1 Samuel 25:1 - Qullan Arunaka DC

¹ Samuel profetasti jiwxänwa, Israelita jaqinakax taqin tantacht'asisaw jiwxatapat jachapxäna. Ukatsti Ramá chiqankir utaparuw imt'xapxäna. Uka qhipatsti Davidax Parán sata wasararuw sarxäna.

Aymar Bibliia 1986

¹ Samuelosti jiwjjänwa. Take israelita jakenacaw tantacht'asisina jachapjjäna jiwatapata. Ucatsti Ramá cheka utaparuw imjjapjjaraquïna. Uca khepatsti Davidajj Parán sata wasararuw sarjjaraquïna.

Qullan Arunaca

¹ Samuelosti jiwjjänwa. Take israelita jakenacaw tantacht'asisina jachapjjäna jiwatapata. Ucatsti Ramá cheka utaparuw imjjapjjaraquïna. Uca khepatsti Davidajj Parán sata wasararuw sarjjaraquïna.

1 Samuel 25:1 Jak'a apnaqawi uñst'ayäwi

Génesis 14:6

Seír qullunak tuqinsti horeonakaruw atipjapxäna, ukatsti El-parán uraqkamaw arktapxäna, ukasti wasara tuqinkiwa.

Génesis 23:2

jupasti Quiriat-arbá sat chiqan jiwxäna, Hebrón markana, Canaán uraqina. Abrahamasti warmipan jiwatap amtasax wal jachäna.

Génesis 50:11

Uksa tuqin jakir cananeo jaqinakasti ukham jachir uñjasax sapxänwa: “Egiptonkirinakax wali sum mä amay imt'asiñ yatipxatayna” sasa. Ukat uka chiqarux “egipcionakan jachañ pampa” sas sutichapxäna.

1 Reyes 2:34

Benaías chachasti sarasin Joab chacharux jiwayanïna. Ukatsti Joab chachax wasaran utjir utapan imt'atäxänwa.

2 Reyes 21:18

Manasés reyix jiwxäna ukkhasti, juparux reyi utapan utjir Uzá sata panqar uyun imt'xapxäna. Uka qhipatsti Amón sat yuqapaw jupa lantix marka apnaqxäna.

2 Crónicas 33:20

Jupax jiwxäna ukkhasti, reyi utapan panqar uyuparuw imt'xapxäna. Ukatsti jupa lantix Amón yuqapaw marka apnaqxäna.

Salmos 120:5

¡Nayax kunakïktxa, Mésec chiqan jaya jaqjam apanukutätwa, Quedar chiqan chhujllan jakarakta!

Isaías 14:18

Kunapachatix markanakan reyinakapax jiwxapxi ukkhaxa, suma amay imañanakar imt'atäxapxiwa;

Zacarías 1:5

Jichhasti, nayan arunakax parliri nayra profetanakax jiwaratäxapxiwa, jumanakan nayra awkinakamas jiwaratäxarakiwa.

Números 10:12

Ukürusti, israelitanakax kunjämtix Tatitux jupanakar Moisés tuqi arsuwaykatayna ukhamarjamaw sartasin uka qinayar arkapxäna, Sinaí wasarata, Parán wasarkama.

Números 12:16

Mariax jupanakamp chikäxän ukapachaw, Haserot chiqat sartawayapxäna, ukatsti Parán wasarar puriñkamax janiw sayt'apkänti.

Números 13:26

Parán wasaran Cadés sat chiqaruw kuttanxapxäna. Ukan Moisesampi, Aaronampi, taqpach israelitanakampix jikxatasipxäna. Ukatsti kuntix yatxatanipkatayna taqi ukanak jupanakar yatiyapxäna, uka uraqit apanipkatayna uka achunaksa uñacht'ayapxarakïnwa.

Números 13:3

Moisesasti Tatitun arsutaparjamaw Parán wasarat jupanakar khithäna. Uka jaqinakasti israelitanak taypin jilïr chachanakkamakïnwa.

Números 20:29

Israelitanakasti Aaronan jiwatap yatisinxa, kimsa tunka uruw jupat jachapxäna.

Hechos 8:2

Estebanarusti Dios chuyma jaqinakaw imt'xapxäna, jupat wal jachapxarakïna.

Deuteronomio 34:8

Israelitanakax Moab wasaran kimsa tunka uruw Moisesat jachapxäna, ukhamat jiwatapat jachaña, llakisiñ urunak phuqhasa.

1 Samuel 1:19

Qhipürusti, Elcaná chachampi, wila masinakapampix willjtat sartasipxäna, Tatitur yupaychasinsti, Ramá sat chiqankki uka utaparuw kuttanxapxäna. Uka qhipatsti Elcaná chachax Ana warmipampiw mayachasïna, Tatitusti Ana warmin mayisitaparux ist'änwa.

1 Samuel 28:3

Ukapachasti Samuelux jiwxataynawa, israelitanakasti taqiniw jupan jiwatapat jachapxatayna. Ukatsti, yurkatayna uka Ramá chiqaruw amayap imt'xapxatayna. Saúl reyisti, Israel uraqit taqi yatirinakaru, jiwatanakar art'asir ch'amakani jaqinakaruw alisnukxatayna.

1 Samuel 7:17

Ukatsti Ramá chiqankki uka utaparuw kutt'anxirïna, ukawjatpach Israel markarux apnaqäna. Ukansti Tatitutakix mä altar lurarakïna.