1 Samuel 18:23 - Qullan Arunaka DC

²³ Saúl reyin yanapirinakapasti taqi ukanak Davidarux sapxäna, ukampis Davidax jupanakarux sarakïnwa: —¿Jumanakatakix walikit nayan reyin tullqapäñaxasti? Nayax janiw khitïktsa, jan ukasti mä jan kunan jaqikïtwa —sasa.

Aymar Bibliia 1986

²³ Saúl reyin sirvirinacapasti take ucanacjja Davidarojj sapjjänwa. Ucampisa Davidajj jupanacarojj saraquïnwa: —¿Jumanacataquisti waliquiti nayan reyin tollkapäñajjataquisti? Nayajj janiw qhitïctsa, jan ucasti mä pobre jakequïtwa —sasa.

Qullan Arunaca

²³ Saúl reyin sirvirinacapasti take ucanacjja Davidarojj sapjjänwa. Ucampisa Davidajj jupanacarojj saraquïnwa: —¿Jumanacataquisti waliquiti nayan reyin tollkapäñajjataquisti? Nayajj janiw qhitïctsa, jan ucasti mä pobre jakequïtwa —sasa.

1 Samuel 18:23 Jak'a apnaqawi uñst'ayäwi

Génesis 29:20

Ukhamaw Jacobux Raquel layku, paqallqu mara irnaqäna, Raquelar sinti munatapata, jupatakix juk'a maranakjamäkchïn ukasa.

Génesis 34:12

Jumanakay sapxita, qawqsa jupat churapxirisma uka, nayasti qawqtix sapkitäta ukkha churapxäma, ukampisa, kullakamamp jaqichasikïxaya —sasa.

Salmos 119:141

Jan yäqatakïtwa, jisk'achatarakïtwa, ukampis janiw arunakamat armaskti.

Proverbios 14:20

Jan kunaninakax, pachpa jaqi masipansa uñisitawa, qamir jaqisti wali munatawa.

Proverbios 29:5

Masipar sinti jach'achir jaqix, chiqpachansa jan walt'añapatakiw sipita uchaski.

1 Juan 3:1

Uñjapxam, Dios Awkix walpun munasistu, Diosan wawanakapaw satäñasatakixa, jïsa, wawanakapapunïsktanwa. Ukatpï Diosar jan iyawsirinakax jan uñt'kistutixa, jupanakan Diosar jan uñt'apxatap layku.

1 Samuel 18:18

Ukampisa Davidax sarakïnwa: —Janiw nayax khitïktsa, janirakiw Israel markan wila masinakaxas kunäpkiti nayan reyin tullqapäñaxatakixa —sasa.

1 Samuel 18:22

Ukatsti Saúl reyix yanapirinakaparux sänwa: —Jumanakasti David sapampik parlt'anipxam, ukatsti sapxarakim naya reyin jupar wal munataxa, ukhamarak taqi yanapirinakaxas jupar wal munapxatapa, jupasti nayan tullqaxäñapawa —sasa.

1 Samuel 18:24

Saúl reyin yanapirinakapasti kutt'awayasin kuntix Davidax siskäna ukanak reyirux yatiyxapxäna.

1 Samuel 9:21

Saúl waynasti muspharataw säna: —¡Nayax Benjamín ayllunkirïtwa, ukasti Israel markan utjir taqi ayllunakat sipan sinti jisk'akiwa! Ukhamarusa, wila masinakaxax Benjamín ayllunkirinak taypin jan yäqat jaqinakakiwa. ¿Kunatarak taqi ukanak sistasti? —sasa.