1 Samuel 26:15 - Qullan Arunaka DC

¹⁵ Davidasti sarakïnwa: —¿Janit jumasti Israelan mayni soldadonakapat sipan juk'amp jach'äktasti? ¿Kunatarak juman reyimarusti jan sum uñjtasti? Mayni markachiriw reyir jiwayir mantani.

Aymar Bibliia 1986

¹⁵ Davidasti saraquïnwa: —Janiw jumjamajj qhitis Israel marcanjja utjquiti. ¿Jumasti cunataraqui reyimarusti jan sum uñjtasti? Mayniw jumanac taypirojj mantanïna jiwayañ amtäwimpi.

Qullan Arunaca

¹⁵ Davidasti saraquïnwa: —Janiw jumjamajj qhitis Israel marcanjja utjquiti. ¿Jumasti cunataraqui reyimarusti jan sum uñjtasti? Mayniw jumanac taypirojj mantanïna jiwayañ amtäwimpi.

1 Samuel 26:15 Jak'a apnaqawi uñst'ayäwi

2 Samuel 3:38

Reyisti yanapirinakaparux sarakïnwa: —¿Amuyapxtati? Jichhürux Israel markan mä jach'a jilïri, aytat jaqiw jiwi.

Daniel (hebreo) 4:19

19 (16) “ ‘Danielasti, khitirutix Beltsasar sas sutichapkarakïna ukax musphataw uñjasïna, kuna lup'ïwinakatix p'iqipar jutkäna ukampi wali mayjt'ataw uñjasirakïna. Ukampis naya, reyix jupar saraktwa: ‘Beltsasar, jan jumax samkaxat llakisimti, janirak qhanañchäwipatsa llakisimti’ sasa. Beltsasarasti ukxarux sarakituwa: ‘¡Munañan rey, kuntix uka samkax sañ munki ukanakax uñisirinakamxar wakt'pan!

Mateo 26:40

Ukatsti Jesusax yatiqirinakapan ukaruw kutt'anïna, jupanakarusti ikiskir jikxatäna, ukat Pedrorux säna: —¿Janit jumanakasti mä juk'a pachakis nayamp chika uñnaqapkasmasti?

1 Samuel 26:14

Ukatsti Davidax Abnerampiru, soldadonakapampirux jach'at art'anïna: —¡Abner, ist'itaya! —sasa. Abnerasti sänwa: —¿Khitïtas jumax reyir ukham arnaqañatakixa? —sasa.

1 Samuel 26:16

Juman luratamax janiw walïkiti. Nayasti Tatitun sutipxaruw juramentompi arsta, jumanakax Tatitun chhijllat reyiru jan suma uñjapxatam laykux jiwarayatäpxañamaw wakisi. ¡Jichhax reyin ch'ijmapänkkän uka lanzampi, uma wakullapampi thaqtam, inach jikxatäta! —sasa.