1 Samuel 25:8 - Qullan Arunaka DC

⁸ Ukanakatsti uywatanakamaruw jiskt'asma, jupanakaw uk qhanañchapxiristam. Jichhasti, jumax aka waynanakaru sum uñjañamatakiw achikt'assma, ukatsti jupanakarusa, nayarusa, kunatix utjktam ukanak churapxita, nayax juman wawamjamarakïtwa” sasa.

Aymar Bibliia 1986

⁸ Ucanacsti jisct'araquismawa uywatanacamaru, jupanacasti take ucanacwa khanañchapjjaraquïtam. Ucatwa jichhajj achict'assma jumajj sumaqui uñjañamataqui uca waynanacaru. Asqui horasan jupanacajj purinipjje. Ucatsti churapjjaraquita, jupanacarusa, nayarusa, cunatejj utjctam ucanaca, nayasti juman wawamjamaraquïtwa” sasa.

Qullan Arunaca

⁸ Ucanacsti jisct'araquismawa uywatanacamaru, jupanacasti take ucanacwa khanañchapjjaraquïtam. Ucatwa jichhajj achict'assma jumajj sumaqui uñjañamataqui uca waynanacaru. Asqui horasan jupanacajj purinipjje. Ucatsti churapjjaraquita, jupanacarusa, nayarusa, cunatejj utjctam ucanaca, nayasti juman wawamjamaraquïtwa” sasa.

1 Samuel 25:8 Jak'a apnaqawi uñst'ayäwi

Ester (hebreo) 9:19

Ukat suyunakan utjir judionakax uruyañ uru ajllisipxäna, Adar phaxsita tunka pusin uru saraqataru, jupanakasti maynit maynikamaw ukürux churäwinak churasipxarakïna.

Ester (hebreo) 9:22

kunjämtix uka phaxsina, uka urunakan judionakax uñisirinakapat qhispiyat uñjasipkatayna ukanak amtañataki; ukhamaraki, kunjämatix llakisiñampi, t'aqhisiñat ayquñampixa, kusisiñaru, phunchhäwi lurañanakar kipstkatayna uk amtañatakiraki. Ukat uka urunakax kusisisa, jach'a manq'äwinakampi amtatäñapataki, ukatsti maynit maynikam waxt'anak churasisa, jan kunan jaqinakarus khuyapt'ayasaraki.

Eclesiastés 11:2

Qawqhatix utjktam ukanak mayninakamp jaljasim, ukampis jumax janiw yatktati, markarux kuna jan walitix jutkani uka.

Lucas 11:41

Jumanakax chuymanakamatay churäwinakam luqtapxamxa, ukhamat taqpachax q'umäxani.

1 Samuel 24:11

11 (12) “¡Jach'a munañan rey, kunatix amparaxankki uk uñjam! Naya pachpaw isimat mä jisk'a khuchhuqta. Ukampix jumax munañan rey amuyxasmaw janiw nayax jiwayañ munksmati, janirakiw juma reyirux kuna jan walsa lurksmati. Ukampis jumax, jiwayañatakiw nayar arknaqista.

1 Samuel 25:9

Davidan uywatanakapax Nabal jaqiruw uka arunak yatiyapxäna, ukatsti kuntix Nabal jaqix sañapäkän uk yatiñkamaw qhiparapxäna.

1 Samuel 3:6

Ukampis Tatitux wasitat jawsäna: —¡Samuel! —sasa. Samuelusti sarthapisin wasitat Elí sacerdoten ukar saräna, sarakïnwa: —Akäsktwa. ¿Kunatakis jawsista? —sasa. Elí sacerdotex sarakïnwa. —Janiw nayax jawsksmati wawa, ikinxam —sasa.