1 Samuel 23:6 - Qullan Arunaka DC

⁶ Ukchañkamasti, Ahimélec sacerdoten Abiatar yuqapax Davidampi jikisiñ munasin Queilá markaruw jaltxatayna, jupasti efod sat isi apasirakitayna.

Aymar Bibliia 1986

⁶ Ucañcamasti Ahimelec sacerdoten Abiatar yokapajja jaltjjaraquitaynawa Davidampi Keila marcana jiquisiñataqui, jupasti efod isi apasiraquitayna.

Qullan Arunaca

⁶ Ucañcamasti Ahimelec sacerdoten Abiatar yokapajja jaltjjaraquitaynawa Davidampi Keila marcana jiquisiñataqui, jupasti efod isi apasiraquitayna.

1 Samuel 23:6 Jak'a apnaqawi uñst'ayäwi

1 Reyes 2:26

Ukxarusti reyix Abiatar sacerdoteruw sarakïna: “¡Anatot uraqimar sarxam! Jumarux jiwayañaw wakisi, ukampis janiw jichhax jiwaykämati, David awkixan nayraqatapan Tatitun arcap apatam layku, jupjamaraki pachpa t'aqhisiñanak t'aqhisitam layku” sasa.

Éxodo 28:6

“Efod sat isix qurita, sajuna telata, ch'iyar wila telata, wila telata, lino telat luratäñapawa, wali suma p'itakipataraki,

1 Samuel 14:18

Uka urusti Tatitun efod sat isipax israelitanak taypinkaskänwa, ukat Saúl reyix Ahías profetarux säna: —Tatitun efod sat isip akar aptanim —sasa.

1 Samuel 14:3

Efod isi apiristi Ahitub jaqin Ahías yuqapänwa, Icabod jaqin sobrinopa, ukasti Finees jaqin yuqapänwa, Elí chachan allchhiparaki, khititix Siló chiqan Tatitun sacerdotepäkän uka. Jaqinakasti Jonatanan sarxatap janiw yatipkataynati.

1 Samuel 22:20

Ukampis Ahimélec sacerdoten wawanakapat Abiatar sutini yuqapaw kawkhankkäntix Davidax ukkhakam jaltxäna.

1 Samuel 23:2

jupax Tatituruw jiskt'asïna, akham sasa: —Tatay, ¿nayax filisteonakampi nuwasir sariristti? —sasa. Tatitusti sarakïnwa: —Jïsa, saraskakim, Queilá markarusti qhispiyarakim —sasa.

1 Samuel 23:5

Davidampi, jaqinakapampisti Queilá markaruw sarapxäna, ukansti filisteonakamp nuwasisax q'al atipjapxäna, uywanakapsa katuntasipxarakïnwa. Ukhamat Davidax Queilá markan jakirinakarux qhispiyäna.

1 Samuel 23:7

Mä tuqitsti, Saúl reyirux Davidan Queilá markankaskatap yatiyapxäna, ukat chuymapan sarakïna: “Tatitux amparaxaruw katuyitu, markaru mantanisinsti, pachpa punkunakapampi, jist'añanakampi jist'antataw uñjasini” sasa.

1 Samuel 23:9

Ukampisa, Davidax Saúl reyin ukham nuwantañ amtatap yatisax Abiatar sacerdoteruw mayïna efod isi aptaniñapataki, ukat Tatitur jiskt'añataki.

1 Samuel 30:7

ukatsti Abiatar sacerdoteruw achikt'asis säna: —Efod isi apanirapita —sasa. Abiatar sacerdotesti Davidatakix jank'akiw uka isi aparapïna,