1 Samuel 27:8 - Qullan Arunaka DC

⁸ Davidampi jaqinakapampisti, Guesur, Guézer, Amalec uka markanakan jakirinakar lunthatjiriw sarapxäna. Telaím siski ukkhat qalltasina, Sur sat wasar tuqir sarañana, Egipto markakama.

Aymar Bibliia 1986

⁸ Davidampi jakenacapampisti mistsupjjänwa, Gesur, Gezer, Amalec uca marcanacaru saqueyjañataqui. Uca marcanquirinacasti Talaim sisqui uca chekata, Shur tokeru sarañana, Egiptompi korpasqui, ucsa tokenwa jacapjjaraquïna.

Qullan Arunaca

⁸ Davidampi jakenacapampisti mistsupjjänwa, Gesur, Gezer, Amalec uca marcanacaru saqueyjañataqui. Uca marcanquirinacasti Talaim sisqui uca chekata, Shur tokeru sarañana, Egiptompi korpasqui, ucsa tokenwa jacapjjaraquïna.

1 Samuel 27:8 Jak'a apnaqawi uñst'ayäwi

2 Samuel 14:23

Ukatsti ukspachaw Joab chachax Guesur markar saräna, ukatsti Absalonampiw Jerusalén markar kuttanxäna.

2 Samuel 14:32

Absalonasti ukxaruw säna: —Nayax reyin ukar nayatak sart'añamatakiw jawsaysma, ukatsti jupar sañamataki: “¿Kunatakirak Guesur markat jutataxasti walisti? Ukankañaxax walikiskasapänwa; nayax reyiruw uñjañ munta; kuna juchaxas utjchi ukasti, jiwayapxitpan” —sasa.

2 Samuel 15:8

Kunapachatix nayax Guesur markana, Siria uraqin jakkäyäta ukapachaw Tatitur akham arsüyäta: “Tatitutix Jerusalén markar kuttayxitani ukapachaxa, nayax Hebronaruw sarä jupar yupaychañataki” sasa. Reyisti sänwa:

2 Samuel 3:22

Joab chachampi, Davidan soldadonakapampix mä nuwasïwit purisinipkäna, uñisirinakapat aparanipkatayna uka walja yänakas apt'ata. Abnerax janiw Davidamp chika Hebronan jikxataskxänti, jan ukasti Davidan khithanukutax k'uchikiw jupax sarxatayna.

2 Samuel 3:3

payïr wawapasti Quilab sutinïnwa, Carmel chiqan utjasir Nabal chachan ijmapäkän uka Abigail warmin wawaparakïnwa; kimsïri wawapasti Absalón satänwa, Maacá warmin wawapänwa, uka warmisti Guesur markan reyipa Talmai sat jaqin phuchhapänwa;

2 Samuel 8:12

Edom, Moab, Amón, Filistea, Amalec, Sobá markanakata, ukhamaraki kuntix Sobá markan reyiparu, Rehob reyin Hadad-ézer yuqapar apaqankatayna ukanakamppachata.

1 Crónicas 2:23

Ukampis Guesur, Aram jaqinakax Jaír chachan campamentonakap katuntasipxäna, Quenat jaqinkir jisk'a markanakapamppacha; taqpachax suxta tunka markanakänwa. Jupanakaw Maquir chachat saraqir wawanakapaxa, jupax Galaad chachan awkipawa.

Éxodo 15:22

Moisesax israelitanakar Mar Rojo qutat Sur sat wasararuw irpxäna, jupanakasti kimsa uruw wasaranjam sarapxäna, janiw uma jikxatapkänti.

Éxodo 17:8

Amalecita jaqinakax Refidim sat chiqaruw israelitanakamp nuwasir jutantapxäna.

Números 13:29

Négueb wasar tuqinxa amalecita jaqinakaw jakapxi, qullu tuqinakansti hitita jaqinaka, jebuseo jaqinaka, amorreo jaqinakaw jakapxi, ukatsti quta irananakana, Jordán jawir jak'anxa, cananeo jaqinakaw jakapxaraki —sasa.

Números 14:45

Ukapachaw uka chiqan jakir amalecita jaqinakampi, cananeo jaqinakampix mistunipxäna, israelitanakar Hormá sat chiqakam arktanisa, jupanakar q'al atipjañkama.

Josué 12:5

Jupan marka apnaqañapax Hermón qulluta, Salcá, Basán chiqat qalltasax Guesur, Maacá sat qurpakama, Galaad sata uka chika uraqkamänwa, ukasti Hesbón marka apnaqir Sihón reyinkänwa.

Josué 13:13

Guesur, Maacá sat markankirinakax janiw ukawjat jaqunukutäpkänti, jan ukasti israelitanak taypin jakasipkakïnwa, kunjämtix jichhürkam jakasipki ukhama.

Josué 13:2

Filisteonakana, guesureonakan uraqinakapax ukhampachäskiwa,

Josué 16:10

Ukampis Efraín ayllunkirinakax janiw kawkïr cananeo jaqinakatix Guézer uraqin jakapkän uka jaqinakarux uka chiqat jaqunukupkänti, jan ukasti jupanak taypin jakayapxäna, qullqinak churañapatak wayt'apkchïna ukasa. Jichhürkamaw cananeo jaqinakax ukan jakasipki.

Jueces 1:29

Efraín ayllunkirinakasti janirakikiw Guézer markan jakiri cananeo jaqinakar alisnukuñatakix ch'amanïpkänti, ukhamasti cananeonakax jupanak taypin jakasipkakïna.

1 Samuel 29:6

Ukapachaw Aquís reyix Davidar jawsayäna, ukatsti sänwa: —¡Chiqpachansa, Tatitux jakaskiwa, jumasti chiqa jaqipunïtawa! Campamenton sarnaqatamasti chuymaxar purt'kiriwa. Jumax nayar uñjiri jutkta ukkhat jichhürkamax janiw kuna jan wali luratamsa jikxatkti. Ukampis filisteonakan jilïrinakapax janiw jumaru uñjañ munapktamti,

1 Samuel 30:1

Kimsüru saraqatarusti, Davidampi jaqinakapampix Siclag markaruw puripxäna, ukansti amalecita jaqinakan Néguev sat uraqir mantantapxatapa, Siclag markar t'unjapxatapa, ninampi phichhantapxatap jikxatapxäna.