1 Samuel 17:35 - Qullan Arunaka DC

³⁵ nayax qhipapat arktirïta, usuchjasinsti lakapat ovej aparirïta,

Aymar Bibliia 1986

³⁵ nayajj khepat arctirïyäta, ucat uca oveja aparirïtjja. Ucampisa cunapachatejj uca animalajj cutiquipstanisin jaljjatañ munitän ucqhasti, nayajj lacat catusin ch'iyt'irïyäta, jiwayañcamaraquiw jawk'jirïyäta.

Qullan Arunaca

³⁵ nayajj khepat arctirïyäta, ucat uca oveja aparirïtjja. Ucampisa cunapachatejj uca animalajj cutiquipstanisin jaljjatañ munitän ucqhasti, nayajj lacat catusin ch'iyt'irïyäta, jiwayañcamaraquiw jawk'jirïyäta.

1 Samuel 17:35 Jak'a apnaqawi uñst'ayäwi

2 Samuel 23:20

Joiadá jaqin Benaías sat yuqapax jan axsarir soldadorakïnwa, jupasti Cabseel chiqan utjasïna, wali jach'a luräwinak luräna. Jupaw Moab markankir Ariel jaqin pani yuqapar jiwarayäna. Mä urusti, khunuw khununtaskäna, jupasti mä jach'a p'iyar saraqasin mä leonar jiwt'ayäna.

Salmos 91:13

Katarinakarusa, asirunakarus takxataskakïtawa, leonanak taypinsa, sarnaqaskakïtawa.

Daniel (hebreo) 6:22

22 (23) Diosaxax, leonanakan lakap jist'antiriw angelap khithani, ukhamat nayar jan kuns kamachapxañapataki, Diosax nayan jan juchanïtax yatiwa, ukhamaraki juma rey tuqis jan kuna juch lurataxsa yatirakiwa —sasa.

Amós 3:12

Tatitux akham siwa: “Kunjämatix awatirix leonan lakapat pä chhuchhulliksa, jan ukax mä chikat jinchuksa aparasixa, ukhamaw Samaria markan jakir israelitanakat juk'aniki qhispipxani, Damasco markat apanit suma qunuñan qunt'asipki ukanakaxa.”

1 Samuel 17:34

Davidasti saskakïnwa: —Nayax awkixan ovejanakap awatirikïtwa. Kunapachatix mä leonaxa, jan ukax mä ososa oveja apasiñatak jutirïki ukkhaxa,

1 Samuel 17:36

mä leonasa jan ukax mä ososa nayar katjañ munipanxa, jawq'askamaw jiwayirïta. Tatitur jan uñt'ir aka filisteo jaqirusti uka kipkwa lurä, jupan jakkir Diosan soldadonakapar arknaqatap layku.