1 Samuel 17:45 - Qullan Arunaka DC

⁴⁵ Davidasti sarakïnwa: —Jumasti espadampi, lanzampi, mich'inakampiw nayamp nuwasir juttaxa, ukampis nayax jumampi nuwasiñatakix taqi ch'amani Tatit Diosan sutipxaruw jutta, jupasti Israelan soldadonakapan Diosapawa khitinakarutix jumax nuwantañ munkta uka.

Aymar Bibliia 1986

⁴⁵ Davidasti saraquïnwa: —Jumasti espadampi, lanzampi, flechanacampiw nayamp nuwasirejj juttajja ucampis nayajj jumampi nuwasirejj take ch'amani Tatit Diosan sutipjjaruw juttjja. Jupasti Israelan ejercitopan Diosapawa, qhitirutejj jumajj arnakcta ucana.

Qullan Arunaca

⁴⁵ Davidasti saraquïnwa: —Jumasti espadampi, lanzampi, flechanacampiw nayamp nuwasirejj juttajja ucampis nayajj jumampi nuwasirejj take ch'amani Tatit Diosan sutipjjaruw juttjja. Jupasti Israelan ejercitopan Diosapawa, qhitirutejj jumajj arnakcta ucana.

1 Samuel 17:45 Jak'a apnaqawi uñst'ayäwi

2 Crónicas 14:10

10 (9) Ukampisa, Asá reyix Zérah chachampiru ejercitopampir nuwantañatakiw wakicht'asïna, jaqinakapampisti Maresá jak'ana, Sefata qhirwan nuwasiñatakiw utjnuqtäna.

2 Crónicas 32:8

Asiriankir reyix jaqinakan ch'amaparukiw katuyasi, ukampis Tatitu Diosasaw jiwasampïski, nuwasïwinakasan jiwasar yanapt'añapataki” sasa. Ezequías reyin arunakap ist'asinsti, jaqinakax wal ch'amañchasipxäna.

Salmos 124:8

Yanapt'ax Tatitut juti, khititix alaxpacha akapach lurki uka Tatituta.

Salmos 18:2

2 (3) Jumaw arxatirixätaxa, imantasiñaxätasa, jumaw qhispiyirixätaxa, Diosaxätasa, nayar imantir qarqaxätasa, imir jark'aqasiñaxätasa, qhispiyir ch'amaxätasa, wali amstankir imantasiñaxätasa.

Salmos 20:8

8 (9) Jupanakax tinkurayataw uñjasipxi, jiwasanakasti ch'aman sayt'atakïsktanwa.

Salmos 3:8

8 (9) Tatay, jumaw qhispiyirïtaxa; ¡askinakampiy markamar phuqhantam!

Salmos 44:6

6 (7) Janiw nayax mich'inak antutt'añaru, mich'inakarus alkatkiristti, janirakiw espadaxas atipaykitaspati;

Proverbios 18:10

Tatitun sutipax jach'a pukarar uñtatawa, uka tuqiruw aski jaqinakax qhispiyasiñatak jalapxi.

Isaías 37:23

¿Khitirus arunakamampix ñanqhachtaxa? ¿Khititakis ukataq arustaxa, jach'a jach'a tukusas uñatatastaxa? ¡Israelan Qullan Diosapatakiw ukham lurtaxa!

Isaías 37:28

Nayax taqi sarnaqatamxa, taqi luräwinakamsa yattwa; nayatak wal phiñasitamsa yatiraktwa.

2 Corintios 10:4

Nanakan nuwasiñ yänakaxax, janiw akapachankir yänakäkiti, jan ukasti nanakan nuwasiñ yänakaxax, taqi ch'amanaksa tukjirpacha Diosan ch'amapawa. Ukhamat jan wali arunak utjatap t'unjapxta,

2 Corintios 3:5

Janiw nanakpach kun lurañatakis yatiqatäpkirista ukhamäpkti; jan ukasti, taqi kuntix lurapkta ukax Diosat juti,

Filipenses 4:13

Criston ch'amapampix taqi kunaruw saykatirista.

1 Samuel 17:10

Jichhüruw nayax Israel markan ejercitoparu aka arunak sista: “¡Mä jaqi khithanipxita nayampi nuwasiñapataki!” sasa.

1 Samuel 17:26

Ukat Davidax jupa jak'ankki uka jaqinakar jiskt'arakïna: —¿Reyix kunsa churaspa aka filisteo jaqiru jiwaykaspa, israelitanakarus jan jisk'achaykaspa uka jaqiruxa? Ukhamasti, ¿khitirak Diosar jan uñt'iri uka filisteo jaqisti, jakkir Diosan ejercitopar arnaqañapatakisti? —sasa.

1 Samuel 17:36

mä leonasa jan ukax mä ososa nayar katjañ munipanxa, jawq'askamaw jiwayirïta. Tatitur jan uñt'ir aka filisteo jaqirusti uka kipkwa lurä, jupan jakkir Diosan soldadonakapar arknaqatap layku.

1 Samuel 17:6

Charanakap imt'añataki, ukhamaraki kallachipxankki uka jabalina sat mich'isa, broncet luratarakïnwa.