1 Samuel 17:7 - Qullan Arunaka DC

⁷ Lanzapan lawapasti mä telar lawar uñtat jach'änwa, k'achipasti hierrot luratänwa, ukasti suxta kilotsa jilänwa. Jupan nayraqatapsti yanapiripaw saräna.

Aymar Bibliia 1986

⁷ Lanzapan tucuyapasti mä telar lawan tucuyapjamänwa, ucan hierro puntapasti sojjta kilow pesaraquïna. Nayrakatapsti yanapiripaw sararaquïna.

Qullan Arunaca

⁷ Lanzapan tucuyapasti mä telar lawan tucuyapjamänwa, ucan hierro puntapasti sojjta kilow pesaraquïna. Nayrakatapsti yanapiripaw sararaquïna.

1 Samuel 17:7 Jak'a apnaqawi uñst'ayäwi

2 Samuel 21:16

ukatsti Isbí-benot sat mä jach'a tansa jaqiw juparux niyapun jiwayäna. Uka jaqin lanzapax kimsa tunka kilot jilänwa, ukhamarus wak'aparux mä machaq espadampi warkkatatänwa.

2 Samuel 21:19

Ukxarusti Gob chiqanarak filisteonakampi nuwasiñax utjarakïna, uka nuwasïwinsti Belén markan jakasir Jaaré-oreguim sat jaqin Elhanán yuqapax Gat chiqankir Goliat jaqiruw jiwt'ayäna, uka jaqin lanza katuñapasti sawuñ lawar uñtat jach'apunïnwa.

1 Crónicas 11:23

Ukhamarakiw mä jach'a tansa egipcio jaqirus jiwayäna, uka jaqix niya pä metro chikatanjamänwa, lanzapas mä telaran lawapjam wali jach'arakïnwa. Benaías chachax mä lawampiw jawq'antäna, lanzap aparasax pachpa lanzapampiw jiwayäna.

1 Crónicas 20:5

Filisteonakampi yaqha nuwasiñax utjkän ukkhaxa, Jaír chachan Elhanán yuqapax Lahmí chacharuw jiwt'ayäna, jupasti Gat chiqankir Goliat chachan jilapänwa, lanzapan lawapax mä telaran lawapjam wali jach'änwa.

1 Samuel 17:41

Filisteo jaqisti juk'at juk'at Davidarux jak'achasïna. Jupan nayrapsti yanapiripaw saräna.