1 Samuel 2:25 - Qullan Arunaka DC

²⁵ Mä jaqitix masipar jan wal luraspaxa, Tatitux uka jaqit arxataspawa, ukampis maynitix Tatitur ñanqha lurchi ukasti, ¿khitirak jupat arxataspasti?” sasa. Ukampis janiw jupanakax kuntix awkipax siskäna ukarux ist'apkänti, ukat Tatitux jupanakan jakañap apaqañ amtäna.

Aymar Bibliia 1986

²⁵ Mä jaketejj mayni jakeru cuna jan walsa luraspa ucqhajj Tatitojj uca jaketjja arjjataspawa, ucampisa mayni jaketejj Tatituru ñankha lurcchi ucasti, ¿qhitirac jupat arjjataspa?” sasa. Ucampisa jupanacajj janiw cuntejj awquipajj siscäna ucarojj ist'apcänti, Tatitojj jupanacat jacañanacap apakjjañ amtjjatap laycu.

Qullan Arunaca

²⁵ Mä jaketejj mayni jakeru cuna jan walsa luraspa ucqhajj Tatitojj uca jaketjja arjjataspawa, ucampisa mayni jaketejj Tatituru ñankha lurcchi ucasti, ¿qhitirac jupat arjjataspa?” sasa. Ucampisa jupanacajj janiw cuntejj awquipajj siscäna ucarojj ist'apcänti, Tatitojj jupanacat jacañanacap apakjjañ amtjjatap laycu.

1 Samuel 2:25 Jak'a apnaqawi uñst'ayäwi

Génesis 38:10

Diosasti Onán chachan ukham luratapata wal q'apisïna, ukat juparus jiwayarakïna.

Génesis 38:7

Ukampis Er chachax Tatit nayraqatan jan wali sarnaqäna, ukat Diosax jupar jiwayäna.

1 Reyes 8:31

“Kunapachatix maynix jaqi masipa tuqi jan wali lurani, ukatsti aka utan altaram nayraqatan juramento lurayapxani ukkhaxa,

1 Reyes 8:32

alaxpachatpach ist'anim, juchañcharakim, uywatanakamarusti chiqapar uñjam. Juchanirusti juchañcham, jan wali luratapat mutuyäwix jupxankañapataki, jan juchanirusti chiqapar uñjarakim, kunjämatix wakt'ki ukhamarjama.

2 Crónicas 10:15

Reyisti janiw markar ist'añ munkänti, Tatituw ukhamäñapatak wakt'ayatayna uka layku, ukhamat kuntix Tatitux Siló chiqankir Ahías tuqi Nabat chachan Jeroboam yuqapar arskatayna ukan phuqhasiñapataki.

2 Crónicas 25:16

Profetax uka arunak arskäna ukkhaxa, reyix juparux saskakïnwa: —¿Khitirak jumarusti reyin amuyt'ayiripat uchtamsti? ¡Jan ukanak parlkamti! Jan ukax ¿jiwayatäñcha muntaxa? —sasa. Profetasti ukxarux janiw juk'amp arskxänti, ukampis sänwa: —Diosax uk luratamata, iwxa arunakaxar jan ist'atamatsa t'unjätamwa —sasa.

Job 9:33

¡Nanak taypin mä taripirix utjakispa, nanak panitak munañanïspa,

Salmos 51:16

16 (18) Jumax janiw luqtanak munktati; wilañchanaksa luqtirismawa, ukampis janiw ukanakax kusisiyktamti.

Salmos 51:4

4 (6) Jumataki, jumatakiw juchachasta, jumax juchañchkta uka juch lurta. Ukat juchañchatamax chiqapa; taripäwimas jan kamskayaraki.

Proverbios 13:1

Yatiñan wawax awkipan iwxa arunakap katuqasiwa, jan ist'asir wawasti janiw chiqachäwi arunakxa katuqaskiti.

Proverbios 15:10

Suma thakhinjam sarnaqañ apanukuri jaqirux qhuru kankañampi chiqachatawa; chiqachäwir jisk'achir jaqisti, jiwaniwa.

Proverbios 29:1

Chiqachäwi jan katuqañ munir jaqix, jan mayampitakiw tukjat uñjasini.

Eclesiastés 3:3

Jiwayañ pacha, qullt'añ pacha. Tukjañ pacha, utacht'añ pacha.

Números 15:30

“Ukampis mä jaqitix sum yatkasin juch lurani, israelit jaqïpansa, yaqha markat jutir jaqïpansa, ukasti nayaruw ñanqhachitu. Ukhamïpansti, uka jaqix markap taypit jaqunukutaw uñjasini,

Deuteronomio 1:17

kunapachatix jumanakax juchanakap uñjapxäta ukkhaxa, janiw jumanakax ajanu uñkatasaki taripapxätati, jan ukasti pist'añan sarnaqir jaqirusa, qamir jaqirusa khuskak uñjapxäta, jan khitir axsarasa, juchañchañasti Diosankiwa. Mä kunasa jumanakatak jan askichkayänixa, nayaruw yatiyanipxitäta, nayaw ukanak uñjä’ sasa.

Deuteronomio 2:30

“Ukampis Sihón reyix janiw uraqip chiqa sarakipañas munkänti, jumanakan Tatit Diosamaw jan munañapatak uka reyin chuymap mayjt'ayäna, ukhamat jumanakan amparamar katuyañataki, kamisatix jichhürun jikxataski ukhama.

1 Timoteo 2:5

Mä sapa Diosakiw utji, mä sapa jaqikiw utji, Diosampi jaqinakampi sumankthapiyirixa, ukasti Jesucristowa.

Hebreos 10:26

Kunatix chiqäki uk yatkasin juchachasiskakiñän ukax, janiw juchanakasat wilañcha luqtañax wakiskxiti,

Hebreos 10:27

jan ukasti, axsarkañ taripäwimpi, aqkir ninampikiw suyt'xistu, Diosasti uñisirinakaparux ukham tukjani.

Hebreos 7:25

Ukat jupa tuqi Diosar jak'achasirinakarux wiñayatak qhispiyaspa, jupanakatak Diosar mayiñatakix jupax wiñayatakiw jaki.

Josué 11:20

Tatituw uka uñisirinakarux chuymanakap qalarayäna israelitanakar saykatañapataki, ukhamat israelitanakan jan khuyapt'ayasis q'al tukjañapataki, kunjämtix Tatitux Moisesar siskatayna ukhamarjama.

1 Samuel 3:14

Ukat nayax juramentompi Elí sacerdoten wila masinakapatak arsta, ñanqha luratanakapax janipuniw wilañchanakampisa, waxt'äwinakampis q'umachatäkaniti.