1 Samuel 24:15 - Qullan Arunaka DC

¹⁵ 15 (16) Uka layku, Tatitukiy jiwas paninirux taripistpan; ¡juparaki nayarus uñjitpan, ukhamarak juma reyitsa arxatitpan!” —sasa.

Aymar Bibliia 1986

¹⁵ Uca laycu, Tatituqui jiwasa paninirojj uñj-jjestpan. ¡Juparaqui naya toketjja uñjitpan, jach'a reyitsa arjjataraquitpan!”

Qullan Arunaca

¹⁵ Uca laycu, Tatituqui jiwasa paninirojj uñj-jjestpan. ¡Juparaqui naya toketjja uñjitpan, jach'a reyitsa arjjataraquitpan!”

1 Samuel 24:15 Jak'a apnaqawi uñst'ayäwi

2 Crónicas 24:22

Joás reyix Zacariasana Joiadá awkipan jupar askinak luratapat janiw amtaskxänti, ukatsti Zacarías yuqaparux jiwayänwa, jiwkäna ukkhasti Zacariasax akham arsuwayäna “¡Nayar akham lurapxatamat Tatituy jumanakarux mutuypan!” sasa.

Salmos 119:154

Nayat arxatasikitaya, qhispiyarakitaya; arsutamarjamay jakañ churita.

Salmos 35:1

Tatay, nayar nuwirinakampix jumay nuwasim; nayampi ch'axwirinakampix jumay ch'axwam.

Salmos 43:1

Diosay, chiqapar uñjita; ¡qhuru jaqinakat arxatita! ¡K'ari, ñanqha lurir jaqit qhispiyasita,

Miqueas 1:2

Taqi markanaka, akanak ist'apxam; taqi markpachan utjir jaqinaka, sum ist'apxam: Tatitux qullana utapatpach jumanakatak arsuni.

Miqueas 7:9

Tatit nayraqatan juch lurta, ukat q'apisiñapsa amuk muturakïxa; ukchañkamasti, jupaw nayarux uñjitani, chiqaparuw uñjarakitani. Tatitux qhanaparuw irpitani, atipjañapsti uñjayarakitaniwa.

Jueces 11:27

Nayax janiw jumarux kuna jan walsa lurksmati. Jumaw nanakampi nuwasir jutasax jan wal lurasipkista. Ukampis Tatituw chiqapar uñjirixa, jupaw israelitanakampiru, amonitanakampirux taripaskani” sasa.

1 Samuel 17:43

ukat säna: —¿Nayasti anütti juman lawampi nuwasiri jutañamatakixa? —sasa. Ukatsti ukspachaw uka filisteo jaqix diosapan sutipxaru Davidarux ñanqhachäna.

1 Samuel 24:12

12 (13) ¡Jichhasti Tatituy jiwasa paninirux taripistpan, jiwasan jan wali luratanakas uñjarakpan! Ukampisa nayax janipuniw juma reyitakix amparax aytkäti.

1 Samuel 25:39

Davidax Nabal jaqin jiwxatapa yatisinsti sänwa: —¡Tatitux qullanäpan. Nabal jaqin nayar jan wali luratapat jupaw phuqsusirapitu! ¡Jan wali lurañat qhispiyitu, Nabal jaqin juchapsti jupa pachparuw kutxatayi! —sasa. Ukatsti Davidax Abigail warmin ukaruw khithäna jupampi jaqichasiñatak parlanipxañapataki.

1 Samuel 26:20

Janiw nayan wilaxax Tatitun nayraqatapat jayan wartatäñap munkiristti, ukampis juma jach'a munañan reyix nayar jiwayañatakix mä jisk'a k'utirjama, qullunakankir mä p'isaqarjamaw arknaqista —sasa.

1 Samuel 26:4

ukhamasti Davidax uñaqirinak khithäna, Saúl reyin purinitap yatiñataki.