1 Samuel 18:10 - Qullan Arunaka DC

¹⁰ Qhipürusti, Tatitux khithankatayna uka ñanqha ajayuw Saúl reyirux wasitat katuntäna, jupax jach'a utap manqhan luqhiruw tuküna. Davidasti kunjämtix arpa toct'irïkän ukham toct'askäna, Saúl reyisti lanza ayt'atäskarakïnwa.

Aymar Bibliia 1986

¹⁰ Ucat khepa urusti, Diosajj qhitancatayna uca ñankha ajayojj Saúl reyirojj wasitatwa catuntäna, jupasti lokheruw tucüna palacio utap mankhanjja. Davidasti cunjämtejj arpa toct'irïcäna uqhamwa tocascäna, Saúl reyisti amparaparu lanza ayt'ataraquïnwa.

Qullan Arunaca

¹⁰ Ucat khepa urusti, Diosajj qhitancatayna uca ñankha ajayojj Saúl reyirojj wasitatwa catuntäna, jupasti lokheruw tucüna palacio utap mankhanjja. Davidasti cunjämtejj arpa toct'irïcäna uqhamwa tocascäna, Saúl reyisti amparaparu lanza ayt'ataraquïnwa.

1 Samuel 18:10 Jak'a apnaqawi uñst'ayäwi

1 Reyes 18:29

Chika uru saraqatarusti, jupanakax arnaqasipkakïnwa, luqhinakjamaw thuqnaqapxarakïna, wilañcha luqtañ pachkama, ukkhakamasti janiw kuna arus ist'askänti. ¡Janiw khitis jaysankänti, ist'karakïnsa!

1 Reyes 22:12

Profetanakax uka pachparak yatiyapxäna, Ahab reyirusti sapxänwa: “Galaadankir Ramot markar katuntaskakim, atipjätawa, Tatituw uka marka jumar katuyätam” sasa.

Jeremías 28:11

ukham lurkasasti taqi jaqinak nayraqatan sarakïna: —Tatitux akham siwa: ‘Uka kipkarak akat pä mararux Babiloniankir Nabucodonosor reyin ch'amapsa, munañapsa taqi markanakat apaqxasin t'unjarakï’ sasa. Ukatsti Jeremías profetax sarawayxänwa.

Hechos 16:16

Mä urusti, Tatitut mayisiñ chiqäkis ukkharuw sarasipkäyäta, thakhinsti, mä uywat tawaquruw jikxatapxta. Jupasti layqasir ajayunïnwa, kunatix qhipürun luraskani ukanak qhanañchirïnwa. Ukhamat uywirinakapatak walja qullqi jikxatirïna.

2 Tesalonicenses 2:11

Ukat Diosax pantjasiñampi sallqjayasiñatak katuyi, kunatix k'arïki ukar jaysapxañapataki,

Jueces 16:20

jach'at art'äna: —¡Sansón, filisteonakaw katuntapxätam! —sasa. Sansonasti sarthapïnwa, maya kutinakanjam atipt'añ amuyasa, ukampis janiw amuyaskänti Tatitun jupar apanukxatapxa.

1 Samuel 16:23

Ukhamasti kunapachatix Tatitun khithanita uka ñanqha ajayux Saúl reyir t'aqhisiykän ukkhaxa, Davidax arpa toct'arapirïna. Ukampiw Saúl reyix kutjtirïna, uka ñanqha ajayusti jupat jithiqtxarakirïnwa.

1 Samuel 18:9

Uka urut uksarusti Saúl reyix Davidarux payachasiñ chuymampiw uñjäna.

1 Samuel 19:10

jupax lanzampi jaqt'asin pirqar chhuqhuntañ munäna, ukampis Davidax maysaruw jitjtäna. Saúl reyin lanzapasti pirqarukiw chhuqhuranttäna. Uka arumpachaw Davidax jaltxäna.

1 Samuel 19:7

Ukhamasti Jonatanax Davidar jawsasinxa, kuntix Saúl reyimpi parlkatayna taqi ukanak yatiyäna. Ukatsti Saúl reyin ukaruw irpäna; Davidasti Saúl reyirux yanapaskakïnwa, kamisatix nayrax luqtirïkän ukhama.

1 Samuel 19:9

Saúl reyirusti Tatitun khithanita ñanqha ajayux wasitat t'aqhisiyäna; utapana lanzap ayt'ata qunt'atäkasinsti, Davidan arpa toct'añapkamaw,

1 Samuel 26:19

Jach'a munañan rey, aka luqtirimar ist'añamatakiw achikt'assma: Tatitutix juma reyir nayar jan walt'ayañatak utt'aychi ukaxa, inach mä waxt'äwi katuqitaspa; ukampis jaqin amtäwipakïchi ukasti, Tatitux uka jaqinakar ñanqhachpan. Jichhasti Tatitun uraqipat jaqunukupxitu, ukham lurasax yaqha diosanakar luqtañaxatakiw nukt'apxitu.