1 Samuel 17:39 - Qullan Arunaka DC

³⁹ Ukxarusti Davidax wak'apar mä espadampi uchasisaw sarnaqañ yant'äna, ukampis janiw uka isiru yatitäkänti. Ukat jank'akiw Saúl reyirux sarakïna: —Janiw aka isinakampi isintatax sarnaqañjamäkiti, janirakiw ukhamarus yatitäkti —sasa. Ukatsti uka nuwasiñ isinak apsusxänwa.

Aymar Bibliia 1986

³⁹ Ucat Davidajj espada warccatasi, sartaña yant'i, janiw uca isirojj yatitäcänti. Ucat ucspachaw Saúl reyirojj saraqui: —Janiw sartañjamäquiti take aca isinacampi isintasisajja, janiraquiw uqhamarus yatitäcti aca isinacarojja —sasa. Ucat take ucanacjja isirasjje.

Qullan Arunaca

³⁹ Ucat Davidajj espada warccatasi, sartaña yant'i, janiw uca isirojj yatitäcänti. Ucat ucspachaw Saúl reyirojj saraqui: —Janiw sartañjamäquiti take aca isinacampi isintasisajja, janiraquiw uqhamarus yatitäcti aca isinacarojja —sasa. Ucat take ucanacjja isirasjje.

1 Samuel 17:39 Jak'a apnaqawi uñst'ayäwi

Oseas 1:7

Ukampisa, Judá markatxa khuyapt'ayasïwa, naya kipka Diosaparakiw qhispiyä. Ukatakisti janiw nuwantañax wakiskaniti, janirakiw kuna espadanakasa, caballerianakasa munaskaniti.”

Zacarías 4:6

Jupasti saskakïnwa: “Tatitux Zorobabel chacharuw yatiyäwi apayaski akham sasa: ‘Zorobabel, janiw jach'a chamanïñamax wakiskiti, janirakiw jach'a ejercitonïñamas munaskiti; jan ukasti ajayuxampikiw atipt'asma, siw taqi ch'aman Tatituxa.

1 Samuel 17:38

Ukatsti Saúl reyix jupan nuwasiñ isipampiw Davidarux isthapiyäna, broncet lurat cascompiw p'iqipar asxatayäna, ukatsti hierrot lurat isimpiw isintayäna.

1 Samuel 17:40

Thujrup ayxarusisinsti, phisqa llusq'a qalanak jawirat chhijllt'asïna, uka qalanaksti wayaqaparuw irantasiwayäna, ukatsti q'urawa iqt'atakiw uka filisteo jaqimpix jikintasïna.