1 Samuel 17:18 - Qullan Arunaka DC

¹⁸ Ejerciton jilïripatakisti aka tunka quesompi apawayam. Ukatsti kunjamäskis jilanakamax uk uñjt'anim, ukat nayatak mä kunsa apanirapita jupanakan walikïskatap yatiñaxataki —sasa.

Aymar Bibliia 1986

¹⁸ Uqhamaraqui aca tunca quesompi apawayam batallonan comandantepataqui. Ucatsti jilanacamar uñjt'aniraquim, cunjämäsipquis jupanacajj uca tokenacata yatiyaraquita, ucatsti mä cunsa apanirapita nayan yatiñajjataqui jupanacan waliquïscatapata.”

Qullan Arunaca

¹⁸ Uqhamaraqui aca tunca quesompi apawayam batallonan comandantepataqui. Ucatsti jilanacamar uñjt'aniraquim, cunjämäsipquis jupanacajj uca tokenacata yatiyaraquita, ucatsti mä cunsa apanirapita nayan yatiñajjataqui jupanacan waliquïscatapata.”

1 Samuel 17:18 Jak'a apnaqawi uñst'ayäwi

Génesis 37:13

Ukat Jacobux Josear säna: —Jilanakamax Siquem tuqin ovejanak awatisipki. Jupanakar uñjt'ir sarasma —sasa. —Saräxaya, kun janixa —sasaw Joseax säna.

Génesis 37:14

Awkipasti ukxaruw sarakïna: —Ukhamax saramaya, uñjt'anim, kunjämäskis jilanakamasa, ovejanakasa, ukatsti jank'akiw nayar yatiyir kuttanïta —sasa. Joseasti Hebrón qhirwat mistuwayasin Siquem chiqaruw purïna,

2 Samuel 17:29

misk'i, vaca lechet lurat queso, oveja lechet lurat queso, Davidampi, jupa chik sarir jaqinakampi manq'asiñapataki; wasar tuqit jutasin manq'at wali awtjata, umatsa pharjat jikxatasipxatap amuyasina.

Ester (hebreo) 2:11

Mardoqueosti sapüruw warminakan utap uñkatasin saranaqäna, Ester tawaqux walikïskpachati, juparux sumti uñjasipkpacha janicha uk yatiñataki.

Job 10:10

Jumaw janchixan ukhamäñapatak luristaxa, kunjämatix lechex quesor tukuwaykxi ukhama;

Éxodo 18:7

Moisesasti Jetró awkch'ipar katuqiriw mistuwayäna. Ukatsti jupan nayraqatapan alt'asisaw jamp'att'arakïna; aruntasisasti chhujllaruw mantapxi.

Hechos 15:36

Ukat mä qawqha pachatsti Pablox Bernabearuw säna: —Kawkha markanakantix Tatitun arunakap yatiyanktan uka jilatanakar tumpt'ir wasitat sarañäni, kunjamäsipkpachas jupanakax uk yatiñataki —sasa.

Jueces 18:15

Ukhamasti uka uñaqanakax mayninakat jithiqtawayasin levita waynan utaparuw sarapxäna, uka utasti Micaías chachan utapänwa.

1 Samuel 16:20

Ukat Jesé chachax David yuqaparux Saúl reyin ukaruw khithäna. Jupampi chiksti mä asno irpayarakïna, t'ant'as khumt'ata, mä lip'ichi wayaqa vinompi, mä cabritompi kuna.

1 Samuel 17:19

Ukchañkamasti Saúl reyimpi, Davidan jilanakapampi, israelitanakampisti Elá qhirwa uraqin filisteonakampix nuwasisipkäna.

1 Samuel 30:21

Davidax kawkhantix uka pä patak jaqinakax jikxataskäna ukkharuw purinïna, jupanakan qarjatätap laykusti janiw jupamp chik sarapkataynati, jan ukasti Besor jawir chiqaruw qhiparapxatayna; jupanakasti Davidampiru, jupamp chikäpki ukanakampir katuqiriw mistunipxäna. Davidasti jupanakar jak'achasisin aruntarakïna.