1 Samuel 26:10 - Qullan Arunaka DC

¹⁰ Nayax Tatitun sutipxaruw juramentompi arsta, pachpa Tatituw jakañap apaqani, jiwañapäki ukkhasa, jan ukax nuwasïwin jiwañapäki ukkhasa.

Aymar Bibliia 1986

¹⁰ Nayajj juramentompiw arsta. Pachpa Tatituquiw juparojj jacañapjja apakjjani, jiwañapajj purinjjani ucapacha, jan ucajj cunapachatejj guerran nuwasïwiru mantani ucapachasa.

Qullan Arunaca

¹⁰ Nayajj juramentompiw arsta. Pachpa Tatituquiw juparojj jacañapjja apakjjani, jiwañapajj purinjjani ucapacha, jan ucajj cunapachatejj guerran nuwasïwiru mantani ucapachasa.

1 Samuel 26:10 Jak'a apnaqawi uñst'ayäwi

Génesis 47:29

Mä urusti Jacobux jiwirjamäxänwa, ukat José yuqapar jawsayasin jupar säna: —Chiqpachapuni munaschista ukaxa, amparam lankhu charax manqhar ucham, ukatsti kuntix maykäma uk phuqhañatak juramento lurarapita. ¡Janipuniw Egipto uraqir imayitätati!

Job 14:14

¿Mä jaqisti jiwxasin wasitat jaktanxaspati? Nayasti qawqhaya wakischispa ukkhakamaw suyt'irista, t'aqhisiñanakaxan tukusiñap puriniñapkama.

Job 14:5

Jumaw jaqirux qawqha pacha jakañapatakis arstaxa, uka arsutamarusti janiw jilakipaykaspati,

Job 7:1

Jaqin jakañapax aka uraqin, luräwip phuqhir soldadon jakañapar uñtatawa,

Salmos 37:10

Mä juk'a urunakatsti ñanqha lurir jaqinakax janiw utjkxaniti; jupanakar thaqkätasa, janiw jikxatkätati.

Salmos 37:13

Tatitusti uka ñanqha jaqit larusiwa, tukusiñ urus jupatakix purinxarakiwa.

Salmos 94:23

Tatituw ñanqha luratanakapat mutuyani, pachpa ñanqha luräwinakap laykuw t'unjatäpxani, ¡Diosasaw jupanakarux tukusiyani!

Eclesiastés 3:2

Yuriñ pacha, jiwxañ pacha. Ayrunak ayruñ pacha, ayrutanak jik'thapiñ pacha.

Lucas 18:7

Diosasti ¿janit arxatkarakispasti jupar uruy aruma arnaqasipki uka ajllitanakaparusti? ¿Janit jank'ak yanapt'kaspasti?

Romanos 12:19

Munat jilatanaka, jumanak purax jan ukhamat ukham lurjasipxamti, jan ukasti Diosar jaytapxam, jupaw mutuyaskani. Qillqatax siwa: “Nayaruw chiqapar uñjañax wakt'itu; nayaw mutuyaskä, siw Tatituxa” sasa.

Deuteronomio 31:14

Tatitux uka qhipat Moisesarux säna: “Niyaw jumatak jiwañam urux jak'achasisinki; ukhamasti Josué chachar jawsam, ukatsti Jikisiñ Carpar panin jutapxam, ukan nayax kuntix lurapxañamäki ukanak sapxäma” sasa. Moisesampi Josué chachampisti Jikisiñ Carparuw sarapxäna,

Deuteronomio 32:35

phuqsusiñ urux purinkani ukkhataki, aynacht'añapax purinkani ukkhataki. ¡Niyaw jak'ankxi jupanakar t'unjañ uruxa, niyaw jak'ankxi mutuyäwipaxa!’ sasa.

Hebreos 10:30

Tatitun arsutap niy yatiraktanwa: “Nayaruw chiqapar uñjañax wakt'itu; nayaw jupanakar kutt'ayaskä.” Ukat sarakiwa: “Tatituw markapar taripaskani” sasa.

Hebreos 9:27

Taqi jiwasanakax mä kutikiw jiwañäni, uka qhipatsti taripäwi uruw jutani.

Apocalipsis 18:8

Uka arsutap laykuw jupatak t'aqhisiñax mä urunak purinini: jiwañampi, t'aqhisiñampi, manq'at awtjayasiñampi, ninar nakhantayataw uñjasirakini; taqi ch'aman Tatitu Diosaw jupar mutuyañ amti” sasa.

1 Samuel 24:12

12 (13) ¡Jichhasti Tatituy jiwasa paninirux taripistpan, jiwasan jan wali luratanakas uñjarakpan! Ukampisa nayax janipuniw juma reyitakix amparax aytkäti.

1 Samuel 24:15

15 (16) Uka layku, Tatitukiy jiwas paninirux taripistpan; ¡juparaki nayarus uñjitpan, ukhamarak juma reyitsa arxatitpan!” —sasa.

1 Samuel 25:26

Chiqpachansa Tatituw jan munkiti juman jan juchan jaqinakar jiwarayir jutañamxa, ukhamata chiqa kankañ pachpa amparamampi uñacht'ayañamataki. ¡Tatitux munpan taqi uñisirinakamasa, ukhamarak ñanqha lurañ amtapktam ukanakasa, Nabalan puriñaparu puripxañapa!

1 Samuel 25:38

Tunka uru qhipatsti, Tatitux Nabal jaqirux wasitat mutuyäna, ukat Nabal jaqix jiwxäna.

1 Samuel 25:39

Davidax Nabal jaqin jiwxatapa yatisinsti sänwa: —¡Tatitux qullanäpan. Nabal jaqin nayar jan wali luratapat jupaw phuqsusirapitu! ¡Jan wali lurañat qhispiyitu, Nabal jaqin juchapsti jupa pachparuw kutxatayi! —sasa. Ukatsti Davidax Abigail warmin ukaruw khithäna jupampi jaqichasiñatak parlanipxañapataki.

1 Samuel 31:4

Ukat Saúl reyix yanapiripar säna: —Espadam apsusim ukatsti jiwayxita, janiw Diosar jan uñt'ir jaqinakan nayar jiwayañap munkti, janirakiw nayat larusiñapsa munkti —sasa. Yanapiripasti jupar axsarasax janiw ukham lurañ munkänti. Ukat Saúl reyix jupapachaw espadap katusin uka patxar liwxattäna.

1 Samuel 31:6

Ukhamaw uka urux Saúl reyix kimsa yuqanakapampi, yanapiripampi, taqi khitinakatix jupampïpkän ukanakampix jiwarapxäna.