1 Samuel 30:26 - Qullan Arunaka DC

²⁶ Davidasti Siclag uka chiqaru purkäna ukkhax, Judá uraqinkiri jilïr jaqinakaru, jupan jila masinakaparuw kuntix uñisirinakapat aparankatayna ukanak apayäna, akham yatiyäwimp kuna: “Aka churäwix jumanakatakiwa, kuntix Tatitun uñisirinakapat aparanipkta ukan mä chikatapa” sasa.

Aymar Bibliia 1986

²⁶ Davidasti cunapachatejj Siclag sisqui uca chekaru purjjäna ucapachasti, Judá orakenquiri jilïr jakenacaru, uqhamarac qhitinacatejj amigonacapäcäna ucanacarusa, cuntejj uñisirinacapat aparancatayna ucanacatjja mä chicat apayäna, aqham sasa: “Aca wajjt'añajj jumanacataquiwa, cuntejj Tatitun uñisirinacapat aparcta ucata mä chicatawa acajja” sasa.

Qullan Arunaca

²⁶ Davidasti cunapachatejj Siclag sisqui uca chekaru purjjäna ucapachasti, Judá orakenquiri jilïr jakenacaru, uqhamarac qhitinacatejj amigonacapäcäna ucanacarusa, cuntejj uñisirinacapat aparancatayna ucanacatjja mä chicat apayäna, aqham sasa: “Aca wajjt'añajj jumanacataquiwa, cuntejj Tatitun uñisirinacapat aparcta ucata mä chicatawa acajja” sasa.

1 Samuel 30:26 Jak'a apnaqawi uñst'ayäwi

Génesis 33:11

Jumataki apankta uka churäwi katuqt'akitaya, Diosaw nayarux qamir tukuyitu, janiw kunas pist'kituti —sasa. Jacobux sintpun achikt'äna, ukat Esaú jilapax iyawsas uka churäwinak katuqäna;

2 Samuel 1:1

Saúl reyin jiwxatapatsti, Davidax amalecitanakar atipjasin Siclag chiqaruw kuttxäna, ukansti pä uruw qhiparäna.

2 Reyes 5:15

Ukat jupampi, jupa chik jutirinakampisa, Eliseon ukaruw sarapxäna. Jupan ukar purisinsti, Naamanax sänwa: —¡Jichhax yatxtwa, taqi uraqpachan janiw Israelan Diosapjam yaqhax utjkiti! Jichhasti achikt'asïma, mä churäwiy naya, luqtirimat katuqt'asita —sasa.

Salmos 35:27

Nayan atipañax munirinakasti q'uchupxpan, kusisipxarakpan, jan qarjasis arsupxpan: “¡Tatitux jach'a ch'amaniwa, uywatapar sum jakasir uñjasax kusisiwa!” sasa.

Salmos 68:18

18 (19) Diosay, alay qullunakaruw makhattaxa, katuntat jaqinak ukarux irptaxa; jaqinak taypin jach'añchatäñ katuqtaxa, Tatay, jumar qallkatir jaqinakamppachaw jumar makhatxapxtam.

Isaías 32:8

Aski jaqisti, askinak lurañ amti, uka aski amtatanakapan sayt'asiraki.

2 Corintios 9:5

Ukat nayatakix waljamäna uka jilatanakan jumanakan ukar nayraqat jutañapaxa, ukatsti churañatak arsupkta uka yanapt'a phuqhachañ jumanakar yanapañapataki. Ukhamat jumanakan yanapt'a churatanakamax munasiña uñacht'äwïñapataki, jan mich'asiñampi churapxatam uñacht'ayarakini.

1 Samuel 18:17

Mä urusti Saúl reyix Davidarux sänwa: —Nayasti Merab sata jilïr phuchhaxa warmimäñapatakiw churäma, nayax jan axsarir nuwasirïñamak maysma, Tatitun nuwasïwipan nuwasiñataki —sasa. Saúl reyix janiw jupa pachpa Davidar jiwayañ amtkänti, jan ukasti filisteonakan jiwayañap munäna.

1 Samuel 25:27

Jichhasti achikt'assmawa, nayax kawkïr waxt'äwinaktix apanirapksma ukanak jumamp chika jutapki uka uywatanakamaru lakinuqaspan,

1 Samuel 25:28

ukatsti jumaw aka luqtirimarux pampacht'arakïta. Chiqpachansa Tatituw jumarusa, wawanakamarus marka apnaqäwi kankañ wiñayatak churapxätam, Tatitutak juman ch'ama tukutam layku, taqi jakäwimansa janirakiw kuna jan walt'añas jumxarux jutkaniti.

1 Samuel 30:20

Davidasti taqi ovejanakapa, vacanakap kutirayasïna, khitinakatix uka uywanak anakinipkän ukanakasti, “taqi akanakax Davidan jikxatataw” sapxarakïnwa.

1 Samuel 30:25

Ukürut jichhürkamasti, israelitanakax ukhampun lurapxi.