1 Samuel 3:17 - Qullan Arunaka DC

¹⁷ Elí sacerdotex jiskt'arakïnwa: —¿Kuns Tatitux parlawaytam? Jan kuns imt'istati, taqpach yatiyita. ¡Janitix phuqhatpach yatiykitätaxa, Tatituw jumarux mutuyätam! —sasa.

Aymar Bibliia 1986

¹⁷ Elí sacerdotesti jisct'araquïnwa: —¿Cunsa Tatitojj parlawaytam? Jan cuns imt'istati jan ucasti takpacha yatiyita. ¡Diosasti jumarojj mutuyaraquïtamwa janitejj phokhata yatiyquitäta ucapachajja! —sasaw Elí sacerdotejj säna.

Qullan Arunaca

¹⁷ Elí sacerdotesti jisct'araquïnwa: —¿Cunsa Tatitojj parlawaytam? Jan cuns imt'istati jan ucasti takpacha yatiyita. ¡Diosasti jumarojj mutuyaraquïtamwa janitejj phokhata yatiyquitäta ucapachajja! —sasaw Elí sacerdotejj säna.

1 Samuel 3:17 Jak'a apnaqawi uñst'ayäwi

2 Samuel 14:18

Reyisti warmirux sänwa: —May jiskt'äma, chiqap arsutäta, janiw kunsa imt'itätati —sasa. Warmisti sarakïnwa: —Reyixay, arsuskakim —sasa.

2 Samuel 19:13

13 (14) Ukxarusti saskakïnwa Amasá jaqir sapxañapataki: “Jumax wilaxat wilanïtawa, ukhamasti jichhürut uksarux jumaw Joab lanti ejercitoxan jach'a jilïripat sayt'äta. Janitix aka arsutaxar phuqkäma ukax, Tatituy nayar jan khuyapt'ayasis mutuyitpan” sasa.

2 Samuel 3:35

Ukatsti taqiniw Davidar jak'achasisin achikt'apxäna janïr jayp'untkipan manqt'asiñapataki, ukampis Davidax juramento luräna, akham sasa: —¡Diosax wal mutuyitpan nayatix mä t'ant'sa, jan ukax kunsa janïra inti jalantkipan mallt'ä ukapachaxa! —sasa.

2 Samuel 3:9

¡Tatitux mutuyitpan, Davidar juramentompi arskäna uk phuqhasiñapatak jan kuns lurkä ukaxa! Tatituw jupar arsuwayi

1 Reyes 22:16

Ukxaruw reyix säna: —¿Qawqha kutirak säma, kunatix chiqäki uk Tatitun sutipxar nayar juramentompi yatiyañamatakisti? —sasa.

2 Reyes 6:31

Ukat reyix jach'at arsüna: “¡Diosax nayar jan khuyapt'ayasis mutuyitpan, janitix jichhürpach Safat chachan Eliseo yuqapar p'iqip apaqkä ukaxa!” sasa.

Salmos 141:5

Aski jaqix mutuyitpan, suma jaqix tuqinuqitpan, ukanak katuqañatakix janiw jaltkäti; mutuykatpachas Tatitut mayisiskakïwa.

Jeremías 38:14

Sedequías reyix Jeremiasarux jupan ukar irptayaniñapatakiw mayïna, Tatitun utap taypin kimsïr punkükis ukkharu. Ukan reyix Jeremías profetarux säna: —May jumar jiskt'äma, uka jiskt'arusti qhanpin jaysitäta —sasa.

Jeremías 42:4

Jeremías profetasti jupanakarux sarakïnwa: —Walikiwa. Nayaw jumanakatak Tatitut mayirapipxäma, kunjämtix sapkista ukhamarjama, ukatsti jan kunsa imt'asaw kuntix Tatitux siskitani taqi ukanak yatiyxapxarakïma —sasa.

Daniel (hebreo) 4:19

19 (16) “ ‘Danielasti, khitirutix Beltsasar sas sutichapkarakïna ukax musphataw uñjasïna, kuna lup'ïwinakatix p'iqipar jutkäna ukampi wali mayjt'ataw uñjasirakïna. Ukampis naya, reyix jupar saraktwa: ‘Beltsasar, jan jumax samkaxat llakisimti, janirak qhanañchäwipatsa llakisimti’ sasa. Beltsasarasti ukxarux sarakituwa: ‘¡Munañan rey, kuntix uka samkax sañ munki ukanakax uñisirinakamxar wakt'pan!

Miqueas 2:7

Janiw Tatitux phiñasitäkiti sapxtawa, Tatitun luräwipax janiw ukhamäkiti sapxtawa. Khitinakatix askinak lurapki ukanakarux askinak churaraki sapxaraktawa.

Números 23:17

Balaamasti kutt'xasina, Balac reyir wilañcha luqta jak'an sayt'at jikxatäna, moabita jilïr jaqinakamp chika. Ukapachaw Balac reyix Balaamar jiskt'äna: —¿Tatitux kamstamsa? —sasa.

Mateo 26:63

Jesusasti janiw kuns arskänti. Ukat sacerdotenakan jilïripax jupar säna: —Jakkir Diosan sutipxaruw chiq arsuñamatak maysma. Sapxita: ¿Jumax Diosan Yuqapa Cristötati? —sasa.

Rut 1:17

Nayasti kawkhantix jumax jiwkäta ukkhan jiwä, uka chiqanarak p'amp'achatäñ munta. ¡Dios Tatitusti taqi ch'amapamp mutuyitpan, nayatix jumar jaytanuküma ukaxa. Jiwañakiw jumampiru, nayampirux jaljtayistani!”

1 Samuel 14:44

Saúl reyix jach'at arsüna: —¡Jonatán, janitix jumax jiwkäta ukkhaxa, Tatitux taqi ch'amapampi nayar jiwayitpan! —sasa.

1 Samuel 20:13

Ukampisa, awkixatix jumar jan wal lurañ amtanixa, ukat janirak juman jaltxañamatak yatiykäma ukkhaxa, Tatitux nayar mutuyitpan. ¡Tatituy jumarux yanappan kunjämtix awkixar yanapkän ukhama!

1 Samuel 25:22

Ukhamasti Davidax mä juramento luräna: “Tatitux nayarux mutuyitpan janitix qharürkam jupan wila masinakapat taqi chachanakar jiwaraykä ukkhaxa” sasa.

1 Samuel 3:16

ukampis Elí sacerdotex jawsasin säna: —¡Samuel, wawaxa! —sasa. —Akankasktwa —sasaw Samuelux säna.