1 Samuel 25:21 - Qullan Arunaka DC

²¹ Davidasti amuyupan sänwa: “Inamayaw wasaran Nabal jaqin yänakap jan chhaqhañapatakix arxatta. Jichhasti ukham lurataxat jan walimpiw kutt'ayitu” sasa.

Aymar Bibliia 1986

²¹ Davidasti chuymapanjja amuyaraquïnwa, inamaya Nabal jakerojj wasarana arjjatatapa, take cunatejj jupan utjcän ucanacsa, uqhamarac jan jupatjja cunsa apakatapa, jupasti asqui luratajj jan walimpiquiraqui cutt'ayjjatapata.

Qullan Arunaca

²¹ Davidasti chuymapanjja amuyaraquïnwa, inamaya Nabal jakerojj wasarana arjjatatapa, take cunatejj jupan utjcän ucanacsa, uqhamarac jan jupatjja cunsa apakatapa, jupasti asqui luratajj jan walimpiquiraqui cutt'ayjjatapata.

1 Samuel 25:21 Jak'a apnaqawi uñst'ayäwi

Génesis 44:4

Jupanakasti janïraw markat jayankapkänti, ukapachaw Joseax utap apnaqir jilïrir säna: —Uka jaqinakar arktam, ukatsti jikxatasin sarakim: “¿Kuns ak lurapxista? ¿Kunatsa uywirixan qullqi qirup lunthatsunipxta?

Job 30:8

Jan kunatak aski jaqinakäpxänwa, pachpa uraqipat jaqunukut jaqinakänwa.

Salmos 35:12

Aski lurataxatxa, jan walimpiw kutiyapxitu, ukhamätanakapax walpun llakisiyitu;

Salmos 37:8

Q'apisiñ apanukum, chuym ch'amakt'ayasiñ jaytanukum, ukham lurasax jan walirupuniw purisma.

Salmos 38:20

20 (21) Aski luratat jan walimpiw kutiyapxitu; aski lurañ munataxat nayatakiw thuqtasipxi.

Proverbios 17:13

Aski luratat ñanqhampi phuqhir jaqin utapatxa, janipuniw jan walinakax saraqtkaniti.

Jeremías 18:20

¿Mä aski luräwix ñanqhampit kuttayataxa? ¡Jupanakax sepultura nayatakix allsupxi! Amtasim nayan jumampi parlir jutataxa, jupanakatak jumar mayitaxsa, phiñasiñam jupanakat apaqxañamatak mayisitaxsa.

Romanos 12:21

Janiy ñanqhampix atipjayasimti, jan ukasti, askimpiy ñanqharux atipjam.

Efesios 4:26

Phiñasisinxa, jan juchachasipxamti; uka phiñasiñax jan jayp'ukamäpanti.

Efesios 4:31

Jumanak taypitsti apanukupxam: k'allk'usiñanaka, jan wali munañanaka, thithiñanaka, arnaqjasiñanaka, tuqisiñanaka, kunayman ñanqha lurañanaka.

1 Tesalonicenses 5:15

Amuyasipxam, jan khitis ñanqhat ñanqha kutt'aypati. Jan ukasti, aski lurañatakipun ch'amt'apxam, jumanak taypinsa, taqinimpisa.

1 Pedro 3:17

Diosatix ukham munchixa, ñanqha luräwinakat t'aqhisiñat sipansa, aski lurasin t'aqhisiñaw juk'amp sumaxa.

1 Pedro 3:9

Ñanqhat ñanqha jan kutt'ayapxamti, jan wali arutsa jan pachpa arump kutt'ayapxamti. Jan ukasti, jupanakar aski waxt'äwinak churañapatak Tatitur mayipxam, jupasti jumanakarux uka waxt'äwinak katuqapxañamatakiw ajllisipxtam.

1 Samuel 25:13

Ukatsti Davidax jaqinakaparux sänwa: —¡Taqini nuwasiñ yänakam wakicht'asipxam! —sasa. Jaqinakapasti Davidjamarakiw espadanakap wak'anakapar uchasipxäna; ukatsti pusi patak jaqinakaw jupamp chika sarapxäna, ukchañkamasti pä patak jaqinakax kunanakatix utjkäna ukanak uñjiriw qhiparapxäna.

1 Samuel 25:15

Uka jaqinakasti nanakampix sumakiw sarnaqapxäna. Uka urunakan jupanakampi pampan sarnaqkasinxa, janipuniw kuna ñanqhsa lurapkitänti, janirakiw kunsa apaqapkitänti.

1 Samuel 25:20

mä asnor qunxatasin jamasanjam uka qullut saraqanïna. Ukatsti akatjamat Davidampiru, jaqinakapampir jutaskir uñjäna, ukatsti jupanakar katuqiriw saräna.

1 Samuel 25:7

Ovejanakamat t'arwa yawiskatam yatta. Ukhamarakiw jumax Carmel chiqana awatirinakaman nanakampïskatap yatpachäta. Jupanakan nanakampi chikäñapkamax janipuniw kuna jan walis luratäpkänti, janirakiw kunas apaqatäpkänti.