chachanakax jakapxäna, jupanakasti Anac sat jach'a tansa jaqin wawanakapänwa.

Josué 15:13

Josué chachax Jefuné jaqin Caleb yuqaparux Judá ayllun uraqinakapat mä t'aqa churäna. Tatitun arsutaparjamasti, Hebrón marka churäna, Anac sat jach'a tansa jaqin wawanakapan aytat markapa.

Josué 21:11

Judá uraqin qullunakapanxa Arbá marka churapxäna, Hebrón sutinïkaraki uka marka, Arbá chachax Anac jach'a tansa jaqin awkipänwa, jupanakarusti uywanak awatiñ uraqinakamp churapxarakïna.

1 Samuel 23:22

Achikt'asipxsmawa, jichhax sarapxam, ukatsti kawkhanpunsa jikxatasi uk sum uñaqanipxam, jupan wali sallqätap yatiyapxitu.