1 Samuel 18:7 - Qullan Arunaka DC

⁷ Ukham q'uchkasinsti, ukhamarak thuqkasinsa, warminakax jach'at sapxäna: “Saúl reyix waranqa jaqinak jiwarayi; Davidasti tunka waranqa jaqinak jiwarayaraki” sasa.

Aymar Bibliia 1986

⁷ Uqham k'ochcasinsti, uqhamarac thokcasinsa, warminacajj aqham sasaw sapjjäna: “Saúl reyejj waranka jakenac jiwarayi; Davidasti tunca waranka jakenaca jiwarayaraqui” sasa.

Qullan Arunaca

⁷ Uqham k'ochcasinsti, uqhamarac thokcasinsa, warminacajj aqham sasaw sapjjäna: “Saúl reyejj waranka jakenac jiwarayi; Davidasti tunca waranka jakenaca jiwarayaraqui” sasa.

1 Samuel 18:7 Jak'a apnaqawi uñst'ayäwi

2 Samuel 18:3

Jaqinakapasti ukxaruw jupar sapxäna: —Reyixay, jan uk luramti, uñisirisatakix janiw kunäkis nanakan jaltxapxañaxaxa, chikatpach jiwarapxañaxasa; ukampis jumax rey, tunka waranqa jaqinakat sipan juk'ampïtawa. Jumax markaruk qhiparaskam, ukhamat nanakatakix yanapirinak khithanipxitäta —sasa.

2 Samuel 23:1

Aka arunakax Davidan qhip qhipa arunakapawa: “David, Jesé chachan yuqapa, Tatitun jach'ar aptat jaqi, Jacob chachan Diosapan ajllisit reyi, Israelan suma q'uchunakap q'uchuri, jupasti siwa:

2 Samuel 6:5

Ukchañkamasti Davidampi taqpach israelitanakampix, wali kusisitaw Diosan nayräxap sarapxarakïna, taqi ch'amapamp q'ucht'asisa, thuqt'asisa, arpanakampi, salterionakampi, panderonakampi, castañuelanakampi, platillonakampi kusist'asisa.

Éxodo 15:21

Mariasti akham sasaw q'uchüna: “Tatitusar jach'añchas q'uchupxam, atipjäwipax muspharkayawa, ¡caballonakarusa, jaqinakarus qutaruw jaqunti!” sasa.

1 Samuel 21:11

11 (12) Aquís reyin jilïrinakapasti sapxarakïnwa: —¡Akax Davidarakisä, aka uraqin reyipäki ukarakisä! Jupat jayllipxäna akham sasa: “Saúl reyix waranqa jaqinak jiwarayi, ukampis Davidax tunka waranqa jaqinak jiwarayaraki” —sasa.

1 Samuel 21:12

12 (13) Davidasti uka arunak amukiw chuymapar katuqäna, ukat Gat uraqinkir Aquís sat reyirux axsaräna.

1 Samuel 29:5

¡Jupasti pachpa Davidawa, khitittix thuqt'asis jayllipkäna akham sasa: “Saúl reyix waranqa jaqinak jiwarayi, Davidasti tunka waranqa jaqinak jiwarayi”! —sasa.