1 Samuel 22:17 - Qullan Arunaka DC

¹⁷ Ukspachaw reyix jupan uñjiriparux sarakïna: —¡Tatitun sacerdotenakaparux jiwarayapxam! Jupanakasti Davidar jaqkattatäpxiwa. Davidan jaltaskatap yatkasinsa, janiw jupanakax nayarux yatiyapkituti —sasa. Ukampisa reyin uñjirinakapax janiw Tatitun sacerdotenakapatakix ampar aytañ munapkänti.

Aymar Bibliia 1986

¹⁷ Ucatsti janc'aquiw reyejj jupan guardiaparojj ordenaraquïna: —¡Tatitun sacerdotenacaparojj jiwarayapjjam! Jupanacasa Davidampïpjjaraquiquiwa. Jupan jaltascatap yatcasinsa, janiw jupanacajj nayarojj yatiyapquituti —sasa. Ucampisa reyin guardiapajj janiw Tatitun sacerdotenacap contrajj ampar aytañ munapcänti.

Qullan Arunaca

¹⁷ Ucatsti janc'aquiw reyejj jupan guardiaparojj ordenaraquïna: —¡Tatitun sacerdotenacaparojj jiwarayapjjam! Jupanacasa Davidampïpjjaraquiquiwa. Jupan jaltascatap yatcasinsa, janiw jupanacajj nayarojj yatiyapquituti —sasa. Ucampisa reyin guardiapajj janiw Tatitun sacerdotenacap contrajj ampar aytañ munapcänti.

1 Samuel 22:17 Jak'a apnaqawi uñst'ayäwi

2 Samuel 15:1

Taqi ukanak qhipatsti, Absalonax mä carrompi, caballonakampi jikxatäna, jupar uñjiritakisti phisqa tunka jaqinak utt'ayasirakïna.

1 Reyes 1:5

Ukchañkamasti Davidampina, Haguit warmimpin Adonías yuqapax, nuwasiñatakiw sartasïna, sarakïnwa: “Nayaw reyit utt'asï” sasa. Ukatsti nuwasiñ carronakampi, caballonakampi, phisqa tunka jupar uñjir jaqinakamp wakicht'asïna.

1 Reyes 14:27

Roboam reyisti quri jark'aqasiñanak lantix, bronce jark'aqasiñanak lurayxäna, ukatsti reyin utapar mantaña uñjirinakan jilïrinakaparuw uñjapxañapataki katuyxäna.

1 Reyes 18:4

Kunapachatix Jezabel warmix Tatitun profetanakapar jiwarayañ qalltkän ukkhaxa, Abdiasax profetanakat patakaniruw jawsthapitayna, ukatsti phisqa tunkanitkam tamachasinsti, pä puturuw jupanakar imantatayna, ukatsti jupaw manq'añsa, umañsa churatayna.

2 Reyes 10:25

Nakt'at waxt'äwi luqtañ tukuyxasinsti, Jehú chachax uñjirinakampiru, yanapirinakampiruw säna: —¡Mantanipxam, taqinir jiwarayapxam! ¡Jan khitis jaltpati! —sasa. Jehú reyin jaqinakapax espadampkamaw uka jaqinakar jiwarayäna, ukatsti templot jaqsunipxäna. Ukat Baal diosan yupaychañ utaparuw mantapxäna,

Éxodo 1:17

Ukampis wawa usuyir warminakax Diosar axsartir warminakänwa, ukat jupanakax Egiptonkir reyin arsutaparjam jan lurapkänti, jan ukasti yuqall wawanakarux jakayapxänwa.

Hechos 4:19

Ukampis Pedrompi, Juanampix jupanakar sapxiwa: —Jumanak pachpay amuyt'apxam, ¿Diosan nayraqatapan jupar jaysañat sipana, jumanakar jaysañat walïspaxa?

1 Samuel 14:45

Markasti Saúl reyirux sarakïnwa: —¡Janiw wakiskiti Jonatanan jiwañapaxa, jupaw Israel markarux mä jach'a atipjäwi churistu! ¡Janiw jiwkaspati! ¡Tatit layku, janiw mä ñik'utapas uraqirux jalaqtkaniti! Kuntix jichhüru lurki uksti Tatitun yanapapampiw luraraki —sasa. Ukhamat markax Jonatanarux jiwañat qhispiyäna.

1 Samuel 2:31

Jichhax juman munañanïñama, nayra awkinakaman munañanïñap t'unjañ urux niy jak'achasisinkiwa, janipuniw utamankirinakat khitis wali chuymankam jakapkaniti.

1 Samuel 20:33

Saúl reyisti Jonatanar jiwayañatakiw lanzap aytäna, ukampix Jonatanax awkipan Davidar jiwayañpun amtatap amuyäna.

1 Samuel 22:13

Saúl reyix jiskt'arakïnwa: —¿Kunatsa jumampi, Davidampix naya tuqi jan wal amtapxta? Jumasti t'ant'ampi, mä espadampi churatätaxa, Tatiturus Davidxat jiskt'arakitätaxa, ukhamat utaxar muyuntasin nayar katjañataki, kunjämtix jichhax lurki ukhama —sasa.

1 Samuel 22:16

Ukampisa reyix saskakïnwa: —¡Ahimélec, yatim, jumasa, taqi wila masinakamas jiwarapxätawa! —sasa.

1 Samuel 25:17

Ukampis juman chachamax wali qhurupuniwa, janiw parlxayañjamäkisa, jichhax jumax kunatix lurañamäki ukanakat amuyt'am, chiqpachansa jupatakisa, masinakapatakis jan walt'añaw jutani —sasa.

1 Samuel 8:11

sarakïnwa: —Jichhax kawkïr reyitix jumanakar apnaqapkätam ukampix akhamaw suyt'apxtam: Wawanakamar jawsthapisax nuwasiñ carronakaruw uchani, yaqhipanakarusti caballeriaruw uchani, mayninakarusti jupan uñjiripatakiw uchasini.