1 Samuel 17:46 - Qullan Arunaka DC

⁴⁶ Jichhasti Tatitux amparaxaruw jumar katuyitani, ukatsti jichhpachaw jiwt'ayäma, p'iqimsa apaqarakïma, filisteonakan jiwata janchipsa alaxpach jamach'inakana, pampankir animalanakan manq'antañapatakiw churä. Ukhamat taqinis yatipxani, Israel markan mä Diosan utjatapa,

Aymar Bibliia 1986

⁴⁶ Jichhajj Tatitojj jumarojj amparajjaruw catuyitani, ucatsti jichhpachaw jiwt'ayäma, p'ekemsa apakaraquïmawa. Uqhamarac filisteonacan janchipsa alajjpach jamach'inacaruw mank'añanacapataqui churä, pampanquir animalanacaw mank'apjjaraquini. Uqhamatwa take jakenacajj yatipjjani, Israelanjja mä Diosajj utjatapa.

Qullan Arunaca

⁴⁶ Jichhajj Tatitojj jumarojj amparajjaruw catuyitani, ucatsti jichhpachaw jiwt'ayäma, p'ekemsa apakaraquïmawa. Uqhamarac filisteonacan janchipsa alajjpach jamach'inacaruw mank'añanacapataqui churä, pampanquir animalanacaw mank'apjjaraquini. Uqhamatwa take jakenacajj yatipjjani, Israelanjja mä Diosajj utjatapa.

1 Samuel 17:46 Jak'a apnaqawi uñst'ayäwi

Génesis 40:19

Akat kimsa ururusti, faraonax luratam uñjani, ukatsti mä quqaruw warkkatayätam, siwiq'aranakaw jutasin janchim manq'ani —sasa.

2 Samuel 18:28

Ukapachaw Ahimaasax purinisin reyir aruntäna, nayraqatapan uraqkam alt'asisin jupar sarakïna: —Juma reyin Tatit Diosapax jach'añchatäpan, jichhasti jupax juma reyitak sayt'asirinakarux tukjiwa —sasa.

2 Samuel 21:10

Ukat Aiá chachan Rispá phuchhapaxa, llakisiñat chhankha isinakampiw uchasïna, ukatsti mä qarqa pataruw winkutatäna, paqallqu jiwat janchinak jak'aru. Ukawjan qhiparäna cebada apthapiñ qallta urunakata, jallupacha qallta urunakkama; uruy arumaw uka jiwat janchinak uñjäna, janiw jamach'inaksa, pampa animalanaksa jak'aykänti.

1 Reyes 8:43

jumax alaxpachatpach ist'animaya, kawkhantix jaktaxa ukkhatpacha, ukatsti kuntix maykätam uk churarakim, ukhamat aka uraqinkir taqpach markanakan juman sutim uñt'añapataki, jach'añchañapatakiraki, kunjämatix Israel markamax lurki ukhama, ukatsti sutimax aka uta jumatak lurkta ukan aytatätap yatipxañapataki.

1 Reyes 8:60

ukhamat aka uraqinkir taqi markanakax, Tatitun Diosätapa, yaqhax jan utjatapa yatipxañapataki.

2 Reyes 19:19

Jichhasti, nanakan Tatit Diosaxay, Senaquerib reyin ch'amapat qhispiyapxitaya, ukhamat aka uraqinkir markanakan juma Tatitu Diosaki utjatap yatipxañapataki” sasa.

2 Reyes 5:15

Ukat jupampi, jupa chik jutirinakampisa, Eliseon ukaruw sarapxäna. Jupan ukar purisinsti, Naamanax sänwa: —¡Jichhax yatxtwa, taqi uraqpachan janiw Israelan Diosapjam yaqhax utjkiti! Jichhasti achikt'asïma, mä churäwiy naya, luqtirimat katuqt'asita —sasa.

Salmos 31:8

8 (9) uñisirinakaxat qhispiyista; ¡suma thakhiruw kayunakax takt'ayista!

Salmos 46:10

10 (11) “¡Amukt'xapxam! ¡Nayan Diosätax yatipxam! ¡Nayax markanakat juk'ampïtwa! ¡Uraqitsa juk'ampirakïtwa!”

Éxodo 9:16

Ukampis nayaw juman jan jiwañam munkti, ch'amax uñjañamatakiw jakaysma, ukhamat nayan sutixan taqi uraqin uñt'atäñapataki.

Isaías 37:20

Nanakan Dios Tatituxay, munañan asirionakat qhispiyapxita, ukhamat taqi markanakax juman sapa Diosakïtam yatipxani” sasa.

Isaías 52:10

Tatitux taqi markanakan uñjkataw jach'a ch'amap uñacht'ayi. Jiwasan Diosasax qhispiykistu ukxa, taqi aka uraqpacharakiw yatini.

Isaías 56:9

Tatitux siwa: Uñisir markanaka, Jutapxam, markaxar nuwantapxam; ch'umi animalanakjam manq'arpayapxam;

Jeremías 19:7

Aka chiqan Judá uraqimpina, Jerusalén markampin amtatanakapsa t'unjä. Uñisirinakapampi atipjayasaw jiwarayä, jiwat janchinakapasti siwiq'aranakana, monte animalanakan manq'apäniwa.

Jeremías 34:20

Ukat jichhax nayax jiwayir uñisirinakaparuw katuyä, jiwat janchinakapasti jach'a jamach'inakana, montenkir animalanakan manq'añapatakïniwa.

Daniel (hebreo) 2:47

Danielarusti sarakïnwa: —Chiqpachapuniw jumanakan Tatitumax taqi diosanakan Diosapaxa; ¡taqi reyinakansa reyipawa! Jupax taqi kun yati, ukat jumax aka jan amuyt'kay samksa qhanañcharakistaxa —sasa.

Daniel (hebreo) 3:29

Jichhasti nayax arstwa, khiti jaqitix aka waynanakan Diosap tuqi jan wali arunak parlkani ukax kharinuqatäpan, utapasa mayjaru t'unthapitarakïpan, khitïskpasa, kawki markankirïskpasa, kuna arut parlasirïskpasa; ukham qhispiyir yaqha diosax janiw utjkiti” sasa.

Mateo 24:28

Mä arunxa: Kawkhantix jaqi jiwatax utjkixa, ukkharuw siwiq'aranakax tantachasipxi.

Deuteronomio 28:26

Jamach'inakampi, monte animalanakampiw jiwat janchim manq'antani, janiw khiti aliswaqiris utjkaniti.

Deuteronomio 7:2

Kunapachatix Tatit Diosamax uka markanak jumanakar katuyapkätam, ukatsti jupanakar atipjapxarakïta ukkhasti, janiw jumanakax jupanakat khuyapayasipxätati, janirakiw kuna suma arust'äwirus jupanakampi mantapxätati; q'alpun uka markanak t'unjapxäta.

Deuteronomio 7:23

Ukampis Tatit Diosamaw uka markanak jumanakar katuyapxätam, juk'at juk'at jupanakar q'al tukjañkama.

Josué 10:8

Tatitusti Josué chacharux sänwa: “Jan jupanakar axsaramti, nayaw amparamar katuyaskäma, janirakiw jupanakat khitis saykatkätamti” sasa.

Josué 4:24

Ukhamat uraqinkir taqi markanakax kunja ch'amanïkitix Tatitux uk yatipxani, jumanakasti Tatitu Diosamarux jach'añchapxapunïtawa” sasa.

1 Samuel 14:6

Jonatanasti yanapiriparuw säna: —Jina, mäpit jawir khurkatar makhatañäni, kawkhankkitix Tatitur jan uñt'ir soldadonakax ukkharu. Inampis Tatitux mä kunsa jiwasatak luraskaspa, jupatakix janiw ch'amäkiti walja jaqimpi, jan ukax juk'a jaqimpi atipt'ayañaxa —sasa. Yanapiripax sänwa:

1 Samuel 17:44

Ukhamarus sarakïnwa: —¡Jutam akaru, nayax juman janchim alaxpach jamach'inakana, pampankir animalanakan manq'antañapatakiw churä! —sasa.