1 Samuel 29:6 - Qullan Arunaka DC

⁶ Ukapachaw Aquís reyix Davidar jawsayäna, ukatsti sänwa: —¡Chiqpachansa, Tatitux jakaskiwa, jumasti chiqa jaqipunïtawa! Campamenton sarnaqatamasti chuymaxar purt'kiriwa. Jumax nayar uñjiri jutkta ukkhat jichhürkamax janiw kuna jan wali luratamsa jikxatkti. Ukampis filisteonakan jilïrinakapax janiw jumaru uñjañ munapktamti,

Aymar Bibliia 1986

⁶ Uqhamasti Aquis reyejj Davidaruw jawsayäna, ucatsti saraquïnwa: —¡Chekpachansa, Tatitojj jacasquiwa, jumasti cheka jakepunïtawa! Aca campamenton sarnakatamasti chuymajjar purquiriwa. Cuna urutejj nayan jac'ajjaru jutcta ucat jichhürcamajj janiraquiw cuna jan walsa jumanjja jicjjatcti. Ucampisa filisteonacan jilïrinacapajja janiw jumaru uñjañ munapctamti.

Qullan Arunaca

⁶ Uqhamasti Aquis reyejj Davidaruw jawsayäna, ucatsti saraquïnwa: —¡Chekpachansa, Tatitojj jacasquiwa, jumasti cheka jakepunïtawa! Aca campamenton sarnakatamasti chuymajjar purquiriwa. Cuna urutejj nayan jac'ajjaru jutcta ucat jichhürcamajj janiraquiw cuna jan walsa jumanjja jicjjatcti. Ucampisa filisteonacan jilïrinacapajja janiw jumaru uñjañ munapctamti.

1 Samuel 29:6 Jak'a apnaqawi uñst'ayäwi

Génesis 16:6

Abramasti warmiparux sarakïnwa: —Akaxay uywatamax amparamankiwa, kuntix munta uk jupampix luraskakim —sasa. Sarai warmisti uywataparux sinti jan walpun uñjxäna, ukat Agar warmix sarxäna.

2 Samuel 3:25

¿Janit yatktasti, Abner jaqix jumar sallqjiri, jumar uñaqiriki, ukatsti taqi kuntix juma reyix lurkta uk yatxatirik jutatapsti? —sasa.

2 Reyes 19:27

Nayaw qunt'asitamsa, mistutamsa, mantatamsa sum yatta; nayatak q'apisitam yatiraktwa.

Salmos 121:8

Tatituw mistutamsa, mantatamsa uñjaskani, jichhürut wiñaykama.

Isaías 37:28

Nayax taqi sarnaqatamxa, taqi luräwinakamsa yattwa; nayatak wal phiñasitamsa yatiraktwa.

Isaías 65:16

Khititix aka markan askinak katuqañ munanixa, chiqa aski Tatituruw mayini; aka markan mä juramento luriristi, chiqa aski Diosan sutipxaruw lurani. Nayra t'aqhisïwinakasti armatäxiwa, nayraqataxatsa chhaqtxarakiwa.

Jeremías 12:16

Jupanakaw markaxarux Baal diosatak juramento lurañsa yatichapxäna, ukampis jichhax markax taypin utjnuqapxaspawa, ukampis jupanakax nayan yatichäwinakaxaruw jaysapxañapa, ukatsti nayan sutixar juramento lurañ yatiqapxañaparaki: ‘Tatitux jakaskiwa’ sasa.

Mateo 5:16

Uka pachpay jumanakan qhanamax jaqinak nayraqatan qhantpan, ukhamat aski luräwinakam uñjasin Dios Awkimar taqpachan yupaychañapataki.

Deuteronomio 10:20

“Tatit Diosamar jach'añchapxam, jupa saparuk yupaychapxarakim; jupar jaysirïpxam, juramento lurapkäta ukkhasti Diosan sutipxar lurapxam.

Josué 22:30

Kunapachatix Finees sacerdotempi, uka tunka jilïr jaqinakampix uk qhanañchir ist'apkäna ukkhaxa, “walikiw” sapxänwa.

1 Pedro 2:12

Diosar jan uñt'ir jaqinak taypin sum sarnaqapxam. Jichhas jupanakaxa, jumanakat jan wal parlapkchi ukasa, jumanakan aski luratanakam uñjasasti, Diosaruw jach'achapxani kunürutix jupax luräwinak wayt'ir jutkani ukkha.

1 Pedro 3:16

suma chuymamp parlxt'ayapxarakim. Cristor arkirinakjamax sum sarnaqapxam, ukhamat jan kunatsa juchanchatäpxañamataki. Jumanakan askinak luratanakamat jan wali parlirinakax jupanakpachaw p'inqasipxani.

1 Samuel 20:3

Ukampisa Davidax saskakïnwa: —Awkimax askiw yati jumax nayar munatamxa, juman jan llakisiskañamatakisti janiw yatiñam munkaniti. ¡Ukampis nayax Tatitun sutipxaru, ukhamarak juman sutimxarus juramentompiw arsuraksma, jiwañaxas niyaw jak'anki! —sasa.

1 Samuel 28:10

Ukampis Saúl reyix Tatitun sutipxar juramentompi arsusin juparux säna: —Uk luratamat janiw kuna mutuyäwis jumxarux jutkaniti —sasa.

1 Samuel 29:3

Ukatsti filisteonakan jilïrinakapax Aquís reyiruw jiskt'apxäna: —¿Kunsa aka hebreo jaqinakax akan lurapxi? —sasa. Aquís reyisti sarakïnwa: —Jupax Davidawa, Israel markan Saúl reyin jilïr yanapiripänwa. Jupasti niya mä qawqha maranakaw nayampi chikaraki, ukatsti kunüruttix nayampïki ukkhat jichhakamax janiw kuna jan walsa jupan jikxatkti —sasa.

1 Samuel 29:7

ukhamax jichhax sumak kutt'awayxam, jupanakan jan mayjt'asipxañapatakisti janirak kuna jan walsa luramti —sasa.

1 Samuel 5:8

Ukatsti, filisteonakan taqi jilïrinakaparuw jawsthapiyapxäna, jupanakarusti jiskt'apxarakïnwa: —¿Kuns Israel markan Diosapan arcapampix lurañäni? —sasa. Uka jilïrinakasti sapxänwa: —Gat markar apapxam —sasa. Filisteonakasti uka markaruw arust'äwi arcxa apxapxäna.