1 Samuel 20:5 - Qullan Arunaka DC

⁵ Davidasti sarakïnwa: —Qharürux machaq phaxsi phunchhäwi uruwa, nayasti reyimpi chika qunt'asis manq'asiñaxawa. Ukampis jurpüru jayp'ukama uka pampan imantasim sita,

Aymar Bibliia 1986

⁵ Davidasti saraquïnwa: —Kharürojja phajjsi kallta fiesta uruwa. Nayasti reyimpi chicaw mank'asiñataqui kont'asiñajjaraquejja. Ucampisa nayarojj jan ucancañajjataqui churita, jurpüru jayp'ucama pampan imantasiñajjataqui.

Qullan Arunaca

⁵ Davidasti saraquïnwa: —Kharürojja phajjsi kallta fiesta uruwa. Nayasti reyimpi chicaw mank'asiñataqui kont'asiñajjaraquejja. Ucampisa nayarojj jan ucancañajjataqui churita, jurpüru jayp'ucama pampan imantasiñajjataqui.

1 Samuel 20:5 Jak'a apnaqawi uñst'ayäwi

2 Reyes 4:23

Chachasti warmiparux jiskt'änwa: —¿Kunatarak jichhür jupan ukar sarätasti? Janiw machaq phaxsïkisa, janirakiw samarañ urükisa —sasa. Warmisti ukxaruw säna: —Janisay kunäkpan, jan llakisimti —sasa.

Salmos 55:12

12 (13) Uñisirixatix tuqitaspaxa, nayax amukïskiristwa; timaxatix nayatak sayt'aspaxa, jupatakix imantasxiristwa;

Salmos 81:3

3 (4) Machaq phaxsi uñstipan trompet phust'apxam, urt'a puripansti, phust'apxarakim ukürux jiwasanakan jach'a urusawa.

Proverbios 22:3

Ch'ikhi jaqix jan walt'añ uñjasinxa, jaltxiwa, jan amuyt'asir jaqisti, saraskakiwa, ukat t'aqhisiraki.

Amós 8:5

jumanakax sapxtawa: “¿Kunapacharak wawa phaxsi phunchhäwi urusti tukusxani trigo aljasiñasatakisti? ¿Kunapacharak samarañ urusti tukusxani, balanza tupunak jisk'aptayas jilar aljañatakisti?

Números 10:10

Kusisiñ urunakansa trompetanak phust'apxarakïta, uruyañ urunakansa, machaq phaxsi urunakansa, kunapachatix nakt'ayat luqtäwinaka, sumankañ wilañchanak luqtasipkäta ukapachasa. Ukhamat nayax jumanakat amtasipxäma. Nayaw jumanakan Tatit Diosamätxa.”

Números 28:11

“Sapa phaxsit qallta uru saraqkipan Tatiturux nakt'ayat waxt'a luqtapxäta, pä vaca qallumpi, mä urqu ovejampi, mä maran paqallqu urqu ovejampi, uka uywanakasti jan kuna kamacht'atäñapawa.

Juan 8:59

Uk ist'asinsti, Jesusarux qalamp k'upjas jiwayañ munapxäna; ukampis Jesusax jaqinak taypiruw imantasïna, ukat Tatitun utapat mistuwayxäna.

Hechos 17:14

Ukat jilatanakax jank'akiw Pablor jach'a quta thiyar khitxapxäna. Silasamp Timoteompikiw pachpa Berea markan qhiparxapxäna.

Colosenses 2:16

Ukhamasti janiy khitis manq'apxatamata, umapxatamatsa jumanakar jisk'achpati, janirak jisk'achpati jach'a urunak jan yäqatamatsa, machaq phaxsinak jan yäqatamatsa, samarañ urunak jan yäqatamatsa.

1 Samuel 19:2

nayraqat juparuw yatiyäna. Sarakïnwa: —Saúl awkixax jumar jiwayañ amtaski. Ukhamasti qharüru willjtax wal amuyasim, ukatsti mä jamasa chiqawjaru imantasxam.

1 Samuel 20:18

Ukatsti sarakïnwa: —Qharürux machaq phaxsi phunchhäwi uruyañ uruwa, kunapachatix qunuñamax ch'usakïnixa, ukapachax tumpasipxätamwa.

1 Samuel 20:19

Ukampis kimsa uru qhipatsti juman ch'usasitamax qhanäniwa. Ukhamasti kawkharutix nayrürux imantaskta uka pachpar sarxam, ukatsti uka qalanak jak'ar imantasim.

1 Samuel 20:24

Davidasti pampan imantasiskäna, kunapachatix machaq phaxsi phunchhäwi uruyañ urux purinkän ukkhaxa, reyix manq'añatakiw quntasïna.

1 Samuel 20:27

Payïr uru phunchhäwïxän ukkhasti, Davidan qunuñapax ch'usakïskakïnwa. Ukat Saúl reyix Jonatán yuqaparux jiskt'äna: —¿Kunatsa wasürux Jesé jaqin David yuqapax manq'äwiru jan jutki?, jichhürus janirakikiw jutkiti —sasa.

1 Samuel 20:4

Ukat Jonatanax jiskt'äna: —¿Kunsa jumatakix lurirista? —sasa.

1 Samuel 20:6

awkimatix nayat jiskt'asïtam ukkhaxa, Belén markaxaru nayan sarañaxatak jumar achikt'asitax yatiyam, khayansti taqpacha wila masixaw mara wilañcha luqtañ amtapxani, sasa.