1 Samuel 25:18 - Qullan Arunaka DC

¹⁸ Ukatsti jank'akiw Abigail warmix apxarüna: pä patak t'ant'a, pä lip'ichi wayaqa vinompi, phisqa oveja kankatampi, pusi tunka kilo grano jamp'itampi, waña uvat lurat patak tortampi, waña higot lurat pä pataka tortampi; ukanaksti asnonakaruw khumxatawayi,

Aymar Bibliia 1986

¹⁸ Ucatsti Abigail warmejj janc'aquiw pä pataca t'ant'a catüna, pä lip'ichi wayaka vinompi, pheska oveja cancatampi, pusi tunca kilo grano jamp'itampi, pataca uva pasasampi torta luratampi, higo pasasampi torta luratasti pä patacaraqui; ucatsti take ucanacjja janc'aquiw asnonacaru qhumjjatawayi.

Qullan Arunaca

¹⁸ Ucatsti Abigail warmejj janc'aquiw pä pataca t'ant'a catüna, pä lip'ichi wayaka vinompi, pheska oveja cancatampi, pusi tunca kilo grano jamp'itampi, pataca uva pasasampi torta luratampi, higo pasasampi torta luratasti pä patacaraqui; ucatsti take ucanacjja janc'aquiw asnonacaru qhumjjatawayi.

1 Samuel 25:18 Jak'a apnaqawi uñst'ayäwi

2 Samuel 16:1

Davidax ukkhakiw uka qullut mä juk'amp sartaskäna, ukapachaw Mefi-bóset jaqin uywatapa, Sibá sat jaqix jupar jikxatäna, pä asno ant'ata, uka asnonakasti pä patak t'ant'ampi, waña uvanakat lurat patak tortampi, patak muxsa achunakampi, vino lip'ichi wayaqampi khumxatatänwa.

1 Crónicas 12:40

40 (41) Ukhamarak jak'ankir masinakapasa, Isacar, Zabulón, Neftalí jupanakas asnonakata, camellonakata, mulanakata, urqu vacanakat manq'anak apapxäna. Kunayman manq'añanak apapxäna: jak'u, higot lurat t'ant'anaka, wañachat k'isanaka, vino, aceite, urqu vacanaka, ovejanaka; taqi kunas jilarkirïnwa, Israel markansti wali kusisiñaw utjäna.

Proverbios 18:16

Mä suma churäwimpix kawkhakamas mantañakiwa, wali aytat jaqin nayraqatapkamaw puriyi.

Proverbios 21:14

Q'apisit jaqir mä suma churäwi waxt'añaxa, q'apisiñapsa sumaptayiwa.

Proverbios 31:12

Jupasti chachaparux suma askinak lurasaw sarnaqäwipan yanapi.

Mateo 5:25

“Maynitix ‘jan wal lurista’ sas tumpantätam ukaxa, jumasti janïr kunäkipan jupamp sumar mantxam, ukhamat taripirin ukar jan apatäñamataki; jan ukhamäkan ukasti, taripirix katuntirinakar katuyasin carcelt'ayätam.

1 Samuel 17:17

Ukat mä urux Jesé chachax David wawapar säna: —Aka pä tunka kilo trigo jamp'impi, tunka t'ant'ampi jilanakamatak apxart'awayam.

1 Samuel 25:17

Ukampis juman chachamax wali qhurupuniwa, janiw parlxayañjamäkisa, jichhax jumax kunatix lurañamäki ukanakat amuyt'am, chiqpachansa jupatakisa, masinakapatakis jan walt'añaw jutani —sasa.

1 Samuel 25:34

Nayarusti Israelan Tatitu Diosapaw jumar jan wali lurañat jark'itu. Janitix jumax jank'ak nayamp jikisir jutkasamäna ukkhaxa, qharürux Nabalan wila masipatxa janiw mä chachas jakkasapänti —sasa.