1 Samuel 20:8 - Qullan Arunaka DC

⁸ Ukhamax nayar yanapt'itaya, juman luqtirimätwa, ukhamarus Tatit nayraqatan jila masïñatakiw juramento lurtanxa. Jichhasti, nayan juchaxächi ukax juma kipka jiwayita. Janiw wakiskiti awkiman ukaru nayar irpañamaxa —sasa.

Aymar Bibliia 1986

⁸ Uqhamajja, uca asquiy lurt'ita, nayajj sirvirimästjjaya, uqhamarus mä amtäwi Tatit nayrakatanjja luraractanjja. Ucampisa nayatejj juchanïyäjja, ucqhajj juma quipcaw nayarojj jiwayitäta. Janiw waquiscaniti nayan awquim nayrakataru irpañamajja.

Qullan Arunaca

⁸ Uqhamajja, uca asquiy lurt'ita, nayajj sirvirimästjjaya, uqhamarus mä amtäwi Tatit nayrakatanjja luraractanjja. Ucampisa nayatejj juchanïyäjja, ucqhajj juma quipcaw nayarojj jiwayitäta. Janiw waquiscaniti nayan awquim nayrakataru irpañamajja.

1 Samuel 20:8 Jak'a apnaqawi uñst'ayäwi

Génesis 24:49

Jichhax sapxita: ‘Jumanakax uywirixar aski lurapxasmati, janicha, jan wakiskchi ukasti sapxarakita, nayan kuna lurañsa amuyt'asiñaxataki’ sasa.

Génesis 47:29

Mä urusti Jacobux jiwirjamäxänwa, ukat José yuqapar jawsayasin jupar säna: —Chiqpachapuni munaschista ukaxa, amparam lankhu charax manqhar ucham, ukatsti kuntix maykäma uk phuqhañatak juramento lurarapita. ¡Janipuniw Egipto uraqir imayitätati!

2 Samuel 14:32

Absalonasti ukxaruw säna: —Nayax reyin ukar nayatak sart'añamatakiw jawsaysma, ukatsti jupar sañamataki: “¿Kunatakirak Guesur markat jutataxasti walisti? Ukankañaxax walikiskasapänwa; nayax reyiruw uñjañ munta; kuna juchaxas utjchi ukasti, jiwayapxitpan” —sasa.

1 Crónicas 12:17

17 (18) Davidasti jupanakar katuqir mistunisax sänwa: “Jumanakatix sumampik nayar yanapir jutapxsta ukaxa, nayax taqi chuymaxampiw nayampïpxañamatak katuqapxsma; ukampis jumanakatix nayar sallqjiri, uñisirinakaxar katuyir jutapxstaxa, nayan jan kuna ñanqha luratax utjkipansa, ¡nayra awkinakasan Diosapay uñjasin jumanakar mutuypan!” sasa.

Salmos 116:11

Llakisiñankasax säyätwa: “Jaqinakax k'arikamakiwa” sasa.

Proverbios 3:3

Janipun kunapachas armasimti munasiñampita, chiqa kankañampita; mä wallqar uñtat kunkamar ukanak warkuntasim. Chuymamar ukanak sum imasirakim,

Hechos 25:11

Nayan jan wali luratax laykutix jiwañaxax wakischixa, jank'akït jiwañatakisa. Ukampis nayar juchañchapkit ukanakatix k'arïchixa, janiw khitis jupanakan amparaparux katuykitaspati. Nayax mayiristwa: “Roma marka apnaqiripun taripitpan” —sasa.

Josué 2:14

Jupanakasti sapxänwa: —Jumatix nanakan jutataxa jan khitirus yatiykäta ukaxa, nanakax pachpa jakañanakaxampiw jumanakat sayt'apxä. Kunapachatix Tatitux aka uraq churapkitan ukkhaxa, nanakasti jumatxa khuyapt'ayasipxämawa, arsutanakaxsa janiw mayjaptayapkäti.

Josué 22:22

—Diosanakansa Diosapa Tatituw nanakar yatipxitu, aka altar lurapkta ukax janiw jupar saykatañatakïkiti janirakiw jupat armasiñatakïkisa. Tatituw yati, Israel markax yatirakpan; janitix ukhamäkchi ukax, ¡jichhpach jiwarayapxitpan!

Rut 1:8

Thakhinjam sarkasasti, Noemí mamax yuxch'anakaparuw säna: —Jumanakax sarxapxam, utanakamar taykanakam thiyar kutt'xapxam. Tatitux jumanakat khuyapayaspan, kunjämtix jumanakax nayatsa yuqanakaxatsa khuyapasipkista ukhama,

1 Samuel 18:1

Davidan Saúl reyimpi parlañ tukuyxatapatsti, Jonatanax Davidan suma jila masipaw tukxäna, ukatsti jupa kipkarjamaw munasïna.

1 Samuel 18:3

Jonatanampi, Davidampisti wiñay jila masïñatakiw mä juramento lurapxäna, Jonatanan Davidar jupa kipkarjam munasitap layku.

1 Samuel 20:9

Jonatanasti sarakïnwa: —¡Jumax jan ukham lup'imti! Nayatix awkixan jumar jiwayañpun amtatap yatxatäxa, jank'akiw yatiyäma —sasa.

1 Samuel 23:18

Ukhamasti panpachaniw Tatitun nayraqatapan mä amtäwi lurapxäna. Uka qhipatsti Jonatanax utaparuw kuttanxäna. Davidasti Hores chiqan qhiparxarakïna.