1 Samuel 24:9 - Qullan Arunaka DC

⁹ 9 (10) sarakïnwa: —¿Kunatakis jaqin arunakapar yäqta, khitinakatix Davidax jumar jan wal lurañ amtaski ukham parlirinakarusti?

Aymar Bibliia 1986

⁹ saraquïnwa: —Jach'a reyisti, ¿cunataraqui qhitinacatejj nayjjat jan walinac parlapqui ucanacaru ist'isti, nayajj juma contra cunsa thakquirista uqhama?

Qullan Arunaca

⁹ saraquïnwa: —Jach'a reyisti, ¿cunataraqui qhitinacatejj nayjjat jan walinac parlapqui ucanacaru ist'isti, nayajj juma contra cunsa thakquirista uqhama?

1 Samuel 24:9 Jak'a apnaqawi uñst'ayäwi

Salmos 101:5

Jamasat jaqi masipxat parlirirux amukt'ayäwa; uñch'ukisir jaqimpiru, jach'a jach'a tukurimpirux janipuniw jak'axankañap munkti.

Salmos 141:6

Ñanqha luririnakan jilïrinakapax qarqanakat nukt'atäpxaniwa, arunakaxan askïtap uñjapxani.

Proverbios 16:28

Jan ist'asir saxra jaqix ch'axwañanak sartayi; arunak apnaqir jaqisti uñisisiñ utjayi.

Proverbios 17:4

Ñanqha lurir jaqix, ñanqhachir jaqiruw ist'i, k'ari jaqisti, k'ari jaqiruw ist'araki.

Proverbios 18:8

Arunak apnaqir jaqin parlatanakapax suma muxsjamawa, ukampis chuyma manqhir mantasin jan walt'ayi.

Proverbios 25:23

Amsta tuqit thayt'anir thayax jallu purxatayi, jan wali arunakasti q'apisiñ utjayi.

Proverbios 26:28

K'ari jaqix chiqa kankañar uñisiwa; quña aruni sallqa jaqisti jan walt'añanak sartayi.

Proverbios 29:12

K'ari arunakar ist'ir marka apnaqirix, ñanqha lurir luqtirinakan muyuntataw jakani.

Jeremías 37:18

Ukxarusti Jeremiasax Sedequías reyiruw jiskt'asirakïna: —¿Kuna jucharak nayasti juma reyi tuqi lurta, jilïrinakam tuqisa, jan ukax jaqinak tuqisa, nayar carcelar apantapxañamatakisti?

Levítico 19:16

“Jaqinak taypinsti janipun arunak apnaqas sarnaqamti. “Jaqi jiwayañanakansa janirak chikachasimti. Nayätwa jumanakan Tatit Diosamaxa.

Santiago 3:6

Kuna arunaktix laxrasamp arsktan ukax ninamp sasiwa. Laxrasax ñanqhanak lurañatak wali ch'amaniwa, jakañasarus janiw walt'aykistaspati, ukatsti manqhapachan nakharaksna.

1 Samuel 20:1

Davidasti Ramá markankir Naiot chiqat jaltxäna, kawkhankkäntix Jonatanax ukkharuw saräna, jupar sañataki: —¿Kunarak lurtsti? ¿Kunas juchaxaxa? Awkiman nayraqatapansti, ¿kuna jucharak lurtsti nayar jiwayañatak thaqhañapatakisti? —sasa.

1 Samuel 20:41

Uywatan sarxatapatsti, Davidax imantaskän uka chiqat mistunïna, ukatsti Jonatanan nayraqatapar purisax kimsa kutiw uraqir ajanup puriyañkam alt'arakïna. Ukatsti jank'akiw jamp'att'asipxäna, panpachaniw jachapxäna, Davidan chuyma utt'ayasiñapkama.

1 Samuel 24:10

10 (11) Jach'a munañan rey jumapachaw yattaxa; Tatitux khaya putun jumaru amparaxar katuykchitän ukasa, janiw nayax juma munañan reyirux jiwayañ munkäyätti, ukat sarakïyäta: “Jupax munañan reyiwa, Tatituw juparux chhijllasi” sasa.

1 Samuel 24:8

8 (9) Ukampis Davidax qhipapat uka putut mistunirakïna, ukat jach'at art'äna: —¡Munañan rey, munañan rey! —sasa. Saúl reyisti kutikipstasin uñtasini, ukatsti Davidax wali axsart'añ chuymampiw uraqkam alt'äna,

1 Samuel 26:18

Ukampisa, ¿kunatarak jumasti munañan rey aka luqtirimar arkanaqtasti? ¿Kunaraki nayasti lurtsti? ¿Kunas juchaxaxa?

1 Samuel 26:19

Jach'a munañan rey, aka luqtirimar ist'añamatakiw achikt'assma: Tatitutix juma reyir nayar jan walt'ayañatak utt'aychi ukaxa, inach mä waxt'äwi katuqitaspa; ukampis jaqin amtäwipakïchi ukasti, Tatitux uka jaqinakar ñanqhachpan. Jichhasti Tatitun uraqipat jaqunukupxitu, ukham lurasax yaqha diosanakar luqtañaxatakiw nukt'apxitu.