1 Samuel 30:14 - Qullan Arunaka DC

¹⁴ nanakasti quereteos jaqinakan aynacha uraqipat lunthatsuriw sarapxta, ukhamarak Judá, Caleb tuqinkirinakata, Siclag markarusti ninampiw phichhantanipxta.

Aymar Bibliia 1986

¹⁴ Cereteo jakenacan aynacha orakepa saqueyjiriw sarapjjta, ucatsti Judá, Caleb tokenquirinacar uqhamaraqui. Siclag marcarusti ninampiw phichhantapjjta.

Qullan Arunaca

¹⁴ Cereteo jakenacan aynacha orakepa saqueyjiriw sarapjjta, ucatsti Judá, Caleb tokenquirinacar uqhamaraqui. Siclag marcarusti ninampiw phichhantapjjta.

1 Samuel 30:14 Jak'a apnaqawi uñst'ayäwi

2 Samuel 8:18

Joiadá jaqin Benaías yuqapasti cereteo jaqinakaru, peleteo jaqinakar sarayirïnwa. David reyin yuqanakapasti sacerdotenakänwa.

1 Reyes 1:38

Ukatsti Sadoc sacerdotempi, Natán profetampi, Joiadá chachan Benaías yuqapampi, cereteo jaqinakampi, peleteo jaqinakampix sarasin Salomonar David reyin mulaparuw lat'xatayapxäna, ukatsti Guihón chiqaruw irpapxäna.

1 Reyes 1:44

jupasti Sadoc sacerdotempiru, Natán profetampiru, Joiadá chachan Benaías yuqapampiru, yanapirinakapampiruw khiti Salomonamp chika sarapxañapataki; jupanakax David reyin mulaparuw Salomonar lat'xatayapxi,

1 Crónicas 18:17

ukatsti Benaías, jupax Joiadá chachan yuqapänwa, quereteo, peleteo uñjirinakan jilïripänwa. David reyin wawanakapasti jupan wakiskir yanapirinakapänwa.

Ezequiel 25:16

Ukatpï naya, Tatitux sistxa: Jichhax filisteonakaruw mutuyä; quereteo jaqinakarusti q'al tukjä, jach'a quta iraman utjasipki ukanakarus q'al tukjarakï.

Sofonías 2:5

¡Ay, Creta tuqinkir quta thiyan jakir jaqinaka! Diosasti jumanakar akham mutuyañ amti: “¡Canaán uraqi, filisteonakan markapa, q'al t'unjäma, jan mä jaqin tukuyarakïma!

Josué 14:13

Ukat Josué chachax Caleb chacharux askinak churäna, ukatsti jupampiru wawanakampirux Hebrón uraqi churxäna.

Josué 15:13

Josué chachax Jefuné jaqin Caleb yuqaparux Judá ayllun uraqinakapat mä t'aqa churäna. Tatitun arsutaparjamasti, Hebrón marka churäna, Anac sat jach'a tansa jaqin wawanakapan aytat markapa.

Josué 21:12

Ukampis Hebrón marka thiyanakan utjir uraqinakampi, jisk'a markanakampix janiw levitanakaru churatäkänti, ukanakasti Jefuné chachan Caleb yuqaparu churatäxatap layku.

1 Samuel 25:3

Uka jaqisti Nabal satänwa. Caleb chachan wila masipat saraqiri. Jupasti qhuru jan wali jaqirakïnwa. Ukampis Abigail warmipax wali suma uñnaqt'an ch'ikhi warmïnwa.

1 Samuel 30:1

Kimsüru saraqatarusti, Davidampi jaqinakapampix Siclag markaruw puripxäna, ukansti amalecita jaqinakan Néguev sat uraqir mantantapxatapa, Siclag markar t'unjapxatapa, ninampi phichhantapxatap jikxatapxäna.

1 Samuel 30:13

Ukat Davidax jiskt'äna: —¿Khitis uywirimaxa? ¿Kawkitsa jutta? —sasa. Egipcio jaqisti sänwa: —Egiptonkirïtwa, mä amalecita jaqin uywatapätwa, usuntatax laykuw uywirixax niya kimsa uru jaytanukxitu,

1 Samuel 30:15

Davidasti jiskt'askakïnwa: —¿Uka lunthata jaqinakan ukar irpitasmati? —sasa. Ukat egipcio jaqix sarakïna: —Jumatix Tatitun sutipxaru juramento lurarapitasma nayar jan jiwayañamataki, uywirixarus jan katuyañamataki, ukkhax nayax kawkhankapkitix jupanakax ukakamaw irpäma —sasa.

1 Samuel 30:16

Ukatsti, kawkhankapkäntix uka lunthatanakax ukakamaw irpäna, jupanakasti, taqi uka pampan aywitatatäsipkänwa, ukan manq'asipkäna, umasipkäna, ukhamarak jach'a phunchhäwi lurasipkäna, taqi kunanaktix jupanakax filisteonakan uraqipata, Judá uraqitsa lunthatanipkatayna ukata.