1 Samuel 18:1 - Qullan Arunaka DC

¹ Davidan Saúl reyimpi parlañ tukuyxatapatsti, Jonatanax Davidan suma jila masipaw tukxäna, ukatsti jupa kipkarjamaw munasïna.

Aymar Bibliia 1986

¹ Davidan Saúl reyimpi parlañ tucuyjjatapatsti, Jonatanajj Davidampejj wali suma amigonacapuniw tucupjjäna, ucatsti Jonatanajj jupa quipcarjamaw munasïna.

Qullan Arunaca

¹ Davidan Saúl reyimpi parlañ tucuyjjatapatsti, Jonatanajj Davidampejj wali suma amigonacapuniw tucupjjäna, ucatsti Jonatanajj jupa quipcarjamaw munasïna.

1 Samuel 18:1 Jak'a apnaqawi uñst'ayäwi

Génesis 44:30

“Ukhamasti, nayatix awkixan utapar jilaxamp chika jan kuttkä ukaxa, awkixax jiwt'aspawa. Awkixax aka waynïpan jakaski. Ukhamat nanakax juchanïpxirista chuyman awkixan llakiskäwi jiwañapataki.

2 Samuel 1:26

“¡Jonatán jilaxay, jumatjamax wali llakitaw uñjasta! ¡Ukataq suma chuymampiw nayar uñjistaxa! Munasiñamax nayatak warminakan munasiñapat sipan jilt'atänwa.

1 Crónicas 12:17

17 (18) Davidasti jupanakar katuqir mistunisax sänwa: “Jumanakatix sumampik nayar yanapir jutapxsta ukaxa, nayax taqi chuymaxampiw nayampïpxañamatak katuqapxsma; ukampis jumanakatix nayar sallqjiri, uñisirinakaxar katuyir jutapxstaxa, nayan jan kuna ñanqha luratax utjkipansa, ¡nayra awkinakasan Diosapay uñjasin jumanakar mutuypan!” sasa.

Salmos 86:11

Tatay, thakhimay uñacht'ayita, jan saraqtas arkañaxataki. Chuymaxasti sutim waqaychirïpan.

Proverbios 18:24

Yaqhip masinakax jank'akiw apanukusi, ukampis mayni masinakax jilasat sipan juk'ampiwa.

Deuteronomio 13:6

6 (7) “Juman jilamatixa, pachpa jilamäkasina, jan ukax yuqall wawamasa, imill wawamasa, munat warmimasa, wali munat masimasa, jamasat jumar yaqha diosanakar yupaychayañ amtayätam, kawkïr diosanakarutix jumasa, awkinakamas jan uñt'kän ukaru,

Colosenses 2:2

Jupanakax chuymapan wali ch'amañcht'atäpxañapataki, munasiñan mayakïpxañapataki, chiqpach amuyumpi phuqt'atäpxañapatakiw ch'am tukuskta, ukhamat Diosan amtäwip uñt'añataki, ukasti pachpa Cristowa,

Jueces 20:11

Israelitanakasti Guibeá markar katuntañatakix taqpachaniw mayacht'asipxäna.

1 Samuel 14:45

Markasti Saúl reyirux sarakïnwa: —¡Janiw wakiskiti Jonatanan jiwañapaxa, jupaw Israel markarux mä jach'a atipjäwi churistu! ¡Janiw jiwkaspati! ¡Tatit layku, janiw mä ñik'utapas uraqirux jalaqtkaniti! Kuntix jichhüru lurki uksti Tatitun yanapapampiw luraraki —sasa. Ukhamat markax Jonatanarux jiwañat qhispiyäna.

1 Samuel 18:3

Jonatanampi, Davidampisti wiñay jila masïñatakiw mä juramento lurapxäna, Jonatanan Davidar jupa kipkarjam munasitap layku.

1 Samuel 19:1

Saúl reyix Jonatán yuqapampiru, taqi jilïrinakapampirux Davidar jiwayapxañapatakiw arsüna. Ukampis Jonatanan Davidaru wali munatap laykux

1 Samuel 19:2

nayraqat juparuw yatiyäna. Sarakïnwa: —Saúl awkixax jumar jiwayañ amtaski. Ukhamasti qharüru willjtax wal amuyasim, ukatsti mä jamasa chiqawjaru imantasxam.

1 Samuel 20:17

Jonatanasti Davidaru taqi chuymampi munasitap laykux wasitat juramento lurarapïna.

1 Samuel 20:8

Ukhamax nayar yanapt'itaya, juman luqtirimätwa, ukhamarus Tatit nayraqatan jila masïñatakiw juramento lurtanxa. Jichhasti, nayan juchaxächi ukax juma kipka jiwayita. Janiw wakiskiti awkiman ukaru nayar irpañamaxa —sasa.

1 Samuel 22:8

Jumanakax taqiniw nayatak jan wali amtapxtaxa, janiw khitis wawaxampi Jesé jaqin yuqapampi mä amtäwi luratapat yatiykituti; janirakiw khitis nayat amtasipkistati; janiw khitis siskituti kuntix yuqaxax yanapirixar nayar jan wal lurañ amtayatapatxa, kunjämtix jichhax wakichasiski ukhama —sasa.

1 Samuel 23:18

Ukhamasti panpachaniw Tatitun nayraqatapan mä amtäwi lurapxäna. Uka qhipatsti Jonatanax utaparuw kuttanxäna. Davidasti Hores chiqan qhiparxarakïna.